العفشه

[zidane 10]

السلام عليكم اولا ياشباب

لو تكرمتم ياشباب

انا عاوز اعمل صيانه للعفشه

بس انا مش متابع مع التوكيل

فايه اللي المفروض اعمله

ازيت العفشه واربطها ولا اعمل حاجه تاني

ولو حد يعرف واحد يكون كويس ياريت يقولي وجزاكم الله خيرا

[mem]

شوف حد بتاع عفشه شاطر يربطها لك ويكشف عليها لو فيها حاجه
هى عربيتك عامله كام كيلو علشان اقول لك هل تحتاج حاجه تانيه ولا لا

[Sehsss]

فعلا أهم حاجة تربط العفشة، وتكشف عليها تشوف لو حاجة تحتاج تغيير زي جلب المقصات مثلا ولو الدنيا تمام في أنواع اسبيرهات محترمة زي اللي في التوكيل بتترش على الفشة علشان تطرى

[kliken]

ممكن تروح التوكيل عادى جدا يعملوا كشف للعفشه بالكامل و يقولولك اللى محتاج يتغير
او تروح لعفشجى يكون شاطر و هو يربط و يقولك على اللى محتاجاه العربيه

[Land_Cruiser]

بص حضرتك عن تجارب سابقه اى حد هتروحله لما تقوله عايز اضبط العفشه هيكون متوقع منك سبب للطلب ده يعنى صوت تزييق او تحس ان فى هبد فى العربيه او كأنها متفككة من بعضها و مش متماسكه و بناء على الأعراض اللى فى العربيه هيعرف المشكله فين و يعالجها أما لو بتعمل كشف وقائى و مفيش عندك مشكله مش هتلاقى اهتمام قوى و الموضوع هيبقى تربيط للعفشه و خلاص بالذات. لو عند. عفشجى يعنى ٥ دقائق و هيقولك انه خلص يا أما العكس تماما هيحصل و هو انه هيحسوك فى العربيه و لو لقى كاوتشه عليها تراب هيقولك دى لازم تتغير و حضرتك مش هتستفيد حاجه فى الحالتين

[Ahmed.TV]

لو عايز حد كويس .. حضرتك ممكن تكلمنى وانا ابعتك عن واحد كويس
تحياتى ليك

[moh21]

السلام عليكم
انا عندى مشكلة فى العفشة بتزيق - فى حد كشف عليها و قاللى مساعدين و مقصات - يا ريت لو حد يعرف عفشجى كويس فى مدينة 6 اكتوبر - و برضة كنت عاوز اسأل اية افضل نوع مساعدين و بكام - و بالنسبة للمقصات الصنايعى قاللى أغيير جلب - هل أغير جلب أفضل و لا اغير المقصات بالكامل.
وبالنسبة لعلبة الدركسيون هل يوجد لها صيانة (بتجيب زيت)
نوع العربية نيسان صنى 2006

[zidane 10]

شوف حد بتاع عفشه شاطر يربطها لك ويكشف عليها لو فيها حاجه
هى عربيتك عامله كام كيلو علشان اقول لك هل تحتاج حاجه تانيه ولا لا

65 الف يا باشا

[zidane 10]

لو عايز حد كويس .. حضرتك ممكن تكلمنى وانا ابعتك عن واحد كويس
تحياتى ليك

طيب يا ريس

ابعتلي رقمك عالخاص لو تكرمت

[zidane 10]

بص حضرتك عن تجارب سابقه اى حد هتروحله لما تقوله عايز اضبط العفشه هيكون متوقع منك سبب للطلب ده يعنى صوت تزييق او تحس ان فى هبد فى العربيه او كأنها متفككة من بعضها و مش متماسكه و بناء على الأعراض اللى فى العربيه هيعرف المشكله فين و يعالجها أما لو بتعمل كشف وقائى و مفيش عندك مشكله مش هتلاقى اهتمام قوى و الموضوع هيبقى تربيط للعفشه و خلاص بالذات. لو عند. عفشجى يعنى ٥ دقائق و هيقولك انه خلص يا أما العكس تماما هيحصل و هو انه هيحسوك فى العربيه و لو لقى كاوتشه عليها تراب هيقولك دى لازم تتغير و حضرتك مش هتستفيد حاجه فى الحالتين

بص يا باشا هي المشكله كلها لما بكون علي سرعه

وانت عارف الشوارع عامله ازاي

سواء علي كوبري اكتوبر او الدائري

ساعات بيكون فين الفواصل دي اللي عالكوبري

ساعات كده بتعمل صوت ضربه جامده كده في فواصل معينه لو الفواصل دي كانت عاليه شويه

[miceg]

متابع جدا

[mohamedrabia]

السلام عليكم
انا عندى مشكلة فى العفشة بتزيق - فى حد كشف عليها و قاللى مساعدين و مقصات - يا ريت لو حد يعرف عفشجى كويس فى مدينة 6 اكتوبر - و برضة كنت عاوز اسأل اية افضل نوع مساعدين و بكام - و بالنسبة للمقصات الصنايعى قاللى أغيير جلب - هل أغير جلب أفضل و لا اغير المقصات بالكامل.
وبالنسبة لعلبة الدركسيون هل يوجد لها صيانة (بتجيب زيت)
نوع العربية نيسان صنى 2006

المشكله دي كانت عندي وغيرت مساعدين بس قبل تغيير اي شي تاكد من انهم فعلا المشكله او المقصات المساعدين كنت جايبهم ياباني 650 من سنتين حاليا اسمع سعرهم 800 وفيه طبعا انواع اقل سعر وبلاش صنايعيه اكتوبر لانهم بيجربوا في العربيات انا من 6 اكتوبر وبنزل القاهرة اعمل عربيتي