إعـــــــلان

Collapse

.

,
See more
See less

صوت تزيق الفرامل وانت ماشي علي الهادي

Collapse
X
 
  • Filter
  • الوقت
  • Show
Clear All
new posts

  • صوت تزيق الفرامل وانت ماشي علي الهادي

    السلام عليكم
    انا حابب انقل تجربتي مع مشكلة الفرامل وحلها للاعضاء
    انا بعمل الصيانة الدوريه في اتو ايجيبت انا استلمت السيارة في منتصف شهر يوليو2012 وهي اتوماتيك
    صيانة الالف تمام لا مشاكل الحمد لله
    عند مرور 3000 الاف لاحظت صوت تزيق خفيف (ممكن تقول زي زقزقة )وانت ماشي علي الهادي لما تدوس فرامل او واقف علي الدائري او اشارة
    ملحوظة الصوت صادر من الامام
    قولت يكمن التيل عاوز يتصنفر في صيانة 5000 ابقي اشوف
    صيانة 5000
    مهندس الصيانة من نفسه قالي هنصفر التيل عشان متسمع اصوات قولت الحمد لله
    مشيت يدوب 50 كيلو او اكثر قليل سمعت برده نفس الصوت لما ادوس فرامل وانا علي الهادي -الصراحة كبرت وقولت يمكن التيل بيطبع
    صيانة 10000
    ذكرت لمهندس الاستقبال مشكلة الصوت وطلبت يكشفوا علي التيل بعد اانتهاء الصيانة قال التيل تمام فيه اكثر من 6 مم تخانة مش محتاج تغيرولكن الطنمبورة فيها شفة( ريجة ) ولما التيل ينتهي تغيرها مع بالمرة
    ملاحظة :
    شفة بالطمنبورة تعني تعرجات فيها وتلزم التغير او الخراطة الميكيانيكة لاستعدالها
    الصراحة انا اتصدمت ومشيت قولت الكلام ده محصلش معايا في العربية المستعملة
    قرات شوية علي النت وسالت عرفت ان لما اليتل يكون ردي يودي الي تلف الطمنبورة
    خدت العربية ورحت لميكانيكي وكشفت علي التيل وصورته لقيت فيه بالبلدي زي شوائب لونها اصفر /نحاسي والتيل كماركة مش مكتوب عله نيسان-الميكانيكي اكد ليه ان الطنابير اتعرجت وانا شوفتها فلعلا سطحها مش امس او علي مستوي واحد وقالي ان اللي عمل كده خامة التيل مش جيدة بالمرة صنفر التيل تاني الصوت راح لمدة يومين ورجع تاني ده بياكد ان كل مايتم ازالة طبقة من التيل اللي مليان شوائب الصوت يروح ويرجع لما طبقة تانية تظهر وفيها شوائب بتحتك مع الطمنبورة .
    كلمت نيسان وعملت شكوي ازي الطمنبورة يحصل فيها تعرجات والعربية مكملتش 10000هل ده طبيعي ؟ وكمان ازي معايا صوت صفارة من بعد 3000 ومااتعالجش في الصيانات المتتالية
    قالوا لي ده من الاستخدام بتاعي يعني بدوس فرامل كتير وان الطمنبورة والتيل بره الضمان وده برده كلام مهندس الصيانة اللي هو كلام مش مقنع .
    المهم نيسان طلبت مني اروح مركز تاني غير اللي عملت فيه الصيانة واشوف تقريرهم ايه ؟؟
    بعدها بيوم كلموني اتو ايجيبت عشان موضوع الصفارة اللي بشتكي منها وروحت قعدت تقريبا اربع ساعات وغيروا لي التيل والطنابير الامامية داخل الضمان الحمد لله
    رجاء اللي يسمع صوت صفارة / زقزقة وهو بيدوس فرامل علي الهادي مايكبرش دماغه عشان الطنابير ماتتلفش

