حيرة تغيير زيت الموتور

[Sehsss]

السلام عليكم ورحمة الله

بدأت حيرة تغيير زيت الموتور، حيث قاربت على تغييره، أنا كنت حاطط ليكوي مولي هاي تك وكان كويس الصراحة بس على الحرق الكتير نتائجه أفضل، وعرفت من الأعضاء إن التوب تك ملائم أكثر للصني وحبيت أجيبه وطبعا مش لاقيه خااااالص لأن هناك مشكلة في الشحن، مش موجود غير عند موزع في شارع دمشق وأنا ما ينفعش أروح مصر الجديدة خالص، وكل لما أكلم موزع قريب مني يقولي مش موجود فقررت إني أغير نوع الزيت نهائيا وياريت ترشحولي نوع زيت تاني لأني بصراحة محتار جدا.. تحياتي

[youssef_u]

كله الا موبيل
شل هيليكس كويس

[AlGazar2]

اى زيت الا موبيل

شيل كويس - فالفولين - كاسترول ايدج - فيسكو 5000 كل دى زيوت الاعضاء بيشكروا فيها

عايز حاجة للشد و الحرق يبقى الكاسترول او الفالفولين بتوع العربيات المتربنه او الريس

[Ahmedmiy]

بسم الله الرحمن الرحيم

بسم الله الرحمن الرحيم

اللهم صلى وسلم وبارك على نبينا محمد خير خلقك خاتم المرسلين بالهدى والرحمة



أخى العزيز الحبيب الغالى محمد حسين

أولاً وحشتنى جدا وإن شاء الله نتقابل على قريبا على كل خير

بالنسبة لموضوع الزيوت أرشحلك زيت فالفولين ممتاز جدا بالتجربة وعلى فكرة بحاول أنصح أخوك سونه إستيل يجرب بعد الليكوى مولى علشان أنت عارف أن حسين من المتعصبين لليكوى وبالمناسبة هناك موزع لليكوى فى الحرفيين جبنا من عنده لسونه من شهر تقريبا بس كان فاضل 3 لتر فقط عنده .

على كل حال أتمنى إن شاء الله نراك قريبا على خير

وأتمنى لك دوام النجاح والسداد



سبحان الله وبحمده سبحان اله العظيم

لا حول ولا قوة إلا بالله

الحمد لله حمدا كثيرا طيبا مباركا فيه

[M.Nabeeh]

كاسترول ايدج 5w-40

[SonaSteel]

لو هاتيجي المقابلة يا محمد ممكن اجيبهملك معايا ان شاء الله

بس اكد عليا انك جاي علشان كنت رايح اجدد الرخصة .. كده ممكن اجلها واجيبهملك معايا يوم الجمعه ان شاء الله

[AhmedNaeem]

لاحظت ان التعليقات كلها تقريبا
بتقول الا موبيل
ممكن اعرف ليه ؟؟؟
رغم انه مواصفاته تتماشي مع sm و sn

[Dr'AhmZZong]

حط high tech تاني يا sehsss ..

[Sehsss]

لو هاتيجي المقابلة يا محمد ممكن اجيبهملك معايا ان شاء الله

بس اكد عليا انك جاي علشان كنت رايح اجدد الرخصة .. كده ممكن اجلها واجيبهملك معايا يوم الجمعه ان شاء الله

جاي إن شاء الله أكيد يا حسين، بس أنا مش عاوز أعطلك عن التجديد يا باشا، على العموم لو هاتقدر تجيبهم يبقى (3 لترات توبك تك) يا سونا، وتسلم يا حبي مقدما

[mostafait]

ممكن اجبهولك 01022660567

[Sehsss]

اى زيت الا موبيل

شيل كويس - فالفولين - كاسترول ايدج - فيسكو 5000 كل دى زيوت الاعضاء بيشكروا فيها

عايز حاجة للشد و الحرق يبقى الكاسترول او الفالفولين بتوع العربيات المتربنه او الريس

موبيل فعلا خارج حسابتي من زماااان، وأنا كنت ميال لكاسترول، بس المشكلة إن الهاي تك اللي أنا حاطه sn فلما أنزل للتوب تك sm ماشي، لكن الكاسترول sl يعني أقل درجتين والفالفولين مشكلته معايا إن المرشح لي 5W30 (المفروض ده أحدث زيت عندهم) وأنا ما بحطش غير 5W40 علشان الصيف وبلاويه

[Sehsss]

بسم الله الرحمن الرحيم

اللهم صلى وسلم وبارك على نبينا محمد خير خلقك خاتم المرسلين بالهدى والرحمة



أخى العزيز الحبيب الغالى محمد حسين

أولاً وحشتنى جدا وإن شاء الله نتقابل على قريبا على كل خير

بالنسبة لموضوع الزيوت أرشحلك زيت فالفولين ممتاز جدا بالتجربة وعلى فكرة بحاول أنصح أخوك سونه إستيل يجرب بعد الليكوى مولى علشان أنت عارف أن حسين من المتعصبين لليكوى وبالمناسبة هناك موزع لليكوى فى الحرفيين جبنا من عنده لسونه من شهر تقريبا بس كان فاضل 3 لتر فقط عنده .

على كل حال أتمنى إن شاء الله نراك قريبا على خير

وأتمنى لك دوام النجاح والسداد



سبحان الله وبحمده سبحان اله العظيم

لا حول ولا قوة إلا بالله

الحمد لله حمدا كثيرا طيبا مباركا فيه

حبيبي يا أبوحميد واحشني والله، وهاشوفك إن شاء الله على خير في المقابلة، وبالنسبة لفالفولين هو فعلا زيت محترم، بس مشكلته معايا زي ما قولت قبل كده 5w30 وأنا مش مقتنع بالرقم ده في الصيف الجميل بتاعنا.. تحياتي

[Sehsss]

كاسترول ايدج 5w-40

sl يا نبيييييييه لما يعملوا sm ابقى أحطه

[Sehsss]

لاحظت ان التعليقات كلها تقريبا
بتقول الا موبيل
ممكن اعرف ليه ؟؟؟
رغم انه مواصفاته تتماشي مع sm و sn

الموبيل (اللي بيتعبى في مصر طبعا) بخره عالي وبيبدأ يتحرق على 6 آلاف كيلو وبيعلي صوت المواتير جدا، وأداؤه في الحرق والسرعات العالية متواضع

[Sehsss]

حط high tech تاني يا sehsss ..

شكلها هاترسى في الأخر على كده، لما أشوف سونا لو عرف يجيبلي التوب تك يوم المقابلة