إعـــــــلان

Collapse

.

,
See more
See less

قدر الله و ماشاء فعل عملت حادثة خفيفة و محتاج رأيكم

Collapse
X
 
  • Filter
  • الوقت
  • Show
Clear All
new posts

  • قدر الله و ماشاء فعل عملت حادثة خفيفة و محتاج رأيكم

    السلام عليكم

    الصبح وأنا بأوصل الأولاد ربنا كرمنى بواحد معاه لانوس قطع عليا الشارع
    والحمدلله الأسرة تمام و فداهم أى حاجة

    أنا كنت فى الشارع الرئيسى و هو جاى من الشارع الفرعى عاوز يخش فى الشارع اللى قصاده و الشارع اللى قصاده ده مرحل نص متر كده شمال

    طبعا الباشا قطع الشارع من غير ما يقف يبص ولا كلاكسات و لا أى حاجة خالص وكان على سرعة عالية نوعا ما
    أنا كنت ماشى هادى فدوست أنا على الفرامل و أنا عارف انى خابط خابط لان المسافة وقت ما طلع بسرعته كانت متر ونص تقريبا المهم خبطت فى جنب العربية عنده بالكامل و شوفت البابين عنده و هما بيطبقوا و هو علشان كان بيجرى فجنب العربية عنده اتحك واتبهدل كله

    طبعا الباشا لما نزل من العربية عادى جدا و لا كأن فى حاجة حصلت ونزل ابنه وقاله ياحبيبى المدرسة أدامك كده علطول امشى الحتة الصغيرة دى وطبعا فهمت انه كان مستعجل علشان كده كان ماشى بسرعة و مابصش

    المهم لما نزلت و شوفت الخبطة عنده قلت أنا أكيد الوش عندى راح بس الحمدلله ربنا ستر
    هو الرفرف الشمال عنده اطبق من ناحية الباب و الباب الأمامى و الخلفى اطبقوا كمان

    أنا بأة تقريبا الاكصدام امتص الصدمة الحمد لله و طلع من مكانه من ناحية الشمال من ناحية الكلبسات
    والفانوس الشمال اتكسر منه جزء

    ودى الصور بعد الحادثة

    خروج الرفرف من مكانه و الكليبسات سليمة الحمد لله





    الاكصدام والفانوس من الامام




    صورة أقرب للفانوس الأمامى وواضح الشرخ فى باغة الفانوس والجزء المكسور فيها معايا



    طبعا أنا شوفت سعر الفانوس الامامى الكامل بـ 945 من موضوع أحمد تى فى ربنا يباركله
    وأنا شايف الموضوع مش مستاهل أغير الفانوس مؤقتا فأسيبها شوية علشان تاخد العين
    لكن انا فى اسكندرية و الشتاء جامد فقلقان يحصل حاجة هل لو المية دخلت على اللمبة مثلا و هى سخنة تفرقع فبأفكر ألم الموضوع و أروح لحد بتاع باغات ولا حاجة يلزقلى الجزء المكسور لكن الراجل اللى أعرفه شغله ما عجبنيش هو فى صلاح الدين فلو حد يدلنى على واحد كويس يا ريت


    وبالمرة يا شباب خبطتين تانيين على الماشى علشان آخد رأيكم فيهم

    الاكصدام الأمامى من تحت ودى مش مؤثرة معايا و بأفكر أطنشها




    اللى قلقان منه هو حكة عند الباب الخلفى الأيمن لان البويـة اتحكت و للأسف المكان فيه صدأ فتنصحونى اعمل ايه وهل بره التوكيل و لا جوه التوكيل



    صورة أقرب



    أنا بأفكر أروح لأى صنايعى يعالجها ومش عاوز أرشها ولا حاجة بس علشان ما تمسكش بارومة فيها
    ولو حد يعرف مركز فى اسكندرية متخصص فى موضوع الخدوش و الخرابيش و البوليش يا ريت يقولى

