أرجو مساعدتكم و نصيحتكم

[mohamed.rabea]

السلام عليكم و رحمة الله

انا ووقعت فى مشكلة وارجو مساعدتكم

اول امس وانا خارج من بوابة الشركة سرحت و خبط الباب الخلفى و الرفرف الخلفى اللى ورايا ف البوابه الفولاذ بتاعت الشركة جرحت البويه بتاعت الباب و الرفرف لغاية تانك البنزين و العتب اللى ف الرفرف اللى فوق الكاوتش اطبق و الباب دخل جوه شوية انا مأمن ع العربية بس عايز اعرف الباب ممكن يترد ف التوكيل و يترش كل ده مره واحدة؟مع العلم انها تطبيقة خفيفة ولا بيغيروا كل ده ويحطوا جديد وتكاليف الحجات دى هتبقى كام ولو رشيت هيبقى نفس اللون ولا هحس بفرق و لو عملت الحجات دى بره هيبقى احسن و هتبقى متوافره ولا مش هلاقيها بصراحة انا متضايق اوى بس قلت أسأل و انا بعتت اسأل استاذ احمد منسق المنتدى غ الخاص علشان ماكتنتش عايز اعملة موضوع جديد لآن دى مشكلة فردية ممكن ماتبقاش مفيدة للكل بس لما ماشفش الرسالة قلت بقى اعملها موضوع و اخد رأي الجميع برجاءالافادة لعدم خبرتى الكافية و بصراحة كل ما ابص عالباب و الرفرف اتضايق و العربية لسه مامشيتش غير ألفين كيلو بس النصيب بقى و قدر الله و ماشاء فعل واللى بيضايقنى اكتر ان فى ناس تقولى الرش يقلل تمنها بس اصلا انا مابفكرش ابيعها ف الموضوع ده مش شاغلنى بس انا عايز اعرف الرش هيرجعها زى حالة الزيرو ويشيل الخرابيش و والاحسن لو هعملها اعملها فين ؟؟ ومعلش بقى على الإطالة

[canner]

قدر الله و ما شاء فعل و ان شاء الله ترجع احسن من الاول

قدامك حل من اتنين تعملها فى التوكيل و علشان متأمن عليها ما تدفعش كتير بس على فكرة التوكيل مش ح يرجعها زى ما كانت انا لسه عامل هناك التوربينو اللى لازق فى البرابريز الامامى و ما رجعش زى الاول و اللصق فك تانى و ح اعملها بره ان شاء الله و اللى سمعته ان السمكرة اساسا فى التوكيل مش كويسة

الحل التانى انك تعملها بره تشوف حد كويس يعدلهالك و ممكن بعد كده ترش بس مش عرف ممكن تترش فى التوكيل و لا لأ

تحياتى

[kliken]

قدر الله و ما شاء فعل
ممكن تصور الخبطه و تسأل عن الرد بتاعها عند زيرو هما لهم اعلان هنا على المنتدى بيعدلوا انواع معيبنه من الخبطات من غير رش يبقى برضه ما جتش جنب بويه الفابريكه

[man1974]

قدر الله و ما شاء فعل