جهاز إنذار لنيو صني ورخامة مودرن موتورز

[heba_hassan]

يا جماعه أنا حصلي موقف رخم جدا

أنا روحت امبارح أعمل صيانة 1000 في مودرن موترز وأنا كنت شاريه جهاز انذار spy 2 way فا أخدته معايا عشان أركبه فوجئت وأنا هناك إنهم بيقولوا ماينفعش نركب غير جهاز إنذار من إلي عندنا يا إما ضفيرة الكهرباء هاتخرج من الضمان فاقلتلهم ما إنتوا إلي هتركوا الأنذار قالولي برضه ماينفعش

دلوقتي مش عارفه أعمل إيه ؟؟؟؟؟؟؟؟؟


في حاجه تانيه العربيه لما دخلت الصيانه ماكملتش نص ساعه متهيألي ماعملوش حاجه غير انهم غيرو الزيت
والفاتوره إلي خدتها كاتبين فيها 4 لتر زيت وعلبة شحم وادوني جركن زيت فاضل فيه شويه وعلبة الشحم شكلها ماستدموهاش خالص مليانه زي ماهي

ياتري يا جماعه ده عادي ولا ضحكوا عليا ؟

[the_air_devil]

يا جماعه أنا حصلي موقف رخم جدا

أنا روحت امبارح أعمل صيانة 1000 في مودرن موترز وأنا كنت شاريه جهاز انذار spy 2 way فا أخدته معايا عشان أركبه فوجئت وأنا هناك إنهم بيقولوا ماينفعش نركب غير جهاز إنذار من إلي عندنا يا إما ضفيرة الكهرباء هاتخرج من الضمان فاقلتلهم ما إنتوا إلي هتركوا الأنذار قالولي برضه ماينفعش

دلوقتي مش عارفه أعمل إيه ؟؟؟؟؟؟؟؟؟


في حاجه تانيه العربيه لما دخلت الصيانه ماكملتش نص ساعه متهيألي ماعملوش حاجه غير انهم غيرو الزيت
والفاتوره إلي خدتها كاتبين فيها 4 لتر زيت وعلبة شحم وادوني جركن زيت فاضل فيه شويه وعلبة الشحم شكلها ماستدموهاش خالص مليانه زي ماهي

ياتري يا جماعه ده عادي ولا ضحكوا عليا ؟

بالفعل هو موقف رخم خصوصاً ان جهاز الإنذار اللي معاكي مش رخيص !!

بس كان الأولى يشرحوا أسباب كدة ليه , يعني الجهاز اللي معاكي هايحتاج تعديل في صفيرة الكهرباء ولا علشان جهازهم اللي بيبيعوه بيركب على فيش عادية مش محتاجين يلعبوا في ضفيرة الكهرباء ؟؟ لو مافيش سبب وجيه ومنطقي يبقى ده اسمه استغلال


المفروض في صيانة الألف بيتعمل حاجات ممكن ماتبانش كلها , لكن خلينا نتناولها بالترتيب:

1- تغيير الزيت والفلتر

2- رجلشة فرامل اليد (المفروض تحسي انها لما تتشد مابتبقاش عالية للآخر زي قبل الصيانة , تدي 3 تكات بس).

3- إعادة معايرة عداد لفات المحرك, ومعايرة أي عداد مرتبط بسينسور (ده اللي انا فاهمه لو حد يقدر يشرح بشكل أكتر مني).

4- الكشف على كل السوائل الخاصة بالمحرك والأجزاء المعاونة

5- الكشف على الأنوار بالكامل والأجزاء الكهربائية المتحركة زي باور الدركسيون والزجاج الكهربائي

6- ضبط ضغط الكاوتش

7- تشحيم الموتور

بس كدة , والمفروض يدوهالك مغسولة ونضيفة


من جهة انهم ادولك جركن زيت فيه حبة , ممكن تشوفي أصلاً الجركن ده كام لتر وفاضل فيه كام شرطة , لأنه ممكن يبقى 4 لتر وهما حطوا 3 لتر علشان تغيير الزيت والفلتر

أما عن "الشحم" , فأول مرة اشوف البند ده بيتحط على الصيانة ويتدفع عنه فلوس , ماشفتش في حياتي مركز صيانة ولا حتى ميكانيكي بيدفع الناس تمن الشحم اللي بتتشحم بيه أجزاء المحرك !!! , هما مانصبوش عليكي علشان يدخلوا حتة الشحم دي في الموضوع , لكن اللي مش كويس هو انهم يدفعوكي تمن علبة شحم كاملة على صيانة موتور لسة زيرو !! لأ وكمان يدوهالك في إيدك


عموماً الموضوع مش مشكلة كبيرة لكن كويس انك لفتي نظرنا لحاجات زي كدة بتحصل , لأنه ممكن يدفعني تمن تشحيم العربية ومصنعيتها بسعر أعلى من 3 علب شحم كاملة ومايدينيش حاجة ف إيدي في الآخر ويضحك عليا , وفي النهاية ده مركز خدمة وطالما كل حاجة معاكي لها ورقة وإثبات دفع يبقى مافيش "شخص" نصب عليكي ولا حاجة

[canner]

