الاسبويلر غير شكل ظهر الصني الجديدة جدا

[kar!m]

السلام عليكم و رحمة الله.

من ساعة ما الصني الجديدة نزلت و أنا مش بالع أوي ضهرها .. زي عربيات تانية برضه مش قادر أبلعها .. منها اللوجان و الأوبترا و عربيات تانية .. و طبعا الموضوع أذواق .. يعني اللي يعجبني ممكن ميعجبش غيري و العكس.

المهم النهاردة لقيت الصني الجديدة و عليها اسبويلر .. حسيت ان الاسبويلر عدل ظهر العربية جامد .. و شكلها اختلف بدرجة كبيرة.

تقريبا دي السوبر صالون الجديدة .. من وجهة نظري المتواضعه .. الناس اللي بيهتم بالشكل و معندوش سبويلر .. يروح يركبه في التوكيل .. هيفرق في شكل العربية جدا.

دي صورة العربية اللي انا شفتها.

[youssef_u]

فعلا مخلي شكلها احسن بكتييير

[youssef_u]

سؤال بس يا جدعان هو مفتاح الشنطة فين ؟

[eng_maged]

ومتنساش كمان الجنط. الاتنين عاملين شغل جامد

[kar!m]

سؤال بس يا جدعان هو مفتاح الشنطة فين ؟ :u_thin1[1]:

ممكن تكون بتفتح من جوه بس .. كان عندي الكورسا كده.

ومتنساش كمان الجنط. الاتنين عاملين شغل جامد

الجنط مخلي شكل العربية اجمالا كويس .. انما السبويلر غير شكل الشنطة اللي مكنتش عاجبة ناس كتير أصلا.

[kokowasfy]

مشاء اللة وبرك اللة فيك مجهود رائع السيارة فوق الرائعة

[rafeee2]

المهم النهاردة لقيت الصني الجديدة و عليها اسبويلر .. حسيت ان الاسبويلر عدل ظهر العربية جامد .. و شكلها اختلف بدرجة كبيرة.

+1

[ahmed_h_g]

فعلا" شكلها حلو بالسبويلر

[dr.hazem]

فعلا لمحه جميلة واول مره اشوف السبويلر وغيرلي فكرتي عن العربية...
تحياتي

Sent from my SE Arc S using Forum Runner

[د.هشام]

انا شايف ان العربية من غير سبويلر احلى
بس دا مايمنعش ان السبويلر اكيد بيزود ثبات العربية اكتر

سؤال بس يا جدعان هو مفتاح الشنطة فين ؟ :u_thin1[1]:

زي ما قال الاستاذ كريم, مافيش مفتاح للشنطة

[canner]

ان شاء الله ح ابقى اركبه بس المشكلة اسمه موجود فى اخر اللسته اللى لسه ماعملتش حاجة فيها لحد دلوقتى

[HaNo_ELBeh]

فعلا العربيه شكلها بقى حلو جدا وعقبال باقى الحاجات التانيه

[moaaz]

احلى بكتير ..ولسة كمان لما الشركات تنزل فوانيس خلفية معدلة ليها هتعدل شكلها اكتر كمااان ربنا يبارك لاصحابها

[shady_hamdy]

فعلا الاسبويلير و الجنط و الفامية هما الى عملوا شكل للعربية و منغير دول مكنتش هشتريها تقريبا