رجالة نيسان صني 2013 عايز نصايحكم

[Khaled Online]

السلام عليكم
أنا حاجز لوجان أوتوماتيك من شهر مع توكيل رينو
بس السعر زاد ألفين لغاية دلوقتي وهيزيد اتنين زيهم وكله هيبان في أوتوماك
فبصراحة مستكتر أدفع 85 ألف على عربية كل مميزاها إنها أوتوماتيك وعالية عن الأرض وعوامل الأمان air bag يتيمة
دورت ولقيت نيسان صني تمام جدا وإمكانياتها ممتازة على سعرها اللي بقى 104
روحت شوفتها امبارح وعجبتني عامة بس حاسس إن الكراسي بالعرض ضيقة شوية وإن الكاوتش مش قد كده
أنا عندي أدفع 104 في نيسان ولا إني أتجمرك 85 في لوجان
إيه رأيكم في العربية وفراملها على السرعات وعفشتها مع المطبات والنقر ومعاملة الوكيل في الصيانات وتكاليفها وكل حاجة في صني 2013؟
ودمتم بود

وبالمناسبة أحب أشكر أستاذ Ahmedtv على موضوعه *استلام العربية* حد اقتبسه في قسم اللوجان لما سألت وفيه تفاصيل كأني بقرأ كتاب how to فربنا يكتبها في ميزان حسناته إن شاء الله

[blazer]

انا سقتها بس مش مسافة كافية للحكم
الصنى فى راى افضل واوسع وصفقه رابحة عن الوجان
اتوكل على الله فيها وفعلا الكاوتش بتاعها سىء

[youssef_u]

بص الصني اريح و اوسع من معظم العربيات اللي في السوق و لو تقدر تجيبها يبقا حلو اوي و الكاوتش هو سئ بس ممكن تتعايش معاه و ممكن تبيعه وتجيب نوع احسن

[ahmedPJT]

باشا لا يوجد وجه للمقارنة بين العربيتين الصنى ركوبة تانية خالص سواء فى الموتور و الفتيس الاوتوماتيك الرائعين و الفرامل الحديد ... اليابانى يبانى حتى لو اتجمع فى الصومال ...
انا عامل بالعربية ٧٠٠٠ كيلو الى الان الفئة EX و لله الحمد لا يوجد اى شكوى منها ....
مميزات الصنى عن اللوجان :
@ موتور بسعة لترية اقل (بتشم البنزين) و هورس بور اعلى من اللوجان ٩٩ للصنى مقابل ٩٠ للوجان
@ وزن اخف من اللوجان يؤدى الى تسارع افضل
@ اثبت من اللوجان على السرعات العالية بشكل ملحوظ
@ اعتقد برضه سعر اعادة البيع فى صالح الصنى
@ فرامل الصنى المدعمة بال abs & ebd بالاضافة ل BA اظن لا تقارن باللوجان
كفاية كدة عشان اللوجان صعبت عليا xD

[Dr_MaTrix]

العربية كمساحة داخلية كبيرة جدا وموفرة للبنزين وعفشتها مرحة فى المطبات والنقر وتحكمها كويس اوى
هوا الكاوتش اللى صينى وسىء بس شغال...والوكيل محترم طبعا مش محتاجة كلام فهى صفقة جميلة جدا بالنسبة لسعرها واحسن من اللوجان...وده رأى الشخصى....وربنا يوفقك للخير

[saint2011]

توكل على الله صفقة رابحة مقابل الفلوس المدفوعه فيها ولا يوجد وجه للمقارنة مع اللوجان او أى عربية أخرى أغلى منها ب30000 جنية كفاية منظومة الفرامل abs, ebd, ba بجانب 2 أير باجز وسع الصالون وأستهلاك أقتصادى للبنزين توكيل محترم بالمقارنة بالتوكيلات الأخرى

[HOSSAM_GABRE]

الفارق فى السعر = 20 الف جنية
وبالتالى فكلاهما فئتين مختلفتين
لو معاك فلوس الصنى فتوكل على الله
لو العملية مزنقة يبقى لوجان
بالمناسبة كلا العربيتين فلوسهم فيهم والافضل كقيمة مقابل سعر كلا فى حدود مبلغه

[HOSSAM_GABRE]

