شفط الصاج

[moumen_hs]

أنهاردة جبت أدة لشفط الصاج لانى كنت من كام يوم لاقيت العربية مخبوطة فى طبل الباب ودخلين على الاخر المهم طرقت فكرة الشفط بالبحث تم العثور على هذا الاختراع هو أصلا عدة من بتوع الزجاج بس من الاخر رد الباب بنسبة 90 بس طبعا السوكة صعب بكام بقى 20 جم من الرويعى طبعا هى نفس فكرة المضخة بس بتلزف على الصاج حديد ياريت الى عندة خبطة أو دفسة يحاول تكون معة ومش هيندم
وأدى الصورة

[amrelsaqqa]

متاااابع ، ياريت صور لطريقة الاستخدام عشان انا مش فاهم بيستخدم ازاى
وكمان لما اروح اشتريه اقول اسمه ايه ؟

[nagy wassef]

طب هى ممكن تشفط فى الاماكن اللى الصاج بتاعها ضعيف فقط صح؟ يعنى لو مثلا اخر الرفرف الخلفى جنب الفانوس على طول ينفع؟ على اساس انها حته ناشفة نسبيا...

[monamize4]

ياريت صور او فيديو للتوضيح اكتر نظرا لاهمية الموضوع

[moaaz]

اعتقد هتبقى مفيدة جدا فى الحتت الضعيفة زى نص الباب او الرفرف ..لما حد مثلا يسند على العربية و تدخل لجوة ..بدل ما تفك الفرش علشان تردها ..دى تشفطها تتطلع ..فكرة تححفة ...بس انا اجبها من اى حد بتاع زجاج ؟؟؟؟ ولا ايه ؟ ..وشكرا على الافادة

[moumen_hs]

دة لانك فى فديوهات للشرح بس دة طبعا الاصلى أحنا افتكاسة

http://www.nilemotors.net/Nile/279653-a.html

ودة افتكاسة مصرية برضوا تحترم

http://www.nilemotors.net/Nile/31085-a-2.html

[medori]

طيب الطريقه ديه تنفع فى رد العتب؟

[moumen_hs]

طيب الطريقه ديه تنفع فى رد العتب؟

لا طبعا العتب حلة بمسامير الشك بيخرم بدراع أخرة مصمار سك ويسحب حتة حتة لغاية لما يتعدل أو بيدخل ماصورة فمن أخرالعتب وبيفتح العتب من الداخل أما شغل العك يقطع العتي ويحط طاج ويلحم ويجلغ طريقة بلدى تستخدم لو العتب فشلت فية الطرقتين أو فى باروما

[moumen_hs]

اعتقد هتبقى مفيدة جدا فى الحتت الضعيفة زى نص الباب او الرفرف ..لما حد مثلا يسند على العربية و تدخل لجوة ..بدل ما تفك الفرش علشان تردها ..دى تشفطها تتطلع ..فكرة تححفة ...بس انا اجبها من اى حد بتاع زجاج ؟؟؟؟ ولا ايه ؟ ..وشكرا على الافادة

أنا جبتها من الرويعى عند واحد بتاع زجاج ومريات هناك فى تانى ممر فى الرويعى بعد بتوع الخشب الاويما أسمة خالد

[HaNo_ELBeh]

أنا جبتها من الرويعى عند واحد بتاع زجاج ومريات هناك فى تانى ممر فى الرويعى بعد بتوع الخشب الاويما أسمة خالد

حضرتك تقصد الرويعى الموجود فى العتبه وهى اسمها ايه

[moumen_hs]

حضرتك تقصد الرويعى الموجود فى العتبه وهى اسمها ايه

أيوة يافندم الى فى العتبة م أسمها شفاط زجاج كاوتش

[Youssef.Awad]

شكرا ع الافادة