استفسار

[essa144]

يا شباب النيسان انا حاجز صني من شهرين و كان المفروض استلمها بس للاسف الله يخرب بيت الدولار مش ثابت
فقالو ليه في مركز البيع ان الدنيا وقفه و مفيش اي عربيه بتطلع من المصنع هل الكلام ده سليم ولا هما بيضحكو عليا ولا ايه النظام ولو هما فعلا المصنع واقف طب هيشتغل امتا

[youssef_u]

الكلام ده صح وانا حاجز من شهرين ونص ولسه مستني ، والبيع واقف حاليا لحد ما يشوفو هيغلو السعر ولا لا والله المستعان

[gomana85]

مين مركز البيع الي بيقول كده ؟؟ و لو حتي هتغلي وقفوا الإنتاج ليه مهو اكيد عندهم ارصده من المكونات بالسعر القديم و لا هو إستغلال و خلاص ؟؟؟

[Sehsss]

إيه علاقة الدولار بسيارة تجميع محلي ؟؟!!

[the_air_devil]

مافيش حاجة اسمها وقفوا تسليم ... التريللات رايحة جاية قدام عيني في 6 اكتوبر وماشاء الله العربية بيعها زي الفل , بس انت عارف بتوع المبيعات أسهل حاجة عندهم الكلام

[kliken]

للاسف فعلا الكلام ده سمعته من كذا تاجر ان الاسعار هتغلى و ما حدش كان عاوز يقول اسعار قالوا الاحد هيبان على النهارده

[Youssef.Awad]

اجدع ناس تقلب فى الميت !!!!!

[essa144]

يعني يا شباب الكلام ده صح ولا ايه بس انا والله زهقت من كتر الانتظار و مش عارف اعمل ايه