نيسان الشكل القديم فيـــن؟

[asyl84]

ياجماعة انا عندى مشكلة حبيت اشترى نيسان صنى الشكل القديم لانها عاجبانى كتر لقيتها عند السبع ب 99500 الى هى سعرها اصلا 93000 والفرق سينسور وفرش جلد واستلام فورى وسرقــــــه اتصلت بالمصنع قالى دى سعرها 93000 واحنا منعرفش السبع عامل لية كدة وادانى ارقام الموزعين محدش رد غير اوتو ايجيبت تقريبا ودة كان ممتاز قالى 93000 بس بعد شهرين او شهرين ونص وطبعااا انا مش هشترى عربية حديثة عشان انتظر كل دة وانتظر لية اصلا المصنع خلص انتاج الشكل دة يعنى الى موجود استوك حد يعرف حل يارجالة للعالم بنت التييييت دى

[Sehsss]

حاليا بدأ تجميع الصني القديمة في المصنع، ولكنه كان متوقف لفترة علشان الطلب الكبير على الشكل القديم، فعلشان كده هاتستنى شوية علشان تستلم لأن أكيد مش حضرتك بس اللي عايز الشكل القديم وفي ناس تانية حاجزة.. تحياتي

[Youssef.Awad]

قدام حضرتك كذا حل :
1. الحجز والانتظار مع اتوايجيبت وتستلم وقت ما ربنا يأذن
2. البحث فى كذا معرض فى السوق او باقى الموزعين المعتمدين غير السبع يمكن ربنا يوقعك فى سعر زيادة الف ولا اتنين بس مش 6500 ج مرة واحدة !!! (عشان حساس ركن خلفى اخره 400ج + فرش جلد اخره 1600 ج نمرة واحد)
3. البحث فى اختيار تانى غير الصنى ونيسان

[youssef_u]

فعلا بدأت اشوف الشكل القديم بيطلع من المصنع في اكتوبر بس اعداد قليلة ، انا شايف ان حضرتك تلف شويه عالمعارض و هتلاقيها ان شاء الله

[Sehsss]

حاليا بدأ تجميع الصني القديمة في المصنع، ولكنه كان متوقف لفترة علشان الطلب الكبير على الشكل القديم، فعلشان كده هاتستنى شوية علشان تستلم لأن أكيد مش حضرتك بس اللي عايز الشكل القديم وفي ناس تانية حاجزة.. تحياتي

تصحيح (الطلب الكبير على الشكل الجديد)

[asyl84]

شكرا يارجالة وهو دة الى قررت اعملة بكرة انى الف وادور عليها رغم انى حاسس انها بلا جدوى لانى مش شايفها نهائى فى اى معرض بس لو حد عندة فكرة عن معارض تبيعها يبقى يقولى بقى لانى لو فكرت فى غير النيسان هتبقى السيراتو وناس كتير جداااااااا قالتلى ان الصنى برقبيتها وابعد عنها ومحدش يقولى الشكل الجديد لانى مش حابة نهائى

[Sehsss]

شكرا يارجالة وهو دة الى قررت اعملة بكرة انى الف وادور عليها رغم انى حاسس انها بلا جدوى لانى مش شايفها نهائى فى اى معرض بس لو حد عندة فكرة عن معارض تبيعها يبقى يقولى بقى لانى لو فكرت فى غير النيسان هتبقى السيراتو وناس كتير جداااااااا قالتلى ان الصنى برقبيتها وابعد عنها ومحدش يقولى الشكل الجديد لانى مش حابة نهائى

بالتوفيق

[Abdm]

طيب هينتجوا الصنى الشكل القديم من ال ex فقط ولا كمان هينتجوا السوبر صالون للشكل القديم .

وجزاكم الله خيرا

[egyptiandiver]

بالتوفيق

[Sehsss]

طيب هينتجوا الصنى الشكل القديم من ال ex فقط ولا كمان هينتجوا السوبر صالون للشكل القديم .

وجزاكم الله خيرا

ex فقط مانيوال وأوتو بدون abs

[amrassal]

انا كنت بدور زيك بقالي تلت اسابيع ولقيتها موجوده زيرو في سوق السيارات ب98000 موش حضرتك برضو اللي كنت بعتلي لما كنت ببيع عربيتي ال2008 هو انت لسه مشتريتش ربنا يوفقك يا رب انا عموما سبقتك وبعت ال2008 وجبت 2011 بقالي يومين والحمد لله

[asyl84]

انا كنت بدور زيك بقالي تلت اسابيع ولقيتها موجوده زيرو في سوق السيارات ب98000 موش حضرتك برضو اللي كنت بعتلي لما كنت ببيع عربيتي ال2008 هو انت لسه مشتريتش ربنا يوفقك يا رب انا عموما سبقتك وبعت ال2008 وجبت 2011 بقالي يومين والحمد لله

الحقيقة انا بعت لناس كتير بس موصلتش لحاجة عشان كدة فكرت اجيبها زيرو لانى مش متعود على المستعمل وبخاف منة روحت شوفتلى عربيتين بس كانوا سيراتو الصراحة ولقيت الكدب للركب الى يقولك مش راشة وهى متشقلبة اصلا فقلت اجيب نيسان بس الشكل القديم زيرو لانها فى رائى افضل من حيث الشكل على الاقل هى كلاسيك لكن الجديدة مش شايفلها معالم

[zinger]

فعلا الشكل القديم أشيك واحلى من الجديد بكتير , أوعى تتنازل عنه وربنا إن شاء الله يوفقك وتلاقى

[asyl84]

فعلا الشكل القديم أشيك واحلى من الجديد بكتير , أوعى تتنازل عنه وربنا إن شاء الله يوفقك وتلاقى

اللهم امين ..على العموم لو حد شافها فى معرض يبقى يقول انا شخصيا لقيتها عند الابيض موتورز الى فى اول شارع فيصل سعرها 98000 من غير اية بى اس طبعا بس لونها اسود وفرش بيج ودة خلانى مجبهاش باقى الرجالة بقى بيتكلموا فى 99000 سمير الريان والسبع والوحيد الى اتكلم ف 93000 كان يونايتد وقالك كمان شهرين ونص فالى يوصل لحاجة اقل يقول

[Youssef.Awad]

انا شايف تكسب وقت وتحجز مؤقتا مع يونايتد جروب ولو ظهر حاجة تانية استلام فورى بسعر مناسب لك تخلص فيها وتلغى الحجز