استهلام البنزين فى السوبر صالون

[hamadakotb]

انا هانقل تجرينتى عن استهلاك البنزين فى السوبر صالون الجديدة.
انا مستلم العربية تقريبا من اسبوع و احد فقط و طبعا مشيت بيها فى اماكن زحمه كتير ( دقى - مهندسين- كورنيش_... ) و طبعا كنت باستخدم الفرامل كتير و كان معدل الاستهلاك 10 - 13 لتر لكل 100 كم وطبعا ده كان استهلاك عالى نسبيا.
المهم قولت اجرب الاستهلاك فى مشوار بعيد خارج القاهرة عملت التالى :-
1- فولت من ....l اللى ورا مستشفى القوات المسلحه
2- صفرت عداد الرحلات و
3- روحت الفيوم و رجعت
المسافة المقطوعه 210 كم ( من المعادى للفيوم و العودة)
4- رجعت نفس البنزينة تانى فى المعادى وفولت !!!!!
يا ترى استهلكت كام لتر؟؟؟
مش هتصدفوا
أقل من 13 لتر

يعنى اللتر تقريبا بيعمل 16 كم
او 6 لتر لكل 100 كم

مع العلم :- ان كان شارع الهرم الصبح واقف نسبيا ـ و الكورنيش فى العودة كان واقف.

دى تجربتى اليوم مع استهلاك البنزين خارج القاهرة المحروسه .

[youssef_u]

ولسه هيتحسن كمان مع التليين

[Sehsss]

استهلاك ممتاز، والزحمة فعلا مش مقياس لأن أغلب الطرق حاليا واقفة تماما

[Land_Cruiser]

معدل استهلاك كويس و حتى لو حطيت عليه استخدام التكييف هيبقى برضه حلو. يا ترى ايه أخبار السحب و حضرتك كنت ماشى على متوسط سرعه قد ايه ؟

[hamadakotb]

انا كنت ماشى متوسط سرعة 100 تقريبا و مزودتش عن 120 كم
بالنسبة للسحب انا حاسس ان الاستجابة مش كويسة ( بتاخد ثوانى علشان تستجيب )

[kliken]

ما شاء الله استهلاك ممتاز فى الطوالى

[Land_Cruiser]

انا كنت ماشى متوسط سرعة 100 تقريبا و مزودتش عن 120 كم
بالنسبة للسحب انا حاسس ان الاستجابة مش كويسة ( بتاخد ثوانى علشان تستجيب )

استهلاك البنزين حلو مع السرعه دى. بالنسبه للاستجابه بتاعه الدواسه الشكل القديم او على الاقل عربيتى كده برضه بتاخد لحظات من ساعه لما تدوس علشان تجرى و لازم تدوس بالتدريج بس المهم ان الموتور مش ضعيف عليها هى بس استجابتها بطيئه سِنّه

[hamadakotb]

الموتور بسم الله ماشاء الله كويس .

[Sehsss]

استهلاك البنزين حلو مع السرعه دى. بالنسبه للاستجابه بتاعه الدواسه الشكل القديم او على الاقل عربيتى كده برضه بتاخد لحظات من ساعه لما تدوس علشان تجرى و لازم تدوس بالتدريج بس المهم ان الموتور مش ضعيف عليها هى بس استجابتها بطيئه سِنّه

ماهي دي حلاوة المانيوال يا Land_Cruiser أنا عندي ما شاء الله، بتبقى عاوزة تنط من على الأرض

[Mohab555]

ما شاء الله امسك الخشب
ولسه كمان الاستهلاك هيتحسن بعد فتره التليين و هيبقى ممتاز بعد ال 5000 ك

[canner]

بسم الله ما شاء الله روعة و ربنا يبارك لك فيها

تحياتى

[hossam_elwani]

استهلاك ممتاز بالتوفيق

[HaNo_ELBeh]

استهلاك اكتر من ممتاز بالنسبة انها لسة فى التلين

[Bishoy.Girgis]

و لسه اصبر .. الاستهلاك هيتحسن عن كده كمان بعد الـ 5000 و كمان بعد الـ 10000

[hamadakotb]

يار ب يتحسن كمان علشان ال 5 لتر بتوع الحكومه يعملوا حاجه.