الحمد لله الذي لايحمد على مكروه سواه

[memoo305]

أخواني أعضاء القسم ...
انا مررت أمبارح بظروف عصبية جدا وأرجو منكم تقديم النصيحة.
صباح أمس كنت ذاهب إلى عملى كل المعتاد الساعة 7:15 ص ويدوبك على بعد 5 كيلو من البيت (مدينة العبور) وعلى الطريق الداخلى وفي ملف بالطريق فؤجت بأحد المارة بيعدى من الجزيرة إلى في النص على نص الملف بالضبط .أي النقطة إلى أن مش شايفها . المهم أن كنت ماسك الحارة إلى في النص وفي اتوبيس على شمالي حب يجري من قدام الأتوبيس جه عندي ربط فرامل ورميت شمال إتحرك خطوة للحارة اليمين وبعد كدة أقسم بالله كأن حد زقة علشان يرجع ورا خطوة .
طبعا جه في جنب العربية اليمين ولاسف قضاء الله نفذ في ساعتها فيه.(رحمة الله)
أنا وقفت وطلبت النجدة والأسعاف . ورحت سلمت نفسي في القسم وتعرض على النيابه وبعد إجراءات كتير وبهدلة أ خدت إفراج بضمان محل الإقامة في أخر اليوم.
-
دلوقت أعتقد أن الموضوع هيكمل قضية مش عارف أيه ابعدها وهتاخد أد أية وأوكل محامي ولا ايه .والمحامي هيعمل ايه.
-والمشكلة أخرى أن أهل المتوفي من مدينة النهضة والقسم خايف انهم يعملو قلق لدرجة أنهم كانو بيهربوني للعرض على النيابة والرجوع مش عارف الناس ديه أعمل معاه أيه...
- نجي بقى للعربية طبعا أضرار وهمية (هي لسه محجوزة في القسم) أعتقد أنه الرفرف اليمين بالكامل مع الأكصدام الأمامي والفانوس والمرايه اليمين والبربريز الأمامي ( ده على ما أتذكر لأني ما عاينتهاش بدقة) مش عارف أوديها فين مودرن موتورز ولا السبع وهاتخش في حدود كام .
العربية صني 2013
أساءلكم النصيحة والدعاء...
أخوكم محمد

[engaass]

لا حول ولا قوة الا بالله
قل اللهم اجرنى فى مصيبتى واخلفنى خيرا منها

[X_MM_X]

ربنا معاك انتا في موقف عصيب

[SAMEH_FOUAD]

ربنا معاك ياباشا , انت فعلا فى موقف عصيب جدا , وربنا ينجيك منة على خير ان شاء الله , وطالما انت مظلوم ومالكش ذنب فى الحادث تأكد ان ربنا هيكون معاك بإذن الله , ربنا معاك يارب

[masryxt]

ربنا يسترها معاك

قلبي معاك وان شاء الله ربنا يفرج كربك

[فادى محمد]

اللهم فرج كربتك
عليك بالاستغفار

[shady_hamdy]

ربنا معاك ان شاء الله

[dr_radioooooo]

انتا راجل محترم
ربنا هيكرمك ان شاء الله

[SonaSteel]

لا حول ولا قوة الا بالله
ربنا يجيرك في مصيبتك ويخلفك خيرا منها يارب ....... ربنا يفرج كربك و يفرج همك يارب ويعوضك خيرا

[mn3em]

قدر الله وما شاء فعل وان شاء الله تعدي علي خير .... بس ما تستهونش بالموضوع ولازم تشوف محامي كويس وهيبقي قتل خطأ بس لازم المحامي يبقي فاهم كويس واعتقد الموضوع ممكن ياخد شهور وخاصة في ظل الظروف اللي احنا فيها اليومين دول بس لو تقدر تشوف لو فيه شهود ويقولوا ان الراجل هو اللي غلطان .... الموضوع مش هيطول ان شاء الله
وربنا معاك

[assaf]

ربنا ييسرلك امرك
المهم دلوقتي تحاول تشوف محامي كويس و خالي بالك لحد من اهله يحاول يتعرضلك

[moumen_hs]

قدر الله وما شاء فعل وربنا يرحم الى مات حضرتك طبعا أمامك مشكلتين
1- العربية ودية تتحل على مهلها والاخوة يساعدوك أفضل منى
2- موضوع القضية
مقدمة
أولا طبعا لازم محامى ويفضل يكون معرفة علشان ميشتغلكش الموضوع كدة كدة هيخلص بس احنا عايزينة يخلص بالعقل وبما يرضى الله
حضرتك سواء الى مات غلطة منة او غلطك منك فى دية قتل تقضى الى اهلة دة حق ربنا لانة ممكن يكون عندة أسرة ذمبها فى رقة مين واحنا برضوا بندور على راحة الضمير والاخرة


بالنسبة للمحامى بيشوف المحضر أتكتب فية اية ولو حضرتك الشخص الى مات هو الى غلطان ودة ثابت فى المحضر بيكون فى حكم كام شهر كدة تقريبا 3 مع ايقاف التنفيذ دة أقصى شى أو غرامة لاتتعدى 1000 جم وطبعا لو أتكررت حدثة ممثلة فى خلال 3 سنوان بيتنفذ القديم والجديد بس طبعا حضرتك عليك هنا حاجة تانية تشوف حد كدة وسطة للناس أهل الميت ويحاول يسترضيهم قدر الامكان بتعويضهم بالمال علشان تخلى رقبة أمام ربنا دية القتل الخطاء ودة بيتثبت فى القضية تنازل من أهل الميت عن حقهم المدنى وبيحسن وضعك قبل الحكم جدا
أما لو لم يتنازلو ا عن حقهم بيبقى أكيد هيرفعوا قضية بالتعويض اقصاها فلوس منك ومن شركة التامين ضد مخاطر الغير طبعا المحامى هيشرح ليك كل التفاصيل الضبط وأقصى حاجة يخدها المحامى مش هتزيد عن 1000 أو 2000 لوكان غالى . وانا بنقل لحضرتك تجربة كذا واحد أعرفهم حصل معاهم الموضوع دة وربنا يحفظ الجميع من كل شر ومتنساش حضرتك تدعى للمتوفى بالرحمة دائما فى صلاتك

[kar!m]

اللهم أجرك في مصيبتك و أخلفك خيرا منها.

[S O P H O S]

الله يرحم المتوفي
ويخرجك من الموضوع ده علي خير يارب ..

[Bishoy.Girgis]

ربنا معاك و ان شاء الله هتتحل القضية علي خير بس فعلا لازم يكون معاك محامي كويس و ياريت يكون معرفة