استلمت الصني وعندي حاجة غريبة!

[elmoski]

استلمت النيو صني من يومين وكانت زي الفل بس بدأت اسمع صوت غريب زي ونة كدة وبتبان قوي عند اخر النقلة المهم جبت الفيتيس علي n ودوست بنزين والعربية واقفة مسمعتش الونة دي؛؛ يا تري دا من الموتور ولا الفيتيس ولا ايه بالظبط قولولي بالله عليكم لحسن انا مرعوب

[hatahet]

انا مش فاهم حضرتك الونه دى صوت فى الموتور او جى من قدام ولا دى هزة كدا فى عصاية الفتيس ؟؟؟

[elmoski]

يعني لما اجي اتحرك بالعربية ونا دايس بنزين بسمع صوت ونة وبتعلي اوي لما العربية بتنقل للتاني يعني الrpm بيبقي علي2 تقريبا لكن انا جربت والعربية واقفة علي n دوست بنزين صوت الموتور طبيعي و مسمعتش الونة دي

[youssef_u]

طيب يعني جايه منين ؟ يعني ونه و العربيه بترعش ولا ايه بالظبط ؟

[youssef_u]

لو مفيش تأثير على اداء العربيه خليها لحد صيانة ال١٠٠٠ و قولهم عليها فالتوكيل

[elmoski]

يا جماعة العربية مفيهاش حاجة غير