باب النيو صنى مابيفتحش من جوا !!!

[hatahet]

لو سمحتوا فيدونى !! انا معايا نيو صنى و حصل امبارح موقف سخيف جداااا كنت خارج بيها مع اصحابى و كان فى واحد صاحبى قعد ورا ... المهم لما وصلنا جيه يفتح الباب من جوا === ولا الهوا مابيفتحش :( :( :( المهم لما روحت اعدت اجربه بردو مافيش حل الباب مش بيفتح من جوا لكن من برا بس ... فا انا سؤالى هل فيه lock مخصص للباب الخلفى مثلا زى children door lock بتكون موجوده ف جنب الباب او حاجة ؟؟؟؟ ولا دى مشكلة فى الباب نفسه و مطر اروح التوكيل :((

[asyl84]

اعتقد ان اكتر العربيات فيها لوك دور علية فى الباب نفسة تحت المكان الى فية قفل الباب

[youssef_u]

هو ده فعلا الchildren lock دور عليه في الباب هتلاقيه

[hatahet]

ياريت عشان انا تضايقت جدا خصوصا انى لسه ماكملتش 500 كم بالعربيه

[abdulmoniem]

أيوة في Lock .. هو إللي بيعمل كدة
هتلاقيه في جنب الباب

لو عملته هتلاقي الباب بيفتح عادي إن شاء الله

[canner]

فيه مفتاح السنتر بتاع كل الابواب عند باب السائق و ده لو قفلته كل الابواب تتقفل و ما تتفتحشى غير الباب بتاع السائق

و فيه اللوك بتاع كل الباب بس ده عادى متهيألى لو اتقفل ممكن نفس الباب يفتحه تانى

جرب تركب العربية و اقفل و افتح بالريموت و اقول اللى حصل

تحياتى

[ahmedPJT]

حصلت معايا انا كمان و طلع فعلا بسبب ال Children lock

[a_bahaa14]

بص يا باشا فى جسم الباب هتلاقى فتحة صغيرة مكتوب عليها لوك غير وضعها للجنب الثانى وهى معموله علشان الاطفال متلعبش وتفتح الباب والعربية مشية

[حماده المصري]

هتلاقيه من اللوك بتاع الباب فعلا بتاع الاطفال هتلاقي حد حركه ومش واخد باله

[Sehsss]

زي ما قال الأعضاء، لوك الأطفال مقفول

[hatahet]

الحمد لله دورت على الزرار دا ولاقيته والباب فتح تمام و الف شكرررررر يا رجالة ربنا يباركلوكوا يارب

[HaNo_ELBeh]

الحمد لله دورت على الزرار دا ولاقيته والباب فتح تمام و الف شكرررررر يا رجالة ربنا يباركلوكوا يارب

تمام ياباشا بس خلى بالك بعد كدة

[Ahmed.TV]

الف مبروك يا فندم .. تلاقى حد بس خبط اللوك ولا حاجة بجسمه فا اتقفل

[Sehsss]

كويس إنك لقيته، وخد بالك علشان ساعات بتحصل من عامل البنزينة وهو بينشفلك العربية بيروح محركة

[hatahet]

ثانك يو فيرى ماتش شكرا يا رجاله و ربنا يباركلوكوا أمين يا رب