    وأشكركم مقدما

  • #2
    حمد الله على سلامتك اولا.
    ثانيا ياريت تعمل باخه الفانوس لو مش هتغيرة مستقبلا علشان ميجيرش.
    الخبطه اللى فى الاكصدام بشويه مياه ساخنه هترد لوحدها
    انا مصدوم من سرعة الصدا الظاهر المفروض يكون معالج ضد الصدا وياريت تروح تعلجة فوراااااا

    Comment


    • #3
      شركة الاهرام في التوفقيه عندها جميع انواع الباغات الخلفية والاماميه
      [FONT="Comic Sans MS"]ومع اقتراب العاصفة !! , أبدا لن تسقط مصر[SIZE="4"][/SIZE][/FONT]

      bkaltalamana سابقا

      Comment


      • #4
        حمدلله على سلامة حضرتك

        Comment


        • #5
          قدر الله وما شاء فعل المهم أنك بخير

          بالنسبة للفانوس ألحم الجزء اللي اتكسر ما دام معاك بأمير أنا عملت كدا قبل كدا والفانوس كان زي الفل.
          الأكصدام محتاج يتعدل الحتة اللي تحت دي ودي سهلة جدا ومن غير ما يقسر البوية ويتلمع ويتثبت تاني وهيرجع جديد أن شاء الله.

          الحكة اللي في الجنب دي محتاجه برضه تلميع وتلقط أماكن الصدأ كدا علي خفيف من غير رش عشان البارومة وهيمشي حالها

          بس أنا ليا سؤال
          هو حضرتك مخبوط من فترة وعشان كدا ظهر الصدأ ولا هي مجرد ما أتخبطت ظهر أو كان تحت الرش؟؟؟
          أنا مش فاهم أصل المفروض بيبقي فيه طبفة تحت الرش بتبقي حماية من الصدأ ودي مش بتطلع إلا مع الحكة الجامدة ولو حصل وطلعت العربية هتقعد شوية يعني مع مطر أو غسيل عشان تكون صدأ فياريت توضح النقطة دي
          تحياتي

          Comment


          • #6
            معلشى يا أستاذ عادل قدر الله وما شاء فعل وفداك أى حاجة ويتلم الموضوع فى أضيق الحدود بالنسبة للأكصدام ممكن أى حد بتاع فيبر يستعدلة بس أهم حاجة تشوف الرفرف عشان البرومة والشتاء داخل والمطرة ومتفكرش تعمل أى أصلاحات فى التوكيل عشان الأسعار عالية ومبالغ فيها
            [CENTER][SIGPIC][/SIGPIC][/CENTER]

            Comment


            • #7
              قدر الله وماشاء فعل حمد لله على سلامة حضرتك والاسرة الكريمه
              [frame="7 80"][SIZE="3"]التقدم في العمر حتمي
              ولكن ان تشيخ روحك فهو اختيارك[/SIZE]:Zb_sor1[1]:[/frame]

              Comment


              • #8
                قدر الله وما شاء فعل وحمد الله على سلامتك.

                Comment


                • #9
                  الحمد لله على كل شىء ...................
                  :36_2_55[1]:

                  Comment


                  • #10
                    حمدالله على سلامة حضرتك
                    تقريبا ده مش صدأ يا باشا لان في السينا عندي بردو اول ما اتحكت من الرفرف اللي قدام علطول ظهر اللون ده تحت البويه فا غالبا ده مش صدأ

                    Comment


                    • #11
                      المشاركة الأصلية كتبت بواسطة hassanin_lada مشاهدة المشاركة
                      شركة الاهرام في التوفقيه عندها جميع انواع الباغات الخلفية والاماميه
                      أنا من إسكندرية مش من القاهرة يا باشا

                      المشاركة الأصلية كتبت بواسطة mhassan9 مشاهدة المشاركة
                      قدر الله وما شاء فعل المهم أنك بخير

                      بالنسبة للفانوس ألحم الجزء اللي اتكسر ما دام معاك بأمير أنا عملت كدا قبل كدا والفانوس كان زي الفل.
                      الأكصدام محتاج يتعدل الحتة اللي تحت دي ودي سهلة جدا ومن غير ما يقسر البوية ويتلمع ويتثبت تاني وهيرجع جديد أن شاء الله.

