حد جرب أليانز للتأمين

[gomana85]

السلام عليكم و رحمة الله و بركاته
نظرا لأني بإذن الله قدامي أيام و أستلم الصني الجديده فكنت عايزه اعرف ايه نظام التأمين
فقالولي في السبع انهم عاملين ديل مع أليانز ان الوثيقه الي ب 5.5% هأدفع 3.75 % بس و المهم في الموضوع ان لو لاقدر الله حصل اي حاجه بصلح في التوكيل و مش بدفع و لا مليم مش زي بقيت شركات التامين اني احاسب التوكيل و بعدين التامين يحاسبني
فحد جرب الشركة دي ؟؟
و في بينصحوني خليكي في شركة حكومة زي مصر للتأمين مثلا علشان احوال البلد الغير مستقره
أرجو الإفادة و النصيحه

[akmm]

والله متابع مع حضرتك ..

[amz2011]

ابعد عن اليانز
عشان حاجات كتير و انا مجربهم و عارف

[Mohamed Bander]

بصراحه انا جربتهم ،، ممتازين جدا ،، احسن من كونتاكت ،، عيبهم فى ال rate بتاعهم عالى تقريبا 4,5 %

[gomana85]

ابعد عن اليانز
عشان حاجات كتير و انا مجربهم و عارف

من فضلك شاركنا التجربة و قولنا ايه هي الحاجات الكتير

[the_air_devil]

من فضلك شاركنا التجربة و قولنا ايه هي الحاجات الكتير

ياريت فعلا علشان انا شاري من نفس الفرع ومأمن معاهم غصب عني طبعاً علشان الفرع بيتعامل معاهم ... وكذلك عملولي نفس الـ"خصم" وخلوني ادفع 3.75% "بس" ... وماكانش قدامي غير اني اقبل لأنها قسط

فياريت حضرتك تفيدنا باللي حصل معاك وهل هو تجربة شخصية غير قابلة للتكرار ولا هناك الكثير من المعذبين في الأرض من ضحاياهم ؟

ومتشكر لحضرتك على فتحك للموضوع ده هنا

[saint2011]

يا جماعة شركة أليانز من أحسن شركات التأمين فى مصر والكل بيبعد عنها عشان الرات بتعها عالى شويه لكن حضراتكم واخدين رات 3.75 وده سعر ممتاز لشركة كبيرة ذى أليانز

[moha4tec]

يا جماعة شركة أليانز من أحسن شركات التأمين فى مصر والكل بيبعد عنها عشان الرات بتعها عالى شويه لكن حضراتكم واخدين رات 3.75 وده سعر ممتاز لشركة كبيرة ذى أليانز

الكلام دا صح فعلا
و انا امنت معاهم و ممتازين فعلا بس ممكن يرخمو عليك فى حاجه كده .و لكن لما تعلى صوتك او تهددهم انك هتبعت للشركه الام بيقولولك شبيك لبيك

[saint2011]

الكلام دا صح فعلا
و انا امنت معاهم و ممتازين فعلا بس ممكن يرخمو عليك فى حاجه كده .و لكن لما تعلى صوتك او تهددهم انك هتبعت للشركه الام بيقولولك شبيك لبيك

على فكرة شركة أليانز للتأمين شركة ألمانية الأصل

[gomana85]

طيب معلش لو امكن ممكن من فضلكم حد يصورلي الوثيقه علشان اقراء الشروط ، اكون شاكره جدا
و معلش سؤال و التعاقد الي بين اليانز و السبع كده ان لو لاقدر الله حصل حاجه لما اصلح فيالسبع، مش هادفع العشره في الميه الي بتتدفع علشان بصلح في التوكيل زي مبتعمل الشركات التانيه صح ؟

[amz2011]

ياباشا
1- اليانز بتتعامل مع ورش وليس التوكيلات يعنى لو لا قدر الله العربية اتخبطيط هتلاقيهم بيجبيلوك لسته ب الورش اللى هما بيتعاملوا معاها و ديه نقطة سيئة

2- الرات بتاعهم عالى جدا جدا

3- بتدفع انت الحساب بتاع الاصلاح و بعدين بعدها بشهر يجيليك الشيك

4- وقت لما بيحصل حادثه تلاقيهم بيقولوا ايه مثلا الاكصدام اتكسر و اتغيير داه هنتحمل فيه 50 % فقط فيجى فالاخر تلاقيهم بيدفعو نص الفاتوره اللى انت دفعتها.

[togo]

طيب معلش لو امكن ممكن من فضلكم حد يصورلي الوثيقه علشان اقراء الشروط ، اكون شاكره جدا
و معلش سؤال و التعاقد الي بين اليانز و السبع كده ان لو لاقدر الله حصل حاجه لما اصلح فيالسبع، مش هادفع العشره في الميه الي بتتدفع علشان بصلح في التوكيل زي مبتعمل الشركات التانيه صح ؟

اولا احب اقولك انها شركه ممتازه جدا في توكيلات متعاقده معاهم زي السبع ويونايتد والباقي لا فبالتالي لو لاقدرالله هتصلح عندهم اليانز هتحاسب الباقي زي اوتو انت اللي هتحاسب وبعد كده هتحاسبهم والعشره في الميه دي من تاني سنه لو بتصلح في التوكيل

[amr00]

انا نفسى اعمل التامين معاهم او اى شركه اجنبيه لائنهم ناس محترمه ومن غير روتين بس قسط عالى اوى بالنسبالى

نصيحه ليكى العرض بتاع توكيل السبع ممتاز واليانز اسمع عنها كل خير ومحترمين وخصوصا انك مش هتدفعى ال10 % بس حاولى تستفسرى عن كل حاجه بالتفصيل

مش زى مصر للتامين اكنهم موظفيين فى مجمع التحرير حاجه تخنق


حد عندو تجربه او معلومه مع شركة وثاق لتأمين التكافلى خصوصا انهم اقل قسط فى مصر وشركه كويتيه او اى شركه تأمين بتتعامل مع توكيل لانسر

[_hema]

السلام عليكم و رحمة الله و بركاته
نظرا لأني بإذن الله قدامي أيام و أستلم الصني الجديده فكنت عايزه اعرف ايه نظام التأمين
فقالولي في السبع انهم عاملين ديل مع أليانز ان الوثيقه الي ب 5.5% هأدفع 3.75 % بس و المهم في الموضوع ان لو لاقدر الله حصل اي حاجه بصلح في التوكيل و مش بدفع و لا مليم مش زي بقيت شركات التامين اني احاسب التوكيل و بعدين التامين يحاسبني
فحد جرب الشركة دي ؟؟
و في بينصحوني خليكي في شركة حكومة زي مصر للتأمين مثلا علشان احوال البلد الغير مستقره
أرجو الإفادة و النصيحه

اخى الكريم

السلام عليكم ورحمه الله تعالى وبركاته


الف مبرووك على العربيه

اليانز من الشركات الاولى فى العالم وليس فى مصر رغم ان عمرها فى مصر لايتعدى السنوات القليله

انا مأمن تبع اليانز

ولو العربيه تقسيط بتصلح فى التوكيل على حسابك وتجيب فاتوره وتقدمها لشركه التأمين وتقوم هى بصرف المبلغ لحساب البنك
اما لو العربيه كاش فيتم التصليح على حسابهم وفعلاً هما عاميلن ديل مع السبع

[_hema]

ابعد عن اليانز
عشان حاجات كتير و انا مجربهم و عارف

ممكن حضرتك تعرفنى المشاكل الى واجهتك معاهم

عشان انا مأمن معاهم

ولك الشكر