تجربتي مع التورانزا gr-90

[miceg]

السلام عليكم ورحمه الله
أعزائي أعضاء قسم نيسان
اشتريت 4 كاوتشات بريدجيستون تورانزا gr-90 للنيسان بتاعتي صني 2010
المقاس الموصي به من م يوسف (( 15-60-195))
الفردة ماشاء الله سعرها 745 جنيه من النيل للمشروعات فرع أسيوط
كنت مضطر وخايف أرجع القاهرة بالكاوتش القديم بعد ما لعب بدماغي أكثر من واحد
الكاوتش القديم كان ماشي 51 الف كيلو
فقولت اغيره وخلاص
المهم عملت ترصيص ونيتروجين وظبط زوايا (( خارج المركز لان معندهمش مركز خدمة )) وملاحظاتي كالتالي
الدريسكون تقل سنة عن ألاول
وبما إني كنت شاري العربية مستعملة وماخدتش انطباع الكاوتش الجديد
ملاحظ كمان ان الثبات عالي جداا عن الاول
وكنت بلاحظ ان النيسان عفشتها طرية اووووي وده كان قالقني من العفشه وخاصه إني كنت بركب رينو لوجان كانت عفشتها ناشفة وثابته جداا وخاصة فالملفات والمطبات
طبعا كل ده حسيته تاني لما غيرت الكاوتش والحمد لله قلقي اتمحى جداااااااااا
حسيت اني راكب عربية جديده
اينعم الدركسون بقا تقيل وغايظني بس أكيد هتعود
حبيت انقل تجربتي للقسم اللي دايما فضله وخيره عليا
تحياتي للجميع

[kliken]

مبروك الكاوتش يا باشا
الدركسيون ليه تقل عن الاول علشان الاحتكاك زاد علشان كاوتش جديد و لا علشان ايه

[miceg]

مبروك الكاوتش يا باشا
الدركسيون ليه تقل عن الاول علشان الاحتكاك زاد علشان كاوتش جديد و لا علشان ايه

الله يبارك فيك ياباشا
هو اكيد تقل عشان الاحتكاك زي مابتقول خاصة ان المقاس الاول أصغر
فحسب التعود أكيد

[Mohab555]

الف مبررروك يا كبير على الكاوتش و احسنت الاختيار من افضل كاوتش بردجستون على الاطلاق
و موضوع تقل الدركسيون اكيد هيتقل سنه علشان العرض زاد و راجع تانى على ضغط العجل علشان لو مش مظبوط يعمل تقل فى الدركسيون

[Dr'AhmZZong]

هو حضرتك العفشة الطرية النيسان ولا اللوجان !!!!!!!!!

لو قصد حضرتك إن عفشة النيسان طرية اوييييييييي يبقى حضرتك أول واحد اشوفه يقول كده و بصراحة حاجة تفرح ..

أنا مش بطريق على حضرتك لا سمح الله عشان كل ملاك الصني بيقولوا إن عفشة الصني نشفة جدااااااااا !!

أنا معايا نيسان صني 2010 اوتوماتيك ..

ألف مبروووووووك على الكاوتش و تدوبه في طرق العافية هههههههههههه

[egyptiandiver]

مبروك الكاوتش

[S O P H O S]

الف مبروك الكاوتش ..

[Land_Cruiser]

الف مبروك على الكاوتش و بخصوص الدركسيون لو حضرتك مضايقك انه تقيل ممكن لما تروح التوكيل تخليهم يظبطوه او حتى عند بتاع ضبط الزوايا و هو بيتعمل من عند الكاوتش الامامى من تحته. هو فى ناس كتير بتحب الدركسيون يبقى تقيل علشان التحكم فى العربيه يبقى جامد لكن مفيش مانع لو كان تقيل شويه انه يتخفف

[miceg]

الله يبارك فيكم جميعا
بخصوص العفشة مع الكاوتشات القديمة كنت حاسس انها طريه جدا
لكن مع الكاوتش الجديد بقت ناشفة شويه
واكيد ده راجع للكاوتشات عشان جديدة

[Land_Cruiser]

يمكن الكاوتش القديم كان ضغط الهواء فيه اقل من الطبيعى و ده اللى كان محسسك ان العفشه طريه لانها لو ضغط الهوا مضبوط بتبقى فى الطبيعى ناشفه . هو حضرتك كمان المفروض هتحس بثبات اكتر و تحسن واضح فى الفرامل

[Bishoy.Girgis]

الف الف مبروك الكاوتشات الجديدة و شكرا علي التقرير

[Sehsss]

مبروك على الكاوتش

[miceg]

الله يبارك فيكم جميعا
ا بيشوي هنا فالتوبيك
ياهلا وغلا والله
ومنورني برضه ياسحس
الله يبارك فيكم

[miceg]

ياجماعة ماهو المقاس المناسب لضغط الكاوتشات
العجل اللي ورا كام واللي قدام كام
انا بلاقي ساعات الناس بتظبط 32 و 29
وساعات 30 و 33
الا الراجل اللي ظبطلي الكاوتشات بعد التركيب
قاللي 35 لكل الفرد
طبعا مجادلتش معاه نهائي
أرجو توضيح المقاس الطبيعي والمناسب لسيارتي

[د. علاء ابراهيم]

هو حضرتك العفشة الطرية النيسان ولا اللوجان !!!!!!!!!

لو قصد حضرتك إن عفشة النيسان طرية اوييييييييي يبقى حضرتك أول واحد اشوفه يقول كده و بصراحة حاجة تفرح ..

أنا مش بطريق على حضرتك لا سمح الله عشان كل ملاك الصني بيقولوا إن عفشة الصني نشفة جدااااااااا !!

أنا معايا نيسان صني 2010 اوتوماتيك ..

ألف مبروووووووك على الكاوتش و تدوبه في طرق العافية هههههههههههه

لا يا برنس السبب هو ال gr90 نفسه حاجة كده ملبن