الفرامل خفيفة ؟ تفتكرو إيه السبب ؟صني 2010

[miceg]

السلام عليكم ورحمه الله وبركاته
بعد يومين من شراء السيارة صني 2010 سوبر صالون
الاحظ وجود مشكلة في الفرامل
هي كانت روعة وكانت باللمس فالاول
كام طلعة كده لقيت الفرامل خفيفة ولازم انزل تحت بزياده عشان تقف
مع اني هادي فالسواقة ولم أقوم بعمل إي رعونة
الاسئلة ؟
1 - مالعمل مع ان العربية قربت تقفل الخمسين الف كيلو ؟ هل اروح للتوكيل ؟
وايه ظروفه احجزله امتي وانا فمدينة نصر عاوز اعرف أقرب فرع ليا
وماهي فترة الصيانة يعني هلاقي صف طوابير ولا ايه عشان شغلي
2- لو المشكلة في تيل او زيت لازم اغيرهم فالتوكيل ؟
أفيدوني جزاكم الله خيرا

[Sehsss]

نصيحة روح أوتو إيجبت أبورواش.. احجز بالتليفون على رقم 16666 في أي يوم يناسبك وما تقلقش طالما حاجز أول ما هاتوصل في ميعادك هاتسلم العربية فورا.. وإن شاء الله تبقى بسيطة

[miceg]

اين الردوووووووود

[SonaSteel]

ممكن يكون التيل خلصان واللي قبليك مكانش محافظ علي الصيانة
الزيت ناقص
حاجات كتير
احجز صيانة وروح اكشف
عند السبع في المعادي
يونايتد في الدراسة قريب جدا لمدينة نصر ..عند مسجد الشرطة

شوف انت محتاج ايه وشوف المصنعية ... لو كتير هات قطع الغيار الاصلية من التوكيل وركبها بره

[miceg]

مشرفنا العزيز بارك الله فيك
واسف لعدم رؤيتي الرد
طيب بالنسبة لدفتر الصيانه الراجل اللي باعلي العربية كان الدفتر مختوم عليه ختم السبع اوتوموتيف
هو ايه الفرق بين الاثنين

[miceg]

ممكن يكون التيل خلصان واللي قبليك مكانش محافظ علي الصيانة
الزيت ناقص
حاجات كتير
احجز صيانة وروح اكشف
عند السبع في المعادي
يونايتد في الدراسة قريب جدا لمدينة نصر ..عند مسجد الشرطة

شوف انت محتاج ايه وشوف المصنعية ... لو كتير هات قطع الغيار الاصلية من التوكيل وركبها بره

بارك الله فيك
هو الصني ليها كام مركز صيانة
بالسبة اللي قبلي كان عامل صيانة ال 45 شهر 9 اللي فات

[Sehsss]

مشرفنا العزيز بارك الله فيك
واسف لعدم رؤيتي الرد
طيب بالنسبة لدفتر الصيانه الراجل اللي باعلي العربية كان الدفتر مختوم عليه ختم السبع اوتوموتيف
هو ايه الفرق بين الاثنين

ما فيش فرق، ممكن تروح أي مركز صيانة عادي والسبع كويس جدا، بس أنا بانصحك بأوتو إيجبت من عدة تجارب (شخصية) معاهم.. تحياتي

[د. علاء ابراهيم]

اول حاجه فورا و بدون تردد و بدون نقاش و على وجه السرعة
افتح الكبوت
بص على خزنة زيت الفرامل لو الزيت ناقص اشترى زيت دوت4 من شل او موبل و زود زيت الفرامل ( و احذر من انسكاب الزيت على الصاج لانه يؤثر على اللون)

اصل لو العربية كانت بتفرمل كويس منذ
فترة قريبة و فجاة الاداء بدا يتغير فالاغلب زيت بيسرب او ماستر ضرب ( التيل التغيير بيحصل تدريجيا )
و شيل معك زجاجة زيت فراما اخرى للطوارىء ( ماهو طالما الزيت نقص فجاة كده يبقى هينقص تانى)
ثم نشوف بقى نحجز فى اوتو ايجبت ( و لا اوصيك امشى بالراحة لو اكتشفت ان بالفعل فى تسريب زيت)
لو مافيش تسريب كده احنا على الاقل اتطمنا الى ان نحجز صيانة و نطمان اكثر


و لو حصل اى حاجة و الفرامل ما اسعفتكش .....تذكر....
شد فرامل اليد بقوة

[saint2011]

روح للسبع بزهراء المعادى بجوار نادى وادى دجلة أعتقد هيكون أقرب من مدينة نصر بدل متروح أبو رواش لأتو إيجيبت ومسافة ومحور وخصوصا انك عندك مشكلة فى الفرامل فخليك أفضل مع السبع أتصل وأحجز 16449

[Youssef.Awad]

نصيحة غير زيت الفرامل لمرور 3 سنوات على العربية كوقاية
وكمان غير التيل لو كان اللى شاريها منه ما غيروش من اول الزيرو
واكشف على دورة الفرامل فى التوكيل

[د. علاء ابراهيم]

نصيحة غير زيت الفرامل لمرور 3 سنوات على العربية كوقاية
وكمان غير التيل لو كان اللى شاريها منه ما غيروش من اول الزيرو
واكشف على دورة الفرامل فى التوكيل

[Land_Cruiser]

مبدأيا حضرتك اطمن ان زيت الفرامل مش ناقص و بعدين أتأكد ان الفرامل بتوقف العربيه فعلا فى مكانها و لا لأ حتى لو كنت بتضطر تدوس عليه لتحت شويه و ان مفيش صوت صفاره مع الفرمله. اللى بيحصل انه مع الاستخدام بيحصل تآكل فى التيل مع الوقت و ده شىء طبيعى يخللى البدال يبقى محتاج ضغط أقوى و اللى بيحدد حالته طبعا هو الفحص بس بالاضافه لده بيبقى ليه أعراض زى صفاره مع الفرمله او ان العربيه ممكن تزحف شويه مع الفرمله. أنصحك انك تخليهم يبصوا عليها فى اقرب صيانه طبعا إذا كانت قريبه و ده علشان يبقى مشوار واحد و خللى بالك لو روحت لموضوع الفرامل فقط فى الاغلب هتدفع مصنعيه الكشف على الفرامل و دى حوالى ١١٠ جنيه و لذلك الافضل تتأكد الاول هل هى عامله مشكله فى الفرمله تستوجب عمل زياره مخصوص للتوكيل و لا ممكن تستنى اقرب صيانه فى حاله لو كانت قريبه

[د. علاء ابراهيم]

ايه الاخبار يا صاحب الموضوع
عايزين نطمأن
الفرامل مش لعبة