توكل على الله صفقة رابحة مقابل الفلوس المدفوعه فيها ولا يوجد وجه للمقارنة مع اللوجان او أى عربية أخرى أغلى منها ب30000 جنية كفاية منظومة الفرامل abs, ebd, ba بجانب 2 أير باجز وسع الصالون وأستهلاك أقتصادى للبنزين توكيل محترم بالمقارنة بالتوكيلات الأخرى

توكيل رينو لا يقل عن توكيل نيسان ان لم يكن افضل على الاقل فى اسكندرية
واسأل مجرب
عموما هذة المقارنة لا تجوز لان العربيتين فى فئتين سعريتين مختلفتين
اللوجان الاوتوماتيك تقارن بالساجا او الفيرنا الاوتوماتيك او الافيو الاوتوماتيك وطبعا هى افضلهم

[Khaled Online]

انا سقتها بس مش مسافة كافية للحكم
الصنى فى راى افضل واوسع وصفقه رابحة عن الوجان
اتوكل على الله فيها وفعلا الكاوتش بتاعها سىء

ده رأيي برضه وموضوع الوسع إن شاء الله هتأكد منه في أوتوماك

بص الصني اريح و اوسع من معظم العربيات اللي في السوق و لو تقدر تجيبها يبقا حلو اوي و الكاوتش هو سئ بس ممكن تتعايش معاه و ممكن تبيعه وتجيب نوع احسن

تمام ولو همشي بيه فترة هيبقى لغاية كام كيلو؟

باشا لا يوجد وجه للمقارنة بين العربيتين الصنى ركوبة تانية خالص سواء فى الموتور و الفتيس الاوتوماتيك الرائعين و الفرامل الحديد ... اليابانى يبانى حتى لو اتجمع فى الصومال ...
انا عامل بالعربية ٧٠٠٠ كيلو الى الان الفئة ex و لله الحمد لا يوجد اى شكوى منها ....
مميزات الصنى عن اللوجان :
@ موتور بسعة لترية اقل (بتشم البنزين) و هورس بور اعلى من اللوجان ٩٩ للصنى مقابل ٩٠ للوجان
@ وزن اخف من اللوجان يؤدى الى تسارع افضل
@ اثبت من اللوجان على السرعات العالية بشكل ملحوظ
@ اعتقد برضه سعر اعادة البيع فى صالح الصنى
@ فرامل الصنى المدعمة بال abs & ebd بالاضافة ل ba اظن لا تقارن باللوجان
كفاية كدة عشان اللوجان صعبت عليا xd

يا باشا ربنا يباركلك فيها وعقبال البي إم
هقولك حاجة فقط عشان أنا متأكد منها بس بلاش ضرب :) اللوجان الأوتوماتيك 110 حصان وأتقل من المانيوال

متفق مع حضراتكم في النقاط كلها بس عايز أعرف كام حاجة بعد إذنكم
الوكيل متعب ولا معقول في معاملته والصيانات الدورية؟
هل فيه خدمة الونش تبع التوكيل؟
لو ماشي بالصني على 110-120 الفرامل تقف معاك بعد كام متر من خلال تجربة واقعية؟
الكاوتش اللي نازلة بيه يمشي معاك كام كيلو من غير ما يأثر عالأداء قبل ما تغيره؟
سؤال مهم: هل الصني مصفحة من تحت؟
وبعدين إيه حكاية التوكيل اللي له كذا موزع؟ أنا روحت للي في ش المساحة مودرن موتورز
أنهي أحسن أوتو إيجبت ولا مودرن موتورز ولا السبع ولا ولا؟ :) وأنهي فيهم اللي نيسان الأصلي، التوكيل يعني؟

[Khaled Online]

العربية كمساحة داخلية كبيرة جدا وموفرة للبنزين وعفشتها مرحة فى المطبات والنقر وتحكمها كويس اوى
هوا الكاوتش اللى صينى وسىء بس شغال...والوكيل محترم طبعا مش محتاجة كلام فهى صفقة جميلة جدا بالنسبة لسعرها واحسن من اللوجان...وده رأى الشخصى....وربنا يوفقك للخير

اللهم آمين وشاكر ليك جدا. هل الكاوتش بيأثر على الفرامل بشكل يقلق؟

توكل على الله صفقة رابحة مقابل الفلوس المدفوعه فيها ولا يوجد وجه للمقارنة مع اللوجان او أى عربية أخرى أغلى منها ب30000 جنية كفاية منظومة الفرامل abs, ebd, ba بجانب 2 أير باجز وسع الصالون وأستهلاك أقتصادى للبنزين توكيل محترم بالمقارنة بالتوكيلات الأخرى

