بخصوص تفعيل الضمان

[alex pharmacy]

السلام عليكم
ازيكم يا صقور
انا الحمد لله استلمت نيو صني اوتوماتيك ex وكنت عايز اسأل على تفعيل الضمان بيكون ازاي ؟؟

وبالنسبة لعرض الصيانة المجانية والزيت والفلتر حيخلص امتى ؟؟؟ وهل ينفع اروح اغير زيت قبل 1000 كيلو ؟؟

انا بصراحة كنت ناوي اجيب ليكوي مولي بس طالما الزيت مجانا حروح التوكيل يكش يحطولي زيت كريستال

وابقى اغيره قبل المدة بتاعته ب 1000 كيلو

واخيرا بالنسبة للصقور الاسكندرانية تنصحوني اروح انهو مركز صيانة ؟؟ وموقعه فيه ؟؟

والف شكر مقدما :)

[Ramy Rateb]

الف مبروك .. كلم ١٦٢٤٤ عشان تفعيل الضمان

[dodyam]

بالنسبة لمركز الصيانة فى اسكندرية ما تروحش مودرن موتورز لانه سئ

أنا روحت اسكندرية الهندسية على طريق اسكندرية القاهرة الصحراوى الكيلو 27 مرغم بعد مجمع البترول

وده رابط تقريرى عن المركز ده و الصيانة المجانية


http://www.nilemotors.net/Nile/331189-a.html

وفى أخ عضو هنا من الغردقة كان فى اسكندرية بالصدفة و راح مركز أحمد مرعى الجديد اللى الطريق الزراعى بعد مدخل جرين بلازا وده رابط تقريره عنه

http://www.nilemotors.net/Nile/330455-1000.html

وممكن تروح أوتو ايجيبت فى أبورواش قبل المحور علطول يعنى مش هتخش زحمة القاهرة أصلا ويبعد حوالى 200 كيلو من اسكندرية

هما طبعا هناك أفضل لو احتجت تعمل حاجة كبيرة فى العربية

بخصوص العرض اللى أعرفه انه ينتهى فى 24 يناير و سمعت من اوتو ايجيبت انه هيتمد حتى 31 يناير بس مش متأكد

شوف هتروح مركز ايه و اتصل بيه علطول احجز الفحص المجانى

وانت المفروض هتغير زيت عند الألف فلو لسه شوية على ما تكمل ألف كيلو روح اعمل الفحص الفنى و خد جركن الزيت و الفلتر فى ايدك وابقى حطهم بعد كده فى صيانة الالف عادى

أما بخصوص ليكوى مولى فانا دورت عليه فى اسكندرية لقيته بيتباع فى 3 اماكن بس منهم فى جراج أمام بريدجستون و نادى القضاة فى بولكلى هتلاقيه معلق يافطة صغيرة كده على الشجرة وفى الماركت الصغير اللى فى البنزينة اللى على ناصية شارع شامبليون من على البحر
ووقت صيانة الالف بتاعتى فى شهر 9 اللى فات لما دورت كان التوب تيك مش موجود و غير متوافر فحسيت انى ممكن أتزنق فيه بس رابط الاخ بتاع الغردقة فوق لقى الزيت متوافر ومستنيه يرد عليا لقاه فين بالظبط

تفعيل الضمان بتتصل بنيسان ايجيبت 16244 لو الرقم ما جمعش معاك من التليفون الأرضى اتصل من على الموبايل لان ده حصل معايا
هما هياخدوا بياناتك وبيانات رخصة العربية وهيدوك رقم تكتبه على كتيب الضمان

وبالتوفيق ان شاء الله

[gomana85]

السلام عليكم
ازيكم يا صقور
انا الحمد لله استلمت نيو صني اوتوماتيك ex وكنت عايز اسأل على تفعيل الضمان بيكون ازاي ؟؟

وبالنسبة لعرض الصيانة المجانية والزيت والفلتر حيخلص امتى ؟؟؟ وهل ينفع اروح اغير زيت قبل 1000 كيلو ؟؟

انا بصراحة كنت ناوي اجيب ليكوي مولي بس طالما الزيت مجانا حروح التوكيل يكش يحطولي زيت كريستال

وابقى اغيره قبل المدة بتاعته ب 1000 كيلو

واخيرا بالنسبة للصقور الاسكندرانية تنصحوني اروح انهو مركز صيانة ؟؟ وموقعه فيه ؟؟

والف شكر مقدما :)

انا سالت و قالوا ينفع عادي روح هيكشفوا علي 6 نقط في العربيه و يدوك الزيت و الفلتر هديه من غير متدفع حاجه خالص ، ده الكلام الي قالوهولي نيسان ايجيبت ، و اانا هاروح يوم الخميس ان شاء الله و مش هاكون كملت الالف باردوا