تاخر استلام الصنى السوبر صالون

[pop]

انا حاجز صنى سوبر صالون من اوتو ايجيبت مدينه نصر من يوم 24/10/2012 ولحد النهارده مافيش اى حس ولا خبر وللعلم ساعه لما كنت بحجز قالولى بالكتير شهر ونصف وانا بقالى شهرين نصف ايه العمل يا جماعه
انا مش عارف ده اسمه ايه استغلال للوضع اللى البلد فيه ولا سوء اداره ولا ايه انا بجد مش عارف
يا ريت اى حد حاجز ولسه ما استلمش يكتب ويقول هو حاجز بتاريخ كام

[jojojojo]

هي العدوي اتنقلت لاوتو ايجيبت كمان انا مش عارف حنا بنشتري عربيات بفلوس يعني ولا بلاش وحاسين اننا بنشحت منهم ياجماعه لازم وقفه بجد مع العالم ديه انا اعرف ان السوق اصلا في زياده في المعروض من جميع العربيات وان الطلب اقل من العرض وفي استغلال واضح من المعارض والتوكيلات للناس لاخذ ما يسمي بالاوفر برايس فارجو وقفه بجد عشان المعارض والتوكيلات اللي بتعمل كده بتاثر ع سمعه الشركه الام نفسها ومع الوقت سمعتها وشهرتها هتقل اكيد مهما حصل عشان اللي بيدوم اكيد المعامله وخاصه في المجال ده والدليل ع كده ان كتير من اللي حاجزين العربيه غيروا رايهم وفكروا في انواع تانيه ياريت كلنا نقف ضد الاستغلال ولو حتي هنقاطعها لحد ميحسنوا المعامله

[Sehsss]

ما تتابع معاهم يا باشا بالتليفون وتشوف سبب التأخير إيه ؟؟

[abdulmoniem]

أنا حاجز من يوم 22/10/2012 ولا حس ولا خبر

كلمتهم إمبارح ..

قالولي نيسان موقفة تسليم من 4 أسابيع .. وإنهم بعتولها إيميل بطلب 30 عربية متأخرة

قلتله طيب إمتى برضه؟

قالي لسة نيسان هترد على يوم 10/1/2013

والله أعلم بقا هترد بإيه؟ ده إذا كانت هترد أصلاً أو إذا كان هما بعتوا فعلاً!!!!!

إللي مجنني إني المعارض إللي حواليهم نيسان فيها ومرطرطة وأوفر برايس

بقوله يعني إزاي هي موجودة برة ومش عندكوا .. قعد يقولي تلاقيها كمية قديمة عنده!!!

أي كلام في أي كلام وخلاص!!