                      الحكة اللي في الجنب دي محتاجه برضه تلميع وتلقط أماكن الصدأ كدا علي خفيف من غير رش عشان البارومة وهيمشي حالها

                      بس أنا ليا سؤال
                      هو حضرتك مخبوط من فترة وعشان كدا ظهر الصدأ ولا هي مجرد ما أتخبطت ظهر أو كان تحت الرش؟؟؟
                      أنا مش فاهم أصل المفروض بيبقي فيه طبفة تحت الرش بتبقي حماية من الصدأ ودي مش بتطلع إلا مع الحكة الجامدة ولو حصل وطلعت العربية هتقعد شوية يعني مع مطر أو غسيل عشان تكون صدأ فياريت توضح النقطة دي
                      تحياتي
                      الحادثة اللى من الأمام بتاعة الاكصدام و الفانوس دى النهاردة الصبح
                      لكن الحكة اللى من الجنب المصدية دى من حوالى 3 أسابيع تقريبا وطبعا زى ما أوضحت أنا من اسكندرية وما أدراك بشتاء اسكندرية

                      المشاركة الأصلية كتبت بواسطة saint2011 مشاهدة المشاركة
                      معلشى يا أستاذ عادل قدر الله وما شاء فعل وفداك أى حاجة ويتلم الموضوع فى أضيق الحدود بالنسبة للأكصدام ممكن أى حد بتاع فيبر يستعدلة بس أهم حاجة تشوف الرفرف عشان البرومة والشتاء داخل والمطرة ومتفكرش تعمل أى أصلاحات فى التوكيل عشان الأسعار عالية ومبالغ فيها
                      شكرا يا أستاذ حاتم والحمد لله انها جت على قد كده

                      وشكرا للجميع على اهتمامهم

                      Comment


                      • #12
                        قدر الله وماشاء فعل
                        وفداك وفدى ضفر اى طفل من اطفالك

                        بالنسبة للاكصدام ان شاء يتربط ويرجع احسن من الاول

                        وبالنسبة للخبطة الى فى الاكصدام هتترد على البارد بسهولة وهترجع زى الاول لان الاكصدام بدهان المصنع( وانا كان عندى خبطة اكبر من دى فى الاكصدام الخلفى واتردت بسهولة ومبانتش اى اثار ليها بعد ماتردت)

                        بالنسبة لخرابيش الاكصدام والحاجت دى كلها والصدا والخرابيش اللى ورا
                        فى موضوع اهو الناس كلها مجرباه وبتشكر فيها وفى صور لعربيات عاملها هتلاقيها على الفيسبوك البقع السودا بيشيلها والخرابيش بتروح 90 منها فمش هتحتاج ترش وهتتعالج احسن باذن الله

                        http://www.nilemotors.net/Nile/31756...post3874619676
                        بالنسبة للفانوس لو سيبته كده هيصفر وشكله هيبقى وحش ده غير ان الاضاءة مش هتعجبك فيستحسن انك تجيبله باغة استيراد او حتى هاى كوبى لغاية مايجيب اخره وبعدين يبقى يتغير

                        ودايما اتوقع غباء الاخرين وفداك مرة تانية
                        [SIZE="6"][/SIZE][OVERLINE][FONT="Tahoma"][/FONT][/OVERLINE]{قل اللهم مالك الملك تؤتي الملك من تشاء وتنزع الملك ممن تشاء وتعز من شاء وتذل من تشاء بيدك الخير انك علي كل شئ قدير}

