اصوات و تزيق فى التيدا

[maxayma]

سلام عليكم

انا معايا تيدا 2011 المكسيكى عاملة 15 الف كليو و كان عندى مشكلة ان فى اصوات و تزيق فى التابلوه و الصوت طلع من المساعدين اللى قدام حاجة اسهما بلية البطاحة ده بعد ما رجعت من عند السبع اللى فى زهراء المعادى بس للاسف قطع الغيار مش متوفرة و انا تقريبا محتاج اتنين للمساعدين اللى قدام و سعر الواحدة بحوالى 192 جنيه ده قبل الضريبة من غير المصنعية طبعا

السؤال هما فعلا خارج الضمان لانى لما سالتهم قالوا ان المساعدين اللى فى الضمان (ده على اساس ان البطاحة ديه حاجة انا مركبها من غسالة بيتنا فى العريبة بالعافية مش شاريها مع العربية يعنى) و الحاجة الاهم معقولة حاجة زى دى فى العفشة او المساعدين تبوظ بعد 15 الف كيلو بس

و مادام هى مش تبع الضمان اروح بقى ادور عليها و اشتريها من برة و اركبها لكن طبعا اكيد اللعبة القذرة ان فى الحالة ديه اكيد المساعدين تخرج بره الضمان او يمكن العربية كلها

وبعدين هى اى اصلا بلى البطاحة ديه

و شكرا مقدما للردود

[Sehsss]

شوفهم في أوتو إيجبت

[kliken]

طبعا الافضل تشوف توكيل تانى و شوف هيقولوا نفس التشخيص و لا لا و بعدين شوف معاهم موضوع الضمان

[hfshaaban]

روح اوتو ايجيبت يا باشا انا بارضوا عندى تيدا 2011 ميكسيكى عاملة 26000 كم وغيرت مساعدين وبطاحات امامى على الضمان من غير ما اقولهم انا كنت بشتكى برضوا من خبط قدام يمين وكشفوا وقالولى دة المساعدين وبلى المساعدين والبطاحات ودول على الضمان بصراحة ناس محترمة جدا ومتمكنين من شغلهم وبيدوا العميل حقة، بصراحة ناس جامدة

[Ahmed.TV]

ممكن تسالهم وتقولهم ما انا لو جبت البلية من بره وركبتها بره التوكيل حتقولولى انت كدا لعبت فى العربية فالو حصل حاجة فى المساعدين حتقولولى انك كدا خرجت من الضمان عشان فكيت المساعدين


على العموم انا حسالك فى الموضوع ده بردوا

وخير ان شاء الله

[maxayma]

شكرا يا جماعة على الردود هو اكيد فعلا لازم اشوف فى حتة تانية بس انا كل اللى اعرفه السبع كنت شارى من عنده و بعمل صيانات كمان عنده معرفش بقى اتو ايجيبت ممكن يمعل معايا ايه مادام السبع اللى انا عملهم بيستندل و يقولى مش فى الضمان

و بعدين هو عادى انى اروح اتو ايجيبت و انا مش عميلهم و لا اى حاجة و كمان عاوز اغير حاجة عندهم فى الضمان

[jojojojo]

عادي جدا ممكن تروح اوتو ايجيبت تعمل الصيانات عندهم عشان انت بتتعامل مع مراكز خدمه مش مراكز بيع تاني حاجه الحاجه اللي بيغيروه مش بيدفعوه من جيبهم بيرجعوا للنيسان عشان ده تبع الضمان فحضرتك لو روحت هيغيروها عادي جدا

[maxayma]

النهاردة كلمونى و قالولى ان قطع الغيار موجودة و انهم حاجزنها علشان اجى اركب طبعا سالتهم هى مش فى الضمان حبة يقولولى تعالا و نشوف مع مهندس الضمان و حبة تانية يقولوا لا لانها من القطع الاستهلالكية و اللى بجد يضحك انهم بيقولوا انها برة الضمان لان العربية كانت عاملة حادثة و ده فعلا صح لكن انا كنت مغير اكصدام و رفرف و كمان من عندهم و فى التامين يعنى اكيد لو كان فيها اكتر من كده ما كنوش سابوها و لا ايه

انا بجد مش عارف و محتار جدا و كمان السعر الجديد 330 من غير ضرائب و لا مصنعية للوحدة

