الزيت زيادة ومحتاج اخفه - ازاي ؟

[the_air_devil]

بسم الله الرحمن الرحيم


بعد ما الدكتور يوسف قلب الأسد اداني خبرته في موضوع الزيوت وقاللي ابص على مقاس الزيت لأنه شك يكون زيادة , خصوصاً بعد ما الصنايعي لقيته حط اكتر من التلاتة لتر اللي قلتله عليهم ... كعادة الصنايعية المصريين والله الواحد مايعرفش يروح فين بعد كدة

لقيت مقاس الزيت زيادة , ونظراً لتعدد أضرار الحكاية دي قررت اخف الزيت فوراً واقلله علشان يرجع لمقياسه الطبيعي


السؤال هنا : انا ماعنديش إمكانية ادخل أي حاجة اسفنجية اشفط بيها الزيت , مين من السادة الكرام هنا يعرف محطة بنزين عندها إمكانية لشفط الزيت من غير فك الطبة ؟ وياريت بس يعرفني اسمها ومكانها ربنا يكرمكم ويبارك لكم

[akmm]

ممكن فى اى بنزينه خليه يفك الطبه شويه وحدد له قبلها انتى عاوز تفضى منه اد ايه .......

[tarekMANDOUH]

ممكن تروح اي محطة بنزين عندها مكنة شفط وتشفط الحبة الزيادة

[aymanshebl]

شوف حضرتك الموضوع ده يمكن يفيدك

http://www.nilemotors.net/Nile/233171-a.html

[Eng.Geo]

خد الفكرة ده :D

http://www.nilemotors.net/Nile/263476-max.html

بس أوعي تعملها هههههههههههههههههههههه

[the_air_devil]

شوف حضرتك الموضوع ده يمكن يفيدك

http://www.nilemotors.net/Nile/233171-a.html

أعتقد ان دي عملية جراحية مش شفط زيت

دي محتاجة اسوق لحد وسط البلد واعمل تجربة هندسية لحد ماركب كل الحاجات دي في بعضها !

[the_air_devil]

ممكن تروح اي محطة بنزين عندها مكنة شفط وتشفط الحبة الزيادة

ماهو سؤالي عن أنهي محطة بنزين بتعمل كدة ومكانها فين ... علشان مش كله بيفهم أصلاً ولو فهم بيكون ماعندهوش عدة

تحديداً محتاج اعرف أماكن محطة بنزين إمارات مصر , وهل حد عنده فكرة محطة وطنية بتعمل كدة ولا لأ؟

[the_air_devil]

خد الفكرة ده :d

http://www.nilemotors.net/nile/263476-max.html

بس أوعي تعملها هههههههههههههههههههههه

ههههههههههههههههههههههههههههههههههههههههههههههه

:b4_282:

[tarekMANDOUH]

في محطة امارات مصر عند كارفور المعادي على الدائري ودي فيها مكنة شفط و محطات شل فيها بردو مكن شفط

[the_air_devil]

في محطة امارات مصر عند كارفور المعادي على الدائري ودي فيها مكنة شفط و محطات شل فيها بردو مكن شفط

الله يباركلك يا راجل ....

انا نازل دلوقتي حالاً رايح هناك , ربنا يرزقك كل خير ويكفيك شر الطريق واللي عليه

[canner]

محطة شل اللى فى احمد عرابى اللى عند جنيدى فيها مكن شفط و ده اللى كان بيتعمل معايا فى الريجاتا علشان الطبة كانت مترحلة لو معملتهاش يا احمد باشا دلوقتى رنلى و ح اخدك لهناك

تحياتى

[khaled25_9]

الله يباركلك يا راجل ....

انا نازل دلوقتي حالاً رايح هناك , ربنا يرزقك كل خير ويكفيك شر الطريق واللي عليه

ابقا طمنا يا معلم عملت ايه :)

[Eng.Geo]

انا مجرب في محطة وطنية اللي جنب سيتي ستارز وكان فيها
وبرضه في فرع فالفولين اللي في الحي السابع جنب مصنع البيبسي

[youssef_u]

يا باشا احنا مصريين ،،، خرطوم و اشفط و خلص

[HaNo_ELBeh]

حضرتك ممكن تروح بنزيه شيل فى شارع الطيران-مدينه نصر او الامارات الطريق الدائرى قبل كارفور المعادى
وبالتوفيق انشا الله