هناك قاعدة اساسية بتطبق قدامى على طول و قليل لما ما بتحصلشى

لو جبت حاجة من حد و اروح لحد تانى علشان يركبها و خصوصا انه لو عنده منها و بيبعها

يا بيقولى ما تنفعشى ، او يركبها اى كلام و لو حصل حاجة بيقولى انك جايبها بايظة او ما تنفعشى اساسا

ده غير انه بيقول جبتها بكام و اضحك عليك و الذى منه

و دلوقتى قدامك حل من اتنين تسألى فى المراكز الصيانة زى اوتو ايجيبت و السبع لحد ما تلاقى حد يرضى يركبه فى الضمان

يا ما تكبرى دماغك و تروحى لواحد بتاع كهربا كويس و تركبيه عنده و انا لا افضل الحل ده علشان العربية لسه جديدة و فى الضمان و مش عارفين لسه ايه اللى فيها

موضوع اللى اتنصب عليكى فى الصيانة دى ده شعور نسبى و من الواضح انك مش حاسة قوى اللى انتى اتنصب عليكى بس موضوع عدم تركيب جهاز الانذار مضايقك و قافلك منهم

نصيحة مستقبلا لما تجيبى حاجة اطرحى الموضوع فى المنتدى و خذى الاراء قبل ما تجيبيها او شوفى مواضيع مشابهه الاول

تحياتى

[Sehsss]

يا راجل، حد يروح مودرن برجليه

[youssef_u]

يا راجل، حد يروح مودرن برجليه

[Sehsss]

حد يروح مودرن برجليه

تصحيح.. آسف جدا لحضرتك ما اخدتش بالي من العضوية، ونصيحة لو عاوزة تركبي حاجة روحي أوتو إيجبت أو السبع أفضل من مودرن.. تحياتي

[Youssef.Awad]

نصيحة مستقبلا لما تجيبى حاجة اطرحى الموضوع فى المنتدى و خذى الاراء قبل ما تجيبيها او شوفى مواضيع مشابهه الاول

تحياتى

[Bishoy.Girgis]

ممكن ترجعي جهاز الانذار للمكان اللي اشترتيه منه و تقولي لهم ان التوكيل رفض تركيبه خوفا علي ضفيرة الكهرباء و خروجها من الضمان و المفروض ان المحل ده محترم و يرجع الجهاز بدون نقاش

نصيحة بقي :
لما تعوزي تركبي اي اكسسوارات او جهاز انذار و خلافه للعربية .. لازم تركبي اللي موجود في التوكيل علي الاقل في فترة الضمان بتاعة العربية علشان لو حصل اي حاجه يبقي التوكيل اللي يشيل الموضوع من اوله لأخره

و الاكسسورارت المتاحة و النظيفة جدا هتلاقيها في توكيل اوتوايجيبت لأنهم بيجبوا النوعيات المحترمة حتي لو صيني اما بالنسبة للسبع هو مش قوي في الاكسسوارات و طبعا مودرن عنده اكسسوارات بس نوعيات للاسف رديئة

و غير كده بنصحك و عن تجربة انك تعملي الصيانات بعد كده في اوتوايجيبت او السبع فقط لا غير

و الف مبروك الصيانة و عقبال صيانة الـ 100000 كيلو ان شاء الله

[ART_tv90]

اعتقد ان حضرتك استعجلتى فى شراء جهاز الانزار لعده اسباب:
- تركيب الجهاز هيخلى ضفيره الكهرباء خارج الضمان.... ثانيا ممكن فعلا ميكونش متوافق مع موديل السياره .. ويسبب مشاكل بالسياره .. ولا قدر الله ممكن يحرق الضفيره كامله ..
على فكره ده مش كلامى ده كلام متخصصين فى هذا المجال لانى كنت ناوى اركب جهاز إنذار وقررت انى مستعجلش فى هذا الموضوع
اما بالنسبه لوقت الصيانه فى 1000 اخدت حوالى ساعتان تقريبا وحاسبونى على 3 لتر زيت وفلتر ومفيش شحم اول مره اسمع عن موضوع الشحم ده .. مع خالص تحياتى
[img2]http://nileup.com/up/uploads/nilemotors_13522393591.jpg[/img2]

[د. علاء ابراهيم]

علبة شحم؟؟؟؟؟

[memoo305]

نصيحة لوجه الله من تجربة بتم حالياُ مع مودرن موتورز . اياكي حتى تعدي من جنبيها.

[heba_hassan]

شكرا يا جماعه علي ردودكم أنا بجد متشكره جدا

بس عندي شوية أسئله

أنا عايزه اركب انذار وكاميرا دول هيكون سعرهم كام والشاشه بتاعة الكاميرا بتتحط فين وبيكون حجمها اد ايه تقريبا والأهم بتكون الروئيه واضحه فيها يعني هكون شايفه كل حاجه ورايا أصل الرجوع ده مشكله بالنسبالي

أخر حاجه ممكن رقم أوتو أجيبت أبو رواش ؟

وياتري لو حجزت عشان أركب الحجات دي هتاخد وقت أد ايه لأني هستأذن من الشغل وروح

أسفه قوي علي الكلام الكتير بس انا مابستفدش غير منكوا بصراحه

[canner]

16666

تحياتى

[Youssef.Awad]

[heba_hassan]

يغني ايه الصوره دي مش فاهمه ؟؟؟؟؟!!!!!!!!!!!!!