قولت اكلم نيسان ايجيبت نفسه و بعد ما حكيتلوا كل حاجة يقولى شوف المانيوا بتاع الضمان بيكون مكتوب فيه القطع اللى بره الضمان قولتله انت تعرف اكتر منى و ياريت ترد خد نمرتى و قالى هنرد عليه و محدش كلمنى

انا بجد مش عارف ياريت ياجماعة لو حد يعرف مهندس فى اى مركز خدمة بيعتلى نمرته و انا اكلمه و اخلص انا مش فارق معايا انى ادفع بس ده لو هما فعلا مش فى الضمان مبقاش مضحكوك عليا

[Ahmed.TV]

حضرتك لازم تتابع مع السبع .. واكيد هما حيقوموا بالواجب .. وياريت تكلمنى فى التليفون
ولو قدت اعمل حاجة واساعدك مش حتاخر .. 01288814049

[maxayma]

انا كنت امبارح فى السبع و حصل معايا كذا موقف كده احب انى احكيه

اولا الموضوع الكبير اللى كان مقلقنى بخصوصو تغيير البلى فى الضمان و لا لأ اتحل لانى ظبط مع المهندس اللى كنت مصلح معاه و قت الحادثة و هو كلمهم و اتفقنا تتغير فى الضمان (انا كده كنت فاكرة ان المشكلة اتحلت)

لما ركنت عندهم خبط خبطة فى الرصيف بتاعهم هو مش عالى بس الخبطة كانت جامدة شوية المهم العربية بعد الخبطة نزلت ماية و كانت نازلة كده من خرطوم صغير لونه اسود انا اول مرة اشوفه فى الاكصدام من تحت (ممكن يكون فك و لا حاجة) و واحد من اللى واقفين برة منهم قالى دى الاقربة اتغرمت

لما المهندس استلمها منى قالى ان البلى فعلا بره الضمان عشان الحدثة لكن المهندس اللى كان معايا وقت الحادثة ظبتها انها تكون فى الضمان (قولت الحمد لله ربنا ما يجيب خناق) قولتوا على موضوع الماية ده قالى تلاقيها كانت محوشة ماية من المطر و لا الغسيل و مع الخبطة الكارتيرة اتحركت فالماية نزلت قولتلو ممكن تكشف برده و نطمن قالى ماشى بس العربية هتطول ممكن تستلمها على 4 او 5 (االكلام ده كان 11:30 الظهر)

العربية دخلت تقريبا 12 و خرخت 2:30 للاسف ما شفتش هما اشتغلوا ايه فيها المهم انا بصراحة انبسط انها خلصت بدرى روحت اشوف لو فيه فاتورة ولا حاجة قالى لا اذن خروج بس شكيت بصراحة يكونوا مش عملوا حاجة رحت تانى للمهندس اللى استلمها سألتى ايه اتغيير قالى البلى طبعا

انا اخدت العربية و مشيت و انا على الدائرى بجرب المساحات ما لاقتش ماية قولت حلو ادى حاجة تفكس يبقى فعلا فى حاجة اتغرمت او فكت و هما ماعملوش حاجة قولت مش المهم ابقى اقولهم فى الصيانة الجايا و لا اشوف اى حد يركب الحاجة اللى فكت

الاهم من كل ده و انا راجع ماكنش فيه الصوت اللى انا اصلا رحت عشانه قولت حلو لحد النهاردة الصبح و انا رايح الشغل على كوبرى اكتوبر حلمى ضاع و الاصوات زى ما هى و اتاكد اكتر و انا راجع و كان معايا واحد صاحبى الاصوات لسة موجودة و بقوة

اخر حاجة كل العادة كلمونى يقولى رايك ايه و بطيخ قولتلهم كل اللى فوق و ان العربية تقريبا زى ما دخلت زى مارخرجت قالولى احجز تانى و احنا نحلها

انا بجد مش عارف العربية جابتلى احباط بصراحة كان نفسى اخلص من الاصوات ديه لانى اول مرة اقلولهم عليها فى صيانة 10 الاف فى رمضان اللى فات و لسة كل ده مش عارفيين ليها حل و شاكك يكونوا عملوا فيلم عليا امبارح و لا يكون ركب بلى جديد ولا ضمان و لا بتاع ممكن يكون اخره شحم و لا ربط العفشة علشان كده و لا كان فرق معاه ضمان ولا غيره انا مش عارف ايه الحل