بالضبط. منظومة الفرامل أكتر عامل جاذبني ليها

الفارق فى السعر = 20 الف جنية
وبالتالى فكلاهما فئتين مختلفتين
لو معاك فلوس الصنى فتوكل على الله
لو العملية مزنقة يبقى لوجان
بالمناسبة كلا العربيتين فلوسهم فيهم والافضل كقيمة مقابل سعر كلا فى حدود مبلغه

حضرتك كأنك قريت أفكاري بس من 79.5 ل 83.5 في اللوجان اللي المفترض فئة اقتصادية يبقى رينو بتطفش عملاءها بايديها

توكيل رينو لا يقل عن توكيل نيسان ان لم يكن افضل على الاقل فى اسكندرية
واسأل مجرب
عموما هذة المقارنة لا تجوز لان العربيتين فى فئتين سعريتين مختلفتين
اللوجان الاوتوماتيك تقارن بالساجا او الفيرنا الاوتوماتيك او الافيو الاوتوماتيك وطبعا هى افضلهم

+1 بصراحة شديدة ما شوفتش حد اشترى لوجان واشتكى من التوكيل وإذا حصل بيتابعو معاه لحد ما يبقى راضي

[Khaled Online]

على فكرة الموضوع مش للمقارنة وإنما للتعرف على السيارة من أصحاب الصني 2013 أو من ساقوها
وآسف إذا ماكنتش وضحت من الأول

[HOSSAM_GABRE]

اللهم آمين وشاكر ليك جدا. هل الكاوتش بيأثر على الفرامل بشكل يقلق؟


بالضبط. منظومة الفرامل أكتر عامل جاذبني ليها


حضرتك كأنك قريت أفكاري بس من 79.5 ل 83.5 في اللوجان اللي المفترض فئة اقتصادية يبقى رينو بتطفش عملاءها بايديها


+1 بصراحة شديدة ما شوفتش حد اشترى لوجان واشتكى من التوكيل وإذا حصل بيتابعو معاه لحد ما يبقى راضي

بالعكس
شوف العربيات التانية اللى ممكن تجيبها بنفس المبلغ وقارن
ساجا - افيو - فيرنا وكلهم اوتو
حتلاقى اللوجان افضل وسائل امان وتوكيل ووسع داخلى وارتفاع عن الارض واعتمادية وخامات
ونفس الكلام على الصنى
صنى - اوبترا - اكسنت ار بى - بروتون جين 2
حتلاقى افضل توكيل - افضل وسائل امان - افضل اعتمادية هى الصنى

[HOSSAM_GABRE]

وزى ما انت قولت الموضوع مش للمقارنة بين العربيتين انما لتصحيح مسار المقارنة

[Dr_MaTrix]

الفرامل بتاعتها ممتازة جدا وده طبعا على السرعات اللى اقل من 120 وممكن 120 كتير كمان واكيد اداء الفرامل وثبات العربية هبتحسن لو ركبت كاوتش تانى زى بريدجستون مثلا وفى تقارير فى القسم الاعضاء تفضلوا شاكرين غيروا الكاوتش وكاتبين انطباعهم والفرق قبل وبعد دور عليها هتفيدك كتير........... انما عموما فرامل ممتازة ومش مأثر عليها الكاوتش اللى فيها (وده راى الشخصى)

[Khaled Online]

أستاذي HOSSAM_GABRE يافندم احنا متفقون ولا وجه للخلاف. فكرتي ببساطة إن اللي هيدفع حاجة وتمانين في زيرو يضغط على نفسه في الأول ويصبر ويجيب الأحسن وربنا يبارك للي معاه اللوجان ويبارك للي معاه الصني

الفرامل بتاعتها ممتازة جدا وده طبعا على السرعات اللى اقل من 120 وممكن 120 كتير كمان واكيد اداء الفرامل وثبات العربية هبتحسن لو ركبت كاوتش تانى زى بريدجستون مثلا وفى تقارير فى القسم الاعضاء تفضلوا شاكرين غيروا الكاوتش وكاتبين انطباعهم والفرق قبل وبعد دور عليها هتفيدك كتير........... انما عموما فرامل ممتازة ومش مأثر عليها الكاوتش اللى فيها (وده راى الشخصى)

هدور عليها وأستفيد. أنا مش ملاحق بصراحة كان كل تركيزي على اللوجان في الفترة اللي فاتت لغاية ما حفظتها زي ظهر ايدي