برمجة مفتاح صنى 2013 سوبر صالون

[احمد الشيمى]

السلام عليكم ورحمه الله وبركاته

كيف يتم برمجة مفتاح صنى 2013 مع العلم ان المفتاح بيفتح ويقفل بالريموت ولكن بدون صوت يعنى العربية تقفل وتفتح بالريموت مع الفلشر مع العلم انى وجدت على موقع ما ان البرمجة بتتم عن طريق ادخال المفتاح فى الكونتاك من 8 الى 10 مرات حتى اسمع صوت الارم

[إسماعيل العفى]

ألف مبروك العربيه يا أبو حميد وربنا يباركلك فيها
ونورت المنتدى ياباشا ويارب تلاقى أجابه لسؤالك هنا مع العلم ان الناس هنا كلها ناس محترمه وزى الفل يالا هكلمك فون بقى

[ahmedPJT]

عندى ال EX و العربية مافيهاش الارم عند الفتح و القفل just flasher

[youssef_u]

حضرتك شوف موقع نيسان او كتالوج العربية بس اتوقع انه عند كل الاعضاء فلاشر بس . انا اعرف برمجة اللوك بحيث انه يقفل اوتوماتك عند سرعه معينه بانك تفتح السويتش و تدوس عاللوك ٢٠ ثانيه لحد ما تعمل فلاشر

[dodyam]

بص يا زعيم أنا حاولت أدور على الموضوع ده فى الكتالوج العربي اللى مستلمه مع العربية لكن مفيش فيه حاجة

وكان فى موضوع هنا فى الكتالوج الأمريكى بصيغة pdf لقيت فيه شرح للموضوع ده عن طريق الضغط على زرارين القفل و الفتح مع بعض لمدة معينة وجربت الطريقة دى وما نفعتش عندى

انت بتقول انك لقيت طريقة على موقع ما ... طب ادينا رابط الموقع ده يمكن نقدر نوصل لحاجة

[youssef_u]

فعلا انا دورت لقيته بيقول دوس عالقفل و الفتح من الرموت مده ثانيتين ، حد يجربها من البلكونه يا جدعان

[Ahmed.TV]

طالما الدنيا شغالة .. وتمام .. وفاضل بس سماع الصوت .. متتعبش نفسك .. استنى لما تروح اقرب صيانة .. او ممكن تروح مخصوص .. وتقولهم عليها وهما فى التوكيل حيعملوها ببلاش .. ووممكن يكون فى سلكة فاصلة فى صوت عشان كدا مش بتسمع لصوت والله اعلم

وده راى

والافضل طالما مش عاملة مشكلة كبيرة .. يبقا تستنى لما تروح التوكيل زى ما قولتلك فى اقرب صيانة

تحياتى

[shady_hamdy]

الموضوع دة مش موجود الموجود بس انك تعمل اتوا لوك للابواب بعد سرعة 20 و اول لما تشيل المفتاح اللوك يفتح

[limo81]

وكان فى موضوع هنا فى الكتالوج الأمريكى بصيغة pdf لقيت فيه شرح للموضوع ده عن طريق الضغط على زرارين القفل و الفتح مع بعض لمدة معينة وجربت الطريقة دى وما نفعتش عندى

+1111111
بالظبط كده ومانفعش معايا برضه

[ahmed452003]

انا معايا النيو صني السوبر صالون منفعش فيها غير موضوع قفل الابواب بس اما الصوت مشتغلشي وفي الصيانة الي جاية هسأل بردوا ... والله المستعان .

[Land_Cruiser]

على فكره اعتقد انه لا داعى لاعاده البرمجه لان مفيش صوت اصلا. الموضوع ده حيرنى فى الصنى القديمه برضه كده و اغلب الظن ان مفيش صوت لان مفيهاش إنذار لأن الصوت بيبقى طالع من سارينه الانذار للتنبيه ان الانذار شغال أما الاشارات بتبقى مرتبطه بالسنتر لوك اللى هو موجود فيها علشان يوضح ان الأبواب مقفوله لأن لو كان فى باب مش مقفول كويس هتلاقى الاشارات ما اشتغلتش و طبعا العربيات اللى مركبه جهاز انذار الاشارات بتنور و الصوت كمان بيطلع بس كل واحد له استخدام. اللى خلانى اتأكد برضه ان التنبيه الوحيد اللى بتعمله العربيه و اللى بيشتغل فقط فى حاله كسر الزجاج بيستخدم الكلاكس و ملوش سارينه خاص به فلو كده يبقى الصوت ده إذا كان فيه صوت يبقى المفروض يطلع من الكلاكس وده هيبقى مزعج جدا و بالتالى مفيش صوت

[shady_hamdy]

مفيش صوووووووت متحولش