    ملاحظة: من اهل الخبرات
    1-الطنابير تتغير او تتخرط مرة واحدة بعد رقم كبير من الكيلو مترات ممكن 50 الف
    2-التيل بيتغير في الاتوماتيك اسرع من المانيول وده بيعتمد علي استخدام سائق السيارة بس مش بيتغير في 10000 او حتي 15000
    4
    نعم
    0%
    4
    لا
    0%
    0

  • #2
    مشكور ياباشا على التوضيح وزى ماحضرتك قولت لازم الواحد مايسكتش على اى حاجة تظهر فى العربية وخصوصا انها داخل الضمان
    مبروك على حل المشكلة
    [frame="7 80"][SIZE="3"]التقدم في العمر حتمي
    ولكن ان تشيخ روحك فهو اختيارك[/SIZE]:Zb_sor1[1]:[/frame]

    Comment


    • #3
      دوس فرامل كتير مش هيعمل رجة طنابير
      هياكل التيل الاول
      وانت التيل عندك لسه فيه تخانة
      بس سؤال
      انت كنت بتغسل العربية وهيا سخنة او جاى من مشوار
      A.Saad

      Comment


      • #4
        اللى انا فهمته من كلام حضرتك ان ده تيل الزيرو يعنى الاصلي ازاى خامته وحشه او فيه شوائب !!!
        ولو كده دى مسئوليتهم و يتغطى فى الضمان
        تيل الزيرو فى الاوتو ممكن يقعد 50 الف لو استعمالك كويس مع الفرامل انا اخويا معاه صنى 2010 ماشي 90 الف بس استعمال راقى مغيرش التيل لحد دلوقتى و مفيش اصوات منه و اداء الفرامل كويس جدا
        مفيش عمر معين للتيل طريقه استعمالك هى اللي بتحدد هيقعد اد ايه

        Comment


        • #5
          انا بسمع فعلا زي زقزقه بس مش مع الفرامل خالص ، انا بسمعها و انا ماشيه من العجله الشمال وارء و احيانا بسيطه من شمال قدام .. بحس انها زي تكتكه حاجه في الكوتش بتخبط في الارض بيبقي صوت سريع و انا بجري و بيقل و انا بطئ .. فقولت يمكن تكون زلطه في الكوتش .. كده صح و لا اقولهم يبصوا علي حاجه معينه في الصيانه

          Comment


          • #6
            اولا بشكر حضرتك علي التوضيح و علي الموضوع الرائع ده
            بالنسبة لي انا غيرت تيل الفرامل اول مرة في صيانة 30000 كيلو و تم تغيره المرة الثانية بعد 15000 كيلو عربية اوتوماتيك
            [CENTER][FONT=Tahoma][SIZE=5][COLOR=blue][COLOR=blue][IMG]http://img560.imageshack.us/img560/9168/featurew.jpg[/IMG] PeaceMan[/COLOR] [COLOR=sienna]@[/COLOR] [COLOR=green]Nissan[/COLOR] NileMotors [IMG]http://img560.imageshack.us/img560/9168/featurew.jpg[/IMG][/COLOR][/SIZE][/FONT][/CENTER]

            [CENTER][URL="http://www.nilemotors.net/Nile/226179-a.html"][IMG]http://img194.imageshack.us/img194/2737/presvj.png[/IMG][/URL][/CENTER]

            Comment


            • #7
              طيب سؤال لو ان المشكلة اصلا فى خامة التيل نفسه هل ممكن ان تغير نوع التيل يخلى المشكلة دى ماتظهرش ؟؟؟؟ انا باسئل عشان لسا مستلم العربية جديد و الصوت لسا ماظهرش معنا كدا ان الطنابير لسا سليمة فهل انى اغير التيل دا حل ممكن يحافظلى على الطنابير ؟؟؟

