طلب نصيحه سربعه من صقور نيسان

[Walid75]

السلام عليكم الاخوه الاعزاء
انا و الله في حيره رهيبههههههههههههه جدا
حجزت نسان صني 2013 و الاستلام النهارده بمقدم كبير و قسط علي 5 سنوات بس لسه لم ادفع الفلوس(طبعا انتو عارفين الدفع عند الاستلام) - المشكله بقا اني وجدت سياره حلوه 2010 عامله 60 الف كيلو مانيول فابيركه بره و جوه عامله 70 الف جنيه.
السؤال هنا.
هل اشتري 2010 و يبقا انا هربت من موضوع الاقساط وشبهه الربا مع البنوك(رغم اني اعتقد ان البنك الوطني للتنميه معقول شويه من حيث التوافق مع الشريعه) ولا اتشجع و ادخل بقلب جامد علي 2013 و الاقساط و الذي منه................اخوكم في حيره جامده
اتمني النصيحه......بسرعه و شكرا.

[Moh.El Saady]

العربية ال 2010 نوعها ايه بالظبط؟ وهل انت تقدر تتدفع 70 الف كاش؟ وايه نوعية استخدامك للعربية علشان نقدر نحكم انت محتاج زيرو ولا مستعمل

[Land_Cruiser]

ممكن تأجل الاستلام لبكره واعمل صلاه استخاره

[akmm]

الزيرو زيرو ... اتوكل على الله .

[mohamedrabia]

2010 مش بعيدة عن 2013 لو فعلا العربيه فابريكة بره وجوة وده تاكيدا بعد الكشف بمركز . يبقي توكل علي الله بس نزل في السعر شوية لان المانول اقل سعرا من الاوتوماتيك

[Walid75]

استخدامي لا يزيد عن 30 ك في اليوم ثم السفر للبلد مرتين الي ثلاثه في الشهر حوالي 300 ك كمان في كل زياره للبلد و طبعا معاي ال 70 كاش ....شكرا ع الاهتمام و اتمني النصيحه

[Moh.El Saady]

استخدامي لا يزيد عن 30 ك في اليوم ثم السفر للبلد مرتين الي ثلاثه في الشهر حوالي 300 ك كمان في كل زياره للبلد و طبعا معاي ال 70 كاش ....شكرا ع الاهتمام و اتمني النصيحه

اعتقد تجيب المستعمل افضل طالما حالتها كويسة وتريح نفسك من القسط ده لأن 5 سنين قسط كتير قوي وتوفر فلوسك

[kliken]

انا رأى الشخصى لو حالتها نضيفه اتوكل على الله فيها و يا ريت تصلى صلاه استخاره و ربنا ييسرلك الحال للاصلح

[canner]

روح اكشف عليها فى التوكيل و بعد كده اعمل استخاره

[mohamed.rabea]

أنا رأيي هات المستعملة و بعدين لو حبيت فى المستقبل تغير مش هتخسر فيها كتير بس اهم حاجة تبقى حالتها كويسة و ماتدخلش نفسك فى حوارات الاقساط و ربا طالما معاك مبلغ ممكن تجيب بيه العربيه كاش و ربنا يوفك و صلى لا خاب من استخار إستخارة

[BassamHafez]

لو اللي انت حاجزها مانيوال يبقى خليك في ال2010 احسن

[Walid75]

لو اللي انت حاجزها مانيوال يبقى خليك في ال2010 احسن

اللي انا حجزها نيو صني اتوماتيك 2013

[BassamHafez]

اللي انا حجزها نيو صني اتوماتيك 2013

يبقى لو مش ها تكون متضرر من سواقه المانيوال خليك في ال 2010 وانت اولى بفرق السعر لكن لو مش بتحب المانيوال يبقى خليك في ال 2013 عشان ما تندمش بعد كده