حسبي الله .. بعد 3 ايام بس

[amged_en]

استلمت الصني الجديده من 3 ايام..ولسه مارخصتش حتي .. النهاردة الصبح نازل في امان الله لقيت واحد منه لله ...قعد علي الكبوت قدام من ناحية الكبوت قدام يمين فوق الفانوس وطبقلي الكبوت..ومش عارف اعمل ايه

[hossam_elwani]

لاحول ولا قو الا بالله حاجه تحزن فعلا عشان كده بقول العربيه زى ما الست مالهاش الا البيت كمان العربيه مالهاش الا جراش خصوصا لما تكون جايبها من الزيرو

[amged_en]

لاحول ولا قو الا بالله حاجه تحزن فعلا عشان كده بقول العربيه زى ما الست مالهاش الا البيت كمان العربيه مالهاش الا جراش خصوصا لما تكون جايبها من الزيرو

المشكلة ان مافيش جراج واحد عدل موجود في الغردقة

[jojojojo]

خير ان شاء متقلقش بسيطه خلي التوكيل يعملهالك في صيانه الالف او ممكن حضرتك ترضهل ايدك لو مينفعتش التوكيل يعملها بتبقي تريحه بسيطه وياريت تشوف جراج افضل تحطها فيه حمايه للعربيه من السرقه والعبث بها والف مبروك

[drmagieed]

خير هي حاجة تحزن فعلا لأن الضمير إنعدم ... إللي بيجرح عربية أو بيقعد علي الكبوت أو الشنطة أو يخرب فيها وهي واقفه في الشارع مش عارف إن دي أموال ناس ... هي واقفه في الشارع لكن في الأول والأخير أموال ناس وليها حرمة ... ربنا يعوضك خير وتترد من غير مشاكل إن شاء الله ... وألف مبرررررررررررررررررررررررررررررررووووووووووووووووو وووووووووك

[amged_en]

خير ان شاء متقلقش بسيطه خلي التوكيل يعملهالك في صيانه الالف او ممكن حضرتك ترضهل ايدك لو مينفعتش التوكيل يعملها بتبقي تريحه بسيطه وياريت تشوف جراج افضل تحطها فيه حمايه للعربيه من السرقه والعبث بها والف مبروك

انا فعلا حاولت اردها بس في جزء صاج تاني جوه الكبوت مغطي عليها فمالهاش مالكة.. وبعدين معقول صاجها خفيف كده..انا اسف بس دي مطرح القعدة كلها واضح ...دايرة محترمة يعني

[Walid75]

معلش يا باشا و ربنا يسترها معاك و يمكن تكون دي اخدت العين عنها و متنساش الاذكار و الف الف مبروك

[ahmedsrs]

ناس مريضة ربنا يعوض عليك وحاول تنسى الموضوع عشان العكننه

[Sehsss]

والله العظيم الناس ما بقى عندها دم، حسبنا الله ونعم الوكيل

[ahmed452003]

قدر الله وما شاء فعل والحمد لله على كده ... هي فعى العربيه صاجها خفيف جدا جدا جدا ... انا معايا السوبر صالون من النيوا صني النهرده الصبح وانا بشيل الغطاء من على العربيه دوست بإيدي دوسه خفيفه على الصاج (من غير ما أقصد يعني سندت عليه) الي تحت الفانوس الامامي لقيته بينزل وبيطلع معايا ... فعلا العربيه دي ورقه !!!!

[youssef_u]

حاجه تنرفز وخصوصا العربيه زيرو انا لو مكانك كنت قتلت الواد اللي قعد عليها ده
بس بسيطه متبوظش فرحة العربيه عشان دي

[canner]

قدر الله و ما شاء فعل

معلشى انا برضه بعد تلات ايام من الاستلام اتخبطت و انا واقف من موتوسيكل اتقلب على الشنطة و ساب خبطات على الاكصطدام و الشنطة بس انا قلت اسيبهم علشان العين و الحمد لله انها جت على قد كده

تحياتى