              Comment


              • #8
                فعلا غسيل العربية بعد مشوار طويل وهي لسه سخنة يودي الي deformation تشوه في سطح الطمنبورة لكن مش هافضل طول الوقت كل ادوس فرامل وانا علي الهادي اسمع صوت صفارة
                الصفارة ناتجة من احتكاك ولما اتغير التيل مش بسمهعا
                معني كده انو التيل الغير جيد ادي الي تلف الطمنبورة

                Comment


                • #9
                  هو مكنش اصلي لاني شوفته ومكانش عليه لوجو نيسان

                  Comment


                  • #10
                    طالما مفيش صوت مسموع وكله تمام يبقي لاداعي للقلق او انك تغير

                    Comment


                    • #11
                      سوال هو الصوت ده مستمر ؟؟

                      Comment


                      • #12
                        المشاركة الأصلية كتبت بواسطة mohamed halim مشاهدة المشاركة
                        طالما مفيش صوت مسموع وكله تمام يبقي لاداعي للقلق او انك تغير
                        طيب لاقدلرالله وال صوت دا ظهر عندى ايه المطلوب منى اعمله عشان اغير الطنابير فى الضمان لان انا قرأت ان التكلفة بره الضمان 4800 جنيه ودا كتير بصراحة .... معلش انا تاعباك معايا و شكراااااا يا كبييير

                        Comment


                        • #13
                          فعلا التيل الى فى نيسان 2012 نوعة سىء جداا و هوا صناعة هندى زى معظم مكونات العربية فية شوائب حديد عالية اووى و دة الى بتعمل الصوت المشهور بتاعة الصفارة اثناء الفرامل و مع الوقت بياثر على الطنابير و هما عرفين الكلام دة علشان كدا بيغيروها فى الضمان علطول السؤال بقى هى نيسان غرفت الموضوع دة و هتغير نوع التيل لافضل و لا هنفضل نغير مع كل تيل طنابير ؟؟؟؟؟؟لازم يكون فى حل واقعى سريع
                          ekrami سابقا

                          Comment


                          • #14
                            انا فهمت من كلامك انك عاوز تتاكد ان التيل اللي موجود مش هايبوز الطمنبورة او لو في تيل اصلي تركبه دلوقتي اجراء وقائي
                            اعمل الاتي عند اي ميكانيكي ب 20 جينه اقوله عاوز اصنفر التيل ولما يخرجه شوف اللقمتين ( قطعتي التيل لكل طمنبورة مكتوب عليهم نيسان ولا ايه)
                            ثانيا خليه يشوف الطمنبورة حالتها وانت كمان ممكن تشوف بنفسك وانت مثلا بتغير فرده كاوتش مشي صابعك من عليها من فوق الي تحت لو لقيت سطها املس مفيهوش تعاريج يبقي كده تمام
                            اتمني اكون افادتك واالله المستعان

                            Comment


                            • #15
                              بص ياباشا إن شاء الله مشكلتك متعتبرش مشكلة
                              إفتح شطنة العربية وتأكد انك الاستبن مربوط كويس فالمجرى بتاعه
                              وكمان بص على الكوريك هل راشق مكانه ومربوط ولا مفكوك
                              او أي حاجة فالعربيه متعرضة للخبط داخل الشنطة
                              كل ده بيأدي للأعراض اللي انت بتقول عليها
                              كل فرامل بتخلي أي حاجة فالعربيه تحك وتأدي الى نفس الصوت ؟؟؟؟؟؟؟؟
                              وكنت عامل موضوع هنا فالقسم لان كان عندي نفس المشكلة والناس قالتلي نضف التيل الخلفي
                              اتضح اني مش رابط الكوريك كويس
                              مستني ردك
                              [OVERLINE][B]miceg =Khaled Fouly[/B][/OVERLINE]

                              [mshosh4]http://imageshack.com/a/img812/1576/pujz.jpg[/mshosh4]

                              Comment

                              Working...
                              X