تركيب مسند اليد الاصلي في النيسان جوك

[BassamHafez]

السلام عليكم ورحمه الله وبركاته
ما شاء الله لا قوة الا بالله
اليكم انفراد لنايل موتورز
تركيب مسند اليد الاوريجينال للنيسان جوك
روحت سالت عليه في اوتو ايجيبت لقيته ب 1336 جنيه + 200 جنيه تركيب + 10% ضريبه
انا قولت احاول اوفر ثمن التركيب وقبل ما اروح اجيبه احاول اشوف ممكن يركب ازاي
لقيت الموضوع بسيط ان شاء الله فتوكلت على الله وروحت جيبته وكان السعر النهائي 1350 جنيه بعد خصم نايل موتورز والضريبه وبدون التركيب عشان انا ها اركبه بنفسي
واليكم الخطوات بالصور
1- العده المطلوبه:
- مفتاح الانكيه
- مفك صليبه
- شنيور
2- طريقه التركيب:
- اولا دي صورة للكونسول وملحقاته



- ودي صوره للكونسل قبل فكه



- يتم فك الطبق اللي في اخر الكونسول في العربيه وده سهل عن طريق رفع الكونسول لاعلى ودي عبارة عن كليبسات ضغط وبعدين نفك المسامير اللي رابطه الطبق





- وبعد ما خرجنا الطبق ها نفك الفبره الاماميه في المسند عشان نعرف نعلم مكان المسامير في الطبق



- وبعد كده ها ندخل القاعدة المسند في الطبق ونعلم مكان المسامير





- وبالشنيور نخرم مكان الثلاث مسامير



- بعد كده نركب المسامير في الخراطيم الصغيرة بتاعتها ونربطها على خفيف قوب في قاعده المسند عشان لما تدخل الخروم في الطبق ونربط بتعمل باللونه وتمسك في الطبق لان في صاموله في اخر الخرطوم بتشد عليه مع الربط ودي صور للمسامير والخراطيم بتاعتها عشان الفكرة توضح





- بعد كده نركب الطبق مكانه تاني قبل تثبين المسند

- وبعد كده ندخل المسند بخراطيمه في الطبق ونبدا نربط كويس لحد ما لمسند يبقى ثابت وده دليل ان الخراطيم عملت باللونات ومسكت في الطبق



- نجيب بعد كده الفيبرة اللي فكيناها من المسند ونركبها عشان تغطي على المسامير



وكده نبقى خلصنا تركيب وده المنظر بعد التركيب





ارجو تكونوا استمتعتوا بالموضوع

وانا تحت امركم في اي استفسار

[Sehsss]

تسلم ايدك يا بسام، موضوع رائع، بس ابقى شيل زجاجة السيفن دي علشان بس لو حد عطشان، ولا كان فيها مياه هههههه

[kliken]

الف مبروك يا باشا
و تسلم ايدك على التقرير

[Land_Cruiser]

ألف مبروك يا باشا. كان عندى سؤال هو حضرتك ما جربتش تسأل على التفصيل بتاعه يتكلف كام؟ انا مش شايف شكله كويس بس شكله مش صعب يتعمل و لا ايه؟

[akmm]

تسلم ايدك ........ بس فعلا هو ليه غالى جدا كده ؟

[saint2011]

مبروووووووووووووك بسام باشا وشكرا على التقرير الجميل

[FBIAhmed]

جميل اوي الموضوع و منسق تسلم ايدك و مبروك عا السناده

[BassamHafez]

تسلم ايدك يا بسام، موضوع رائع، بس ابقى شيل زجاجة السيفن دي علشان بس لو حد عطشان، ولا كان فيها مياه هههههه

تسلم يا سحس بس دي مياه مش سفن
لو سفن ما كنتش سيبتها ههههههههه

الف مبروك يا باشا
و تسلم ايدك على التقرير

الله يبارك فيك يا باشا

ألف مبروك يا باشا. كان عندى سؤال هو حضرتك ما جربتش تسأل على التفصيل بتاعه يتكلف كام؟ انا مش شايف شكله كويس بس شكله مش صعب يتعمل و لا ايه؟

الله يبارك فيك
انا ما سالتش عليه لاني عارف ممكن يتعمل بس مش بيطلع زي الاصلي مهما كان معمول كويس

تسلم ايدك ........ بس فعلا هو ليه غالى جدا كده ؟

اصل انا جايبه من التوكيل عشان كده غالي

مبروووووووووووووك بسام باشا وشكرا على التقرير الجميل

الله يبارك فيك يا باشا

جميل اوي الموضوع و منسق تسلم ايدك و مبروك عا السناده

تسلم يا ابو حميد

[canner]

تسلم يا باشا على الشغل الجامد ده

و الف الف مبروك على الكونسول الجديد

تحياتى

[SonaSteel]

الف مبارك ياباسوووووووووم اخيرا :))
بس انت الي عملت الكلام ده بايدك
انا كنت متأكد مع اني كنت شاكك هاهاهاها :))

[BassamHafez]

تسلم يا باشا على الشغل الجامد ده

و الف الف مبروك على الكونسول الجديد

تحياتى

الله يبارك فيك يا باشا

الف مبارك ياباسوووووووووم اخيرا :))
بس انت الي عملت الكلام ده بايدك
انا كنت متأكد مع اني كنت شاكك هاهاهاها :))

اخيرا يا سونه

ده كان اخر قطعه في التوكيل

والحمد لله العبد لله هو اللي عمل كل الشغل ده تصوير وتركيب

[Ahmedmiy]

بسم الله الرحمن الرحيم

اللهم صل وسلم وبارك على نبينا محمد خير خلقك خاتم الأنبياء والمرسلين بالهدى والرحمة واليقين للعالمين

ما شاء الله

موضوع رائع يا بسام ومبروك إن شاء الله وكمان مبروك إنك أصبحت فنى ماهر فى تركيب الكماليات

جزاك الله كل الخير وجعل الله لك الرضا والسعادة فى الدنيا والآخرة



سبحان الله وبحمده سبحان الله العظيم

سبحان الله العظيم وبحمده " من قالها غرست له نخلة بالجنة إن شاء الله "

[BassamHafez]

بسم الله الرحمن الرحيم

اللهم صل وسلم وبارك على نبينا محمد خير خلقك خاتم الأنبياء والمرسلين بالهدى والرحمة واليقين للعالمين

ما شاء الله

موضوع رائع يا بسام ومبروك إن شاء الله وكمان مبروك إنك أصبحت فنى ماهر فى تركيب الكماليات

جزاك الله كل الخير وجعل الله لك الرضا والسعادة فى الدنيا والآخرة



سبحان الله وبحمده سبحان الله العظيم

سبحان الله العظيم وبحمده " من قالها غرست له نخلة بالجنة إن شاء الله "

الله يبارك فيك يا ابو حميد

ولك مثل ما دعوت لي به ان شاء الله

[mahmoud_afifi]

مبرووووك يا بيسو ربنا يباركلك في العربيه والمسند الجديد :d
عاوز اقولك ان المسند بتاع الجيوك ارخص من مسند الالنترا. جايبه ب1700 بالتركيب :((

[Ahmed.TV]

بسم الله ماشاء الله .. ولا حول ولا قوة الا بالله

برنس .. بس مكنتش متخيل ان يجيلك قلب وتعمله بنفسك وبايدك

المهم لما ثبته بالمسامير هل جامد ولالا .. لان تقريبا انت مثبته فى بلاستيك مش فى ارضية العربية .. فهل بيستحمل انك تسند عليه ولالا