طريقة اطفاء لمبة check engine for new sunny

[engahmedadel29]

اولا : افتح الكونتاكت لحد ما كل لمض التابلوه تنور ... من غير ما تدور يعنى و استنى 3 ثوان

ثانيا :دوس على دواسة البنزين للأخر و شيل رجلك .. الموضوع ده لازم يتعمل بسرعة جدا ( خمس مرات فى اقل من 5 ثوان ) و بعدين نستنى 7 ثوان

ثالثا : هتفضل دايس على دواسة البنزين لمدة 10 ثوان لحد ما لمبة شيك انجن تفضل تنور و تطفى و بعدين شيل رجللك لمدة 10 ثوان.

رابعا : دوس دواسة البنزين للأخر تانى لمدة 10 ثوان هتفضل برضه اللمبة تنور و تطفى عادى. . بعدين شيل رجلك من على الدواسة و شيل المفتاح من الكونتاكت .

خامسا : دخل المفتاح و دور العربية هتلاقى اللمبة طفت .

[hatahet]

انا ماخدش بالى هيا المبة بتفضل منورة على طول ولا ايه ؟؟

[Sehsss]

الكلام مش واضح

[limo81]

ولو اللمبه منوره أصلاً اعمل check أو افحص غطاء تانك البنزين لأنه لو مش مربوط كويس لغايه صوت (التكه) هتنور لمبه ال check engine

ولكن برجاء التوضيـــــــح أكثر

[Formulator]

دا أيــــــــــه؟؟

عامل كده زى idle re-learn procedure العقيمة بتاع النيسان؟!!

العالم كله بقى يعمل motorized throttle-body؟!!
هو لسه فيه عربيات شغالة بزلطتين!

لمؤاخذة يارجالة!!

[Amr2004IBM]

لمواخزه ايه .... انته خليت فيها ﻻمواخزه
مش كده النقد يا راجل يا طيب ياعنى عايز تفهمنى ان فيات كامله وجيه من كوكب اخر
ج
و ﻻمواخزه ياعنى!!!!!!لى نقدك بناء و قول معلومه مفيده

[Amr2004IBM]

بنسبه لصاحب الموضوع ... الف شكر على المعلومه الى اكيد هتفيد ناس كتيو ياريت يا صقور اى حد عنده معلومه مهما كانه صغيره او بسيطه ما يبخلش علينا بيها علشان ده الى متعودين عليه فى قسمنا
شكرا مره تانيه

[kliken]

شكرا على اﻷفاده
بس هى ايه اسباب انها بتنور اصلا

[Land_Cruiser]

موضوع الضغط على دواسه البنزين للآخر ده و العربيه مش دايره غريب قوى . لما حضرتك عملت الموضوع ده انا عايز اعرف بعد كده حسيت ان العربيه شرقانه و لا دارت معاك بسهوله ؟

[gomana85]

معلش انا مش فاهمه حاجة خالص ، انا عندي في شويه انوار بتنور لما ببتدي ادور الكونتات يعني الايرباج و ايه بي اس و شويه حاجات و بتطفي بعد مدور ، يعني لما بمشي مبيبقاش في اي حاجة منورة .. كده صح و لا ايه ؟

[youssef_u]

ده كده يعني بتعمل reset ولا ايه ؟ و مفروض لما تنور تروح التوكيل مش نعمل reset و شكرا عالمجهود يا باشا

[Bishoy.Girgis]

ممكن نعرف المصدر اللي حضرتك جبت منه المعلومة ديه ؟؟؟؟

[hatahet]

هوا دا الصح المفروض ان كلو يكون طافى و اللى بينور بيكون فيه مشكلة .... انا دا اللى فاهمو

[Land_Cruiser]

معلش انا مش فاهمه حاجة خالص ، انا عندي في شويه انوار بتنور لما ببتدي ادور الكونتات يعني الايرباج و ايه بي اس و شويه حاجات و بتطفي بعد مدور ، يعني لما بمشي مبيبقاش في اي حاجة منورة .. كده صح و لا ايه ؟

كده تمام يا فندم. اى لمبه تنور بعد كده بتبقى انذار لمشكله حسب الرمز بتاع اللمبه المنوره

[Land_Cruiser]

فى نقطه بس مهمه بخصوص لمبه ال check engine دى بالذات يا فندم لانها مهمه قوى و لابد من معرفه سبب انها نورت ايه لان وارد يكون فى مشكله فى الموتور و الموضوع بالنسبه لها بالذات اكبر من كونها لمبه نورت و لذلك يجب الاهتمام جدا بها إذا نورت. فى حاجات تانيه اقل اهميه زى لمبه الايرباج مثلا فممكن دى نطفيها مؤقتا لكن check engine ما ينفعش نتعامل معاها كده