هل هناك عيوب فى التيدا المكسيكى؟؟؟؟؟

[ma8rabye]

هل هناك عيوب فى التيدا المكسيكى؟؟؟؟؟ وهل هى اقل فى الجودة من اليابانى؟؟؟

[kliken]

انا معايا تيدا مكسيكى و حتى اﻵن بفضل الله و بسم الله ما شاء الله ما فيش اى مشكله قابلتنى نهائى العربيه عامله 13الف كم موديل 2012
بالنسبه للمقارنه مش هقدر افيدك ﻷنى ما ركبتش اليابانى بس كده كده مفيش منها زيرو

[Sehsss]

مافيهاش أي عيوب

[ma8rabye]

انا معايا تيدا مكسيكى و حتى اﻵن بفضل الله و بسم الله ما شاء الله ما فيش اى مشكله قابلتنى نهائى العربيه عامله 13الف كم موديل 2012
بالنسبه للمقارنه مش هقدر افيدك ﻷنى ما ركبتش اليابانى بس كده كده مفيش منها زيرو

كويس طمنتنى شكرا على اهتمامك

[m_love4me]

وانا معايا ال 2011
وعامله لحد الان 42 الف كيلوا

بدأ احس بشويه خشونه ف المساعدين
نشوفيه يعني

بس غير كدا العربيه ما شاء الله , اكثر من رائعه


بالتوفيق

[Dr.A.Nabil]

مشكلتها في اصوات تزييق التابلوه على الارض المكسره

وخللي بالك العربيه دي مش بتاعة بهدله
وعفشتها بتبوظ بسرعه
فخللي بالك

[ma8rabye]

مشكلتها في اصوات تزييق التابلوه على الارض المكسره

وخللي بالك العربيه دي مش بتاعة بهدله
وعفشتها بتبوظ بسرعه
فخللي بالك

شكرا على اهتمامك بس انت بتتكلم على التيدا بتاعتك اليابانى ولا على المكسيكى ؟؟؟

[ma8rabye]

وانا معايا ال 2011
وعامله لحد الان 42 الف كيلوا

بدأ احس بشويه خشونه ف المساعدين
نشوفيه يعني

بس غير كدا العربيه ما شاء الله , اكثر من رائعه


بالتوفيق

تماااام اوى لو على العيوب دي بس يبقى تام اوى :)

[samyyousef]

قرأت على هذا المنتدى أن البعض اشتكى من صوت تزييئ في التابلوه...لكن هذا كان من فترة و لا اعلم ما اذا كانت هذه الظاهرة مستمرة او متكررة الى الان من عدمه

[Ahmed.TV]

بص مبدئيا .. لازم تلاقى اى عربية فى مصر او العالم فيها عيب .ز او ناقصها اوبشن او اى حاجة ممكن متكنش كاملة فى العربية
المهم ان الحاجة ددى اللى ناقصة او العيب اللى فيها .ز مش يكون بالتاثير اللى يعمل مشكلة .. او يعكر مزاجك .. او يكون عيب يؤدى الى خسائر فى الارواح

بالنسبة للتزيق .. اغلب العربيات عموما الحديثة .. اغلبها فيها بلاستيك كتير من جوة .. وخاماته بتكون خفيفة .. فتعمل تزيق من اى مكان ممكن يجيلك من اى مكان فى العربية .. بس بيظهر مع المطبات المدغدغة على الارض

ومش معنى انهم حاطين بلاستيك فى العربيات الحديثة كتير او بيخفوا خاماته يبقا كدا عيب .. لان هما بيدورا دايما على اى حاجة تتحط فى العربية تكون خفيفة عشان وزن العربية عشان السحب والبنزين

وفى التيدا انت عندك فى الطابلوه مقسم الى 3 قطع .. وده ميزة وعيب فى نفس الوقت .ز بس شايف ان ميزته بصراحة تخلينا مش نركز فى العيب .. وهو ان ميزة ال3 قطع دول لو حاجة اتكسرت فى الطابلوه ممكن تجيب القطعة دى من التوكيل او من بره التوكيل وتركبها .. والعيب ان ده بيعمل اصوات خفيفة مع المطبات اللى قولتلك عليها

وبالنسبة للعفشة بتعتها بتتحمل مفهاش مشكلة .. بس ده بيرجع لطريقة سواقتك وكمان الاماكن اللى بتروحها وبتردد عليها اذا كانت فيها مطبات كتير

وده لو معاك اى عربية تانية غير التيدا حيحصل كدا فيها وحتلاقى العفشة فيها بتستهلك

فهى زى اى عربية محترمة .. وطول ما انت محافظ عليها .. مش حتلاقى منها مشاكل .. واغلب المشاكل فيها قليلة جدااا

وتوكيلها محترم جدا

تحياتى ليك وبالتوفيق

[Ahmed_selmy]

انا معايا 2012 , والحدم لله مفيهاش مشاكل, هو فعلا موضوع التزييق دا .

[addams_2]

التيدا عربية محترمة

[ma8rabye]

شكرا لكل الناس المحترمة اللى ردت :)

[EhabVet]

أكبر عيب شايفه في المكسيكي والحمد لله مش موجود في الياباني .. هو إن فوانيس الشبورة مش بتشتغل غير مع الكشافات الواطيه .. ماتنفعش تشتغل لوحدها أو مع نور الطابلوه بس

مع إنه مش عيب في الأساسيات بس تحس إنه رخم جدا وماكانش له أي لازمة

[Ali_Abo_Amr]

انا معايا اليابانى وسوقت التيدا المكسكي لزميل ليا الفروقات اللى لاحظتها
- العفشة انعم فى المكسيكي وباحس انها اقوى
- قاعدة السواق اريح فى المكسيكي
- مراية السواق فى المكسكي بتقرب المسافة فماريحتنيش الصراحة

غير كده ماحستش بفرق صراحة

وربنا يوفقك للخير دايما