لمبة فرامل اليد

[ramymechanics]

أولا السلام عليكم
ثانيا أنا عندى لمبة ال Hand break على طول منورة فى التابلوه حتى لو منزل اليد وبترعش مع المطبات فى صنى 2009 هل الموضوع مستاهل توكيل ولا حله بسيط عند كهربائى .... وشكرا مقدما

[mohammedabdallh]

زيت الفرامل يا كبير زوده
هتلاقيه ناقص

[Sehsss]

ما اعتقدش محتاجة توكيل، وفعلا بص على زيت الفرامل

[kliken]

يا ريت يا باشا لو طلع من الزيت فعلا تعرفنا علشان فعلا المعلومه دى هتبقى جديده الواحد يستفيد حاجه جديده ان شاء الله

[amrassal]

هو غالبا هيكون زيت الفرامل لو حضرتك لقيته ناقص زوده بس ده موش حل للمشكله لان لو ده حصل فعلا يبقي فيه تسريب في دوره الزيت سواء من الماستر العمومي اللي بداخل الكبوت او من اي ماستر في بتوع العجل وده يستلزم زياره للتوكيل للتشييك عليها لان علي حد معلوماتي ان دوره زيت الفرامل دي مقفوله موش المفروض انه ينقص طبيعي غير انه مبييتحرقش زي زيت الموتور كده من طول المده

[youssef_u]

زيت الفرامل او التيل تآكل و محتاج تغيير

[hesham ahmed]

تلاقي زيت الفرامل ناقص ..... و دا نتيجه يا التيل اتاكل او في تسريب في الدوره

[Land_Cruiser]

زيت الفرامل يا كبير زوده
هتلاقيه ناقص

+1
و لازم تعرف سبب النقص ايه

[alking_2006]

فى العربيات الحديثة لمبة فرامل اليد بتبقى خاصة بحاجتين
1- فرامل اليد مرفوعه
2- نقص زيت الفرامل

فأنتا غالبا عندك حاجة من اتنين
1- تيل الفرامل الأمامى عايز يتغير لأنه اتاكل و دا سبب نقص فى زيت الفرامل علشان يعوض النقص و دا الاحتمال الاغلب
2- مواسير زيت الفرامل بتسرب و دا سبب نادر

بلاش تذود زيت الفرامل من غير ما تكشف على التيل لأن كدا التيل هيتاكل زيادة و هيبتدى ياكل فى الطنابير و بعد كدا هتحس برجرجة فى الدركسيون لما تيجى تفرمل نتيجة لتأكل الطنابير يعنى لو استمريت كدا هيبقى حل مؤقت و كمان قدام شوية هتحتاج بردو تغير التيل بالأضافة للطنابير

[mem]

اتاكد من الزيت والتيل ده اكيد السبب