                        Comment


                        • #13
                          المشاركة الأصلية كتبت بواسطة ayman_omer2007 مشاهدة المشاركة
                          قدر الله وماشاء فعل
                          وفداك وفدى ضفر اى طفل من اطفالك

                          بالنسبة للاكصدام ان شاء يتربط ويرجع احسن من الاول

                          وبالنسبة للخبطة الى فى الاكصدام هتترد على البارد بسهولة وهترجع زى الاول لان الاكصدام بدهان المصنع( وانا كان عندى خبطة اكبر من دى فى الاكصدام الخلفى واتردت بسهولة ومبانتش اى اثار ليها بعد ماتردت)

                          بالنسبة لخرابيش الاكصدام والحاجت دى كلها والصدا والخرابيش اللى ورا
                          فى موضوع اهو الناس كلها مجرباه وبتشكر فيها وفى صور لعربيات عاملها هتلاقيها على الفيسبوك البقع السودا بيشيلها والخرابيش بتروح 90 منها فمش هتحتاج ترش وهتتعالج احسن باذن الله

                          http://www.nilemotors.net/nile/31756...post3874619676
                          بالنسبة للفانوس لو سيبته كده هيصفر وشكله هيبقى وحش ده غير ان الاضاءة مش هتعجبك فيستحسن انك تجيبله باغة استيراد او حتى هاى كوبى لغاية مايجيب اخره وبعدين يبقى يتغير

                          ودايما اتوقع غباء الاخرين وفداك مرة تانية
                          شاكر ليك اهتمامك فعلا و مساعدتك بس الناس دى فى القاهرة وأنا من اسكندرية

                          والله الواحد على قد ما يقدر بيحاول يمشى هادى ويحاول يتوقع اللى ممكن يحصل
                          بس انت متخيل سرعته أنا قبل ما أوصل تقاطع الشارع بصيت يمينى مالقتش حد ولما كملت شوفته على يمينى فجأة وبينى بينه متر ومن سرعته اتخبط فى جنب عربيته كله و عدا بأة على شمالى

                          الحمد لله
                          وشكرا ليك مرة تانية

                          Comment


                          • #14
                            المشاركة الأصلية كتبت بواسطة dodyam مشاهدة المشاركة
                            شاكر ليك اهتمامك فعلا و مساعدتك بس الناس دى فى القاهرة وأنا من اسكندرية

                            والله الواحد على قد ما يقدر بيحاول يمشى هادى ويحاول يتوقع اللى ممكن يحصل
                            بس انت متخيل سرعته أنا قبل ما أوصل تقاطع الشارع بصيت يمينى مالقتش حد ولما كملت شوفته على يمينى فجأة وبينى بينه متر ومن سرعته اتخبط فى جنب عربيته كله و عدا بأة على شمالى

                            الحمد لله
                            وشكرا ليك مرة تانية
                            انت تؤمر يافندم واخدمك بعنيا
                            حضرتك ممكن تبعتله الصور وتقله يقدر يعمل ايه فى العربية وشكل العربية هيرجع زى الاول بنسبة كام فى 100 ،وتساله اللى ورا ده صدا ولا ايه، لو لقيت ان الجروح كلها هتروح يستحسن تبقى متفق معاهم وتشوف اى وقت تبقى فاضى فيه وتعملها احسن مليون مرة من انك ترش الاكصدامات او ان حضرتك تسيب شكلها كده
                            [SIZE="6"][/SIZE][OVERLINE][FONT="Tahoma"][/FONT][/OVERLINE]{قل اللهم مالك الملك تؤتي الملك من تشاء وتنزع الملك ممن تشاء وتعز من شاء وتذل من تشاء بيدك الخير انك علي كل شئ قدير}

                            Comment


                            • #15
                              الحمد الله انكم بخير ..

                              Comment

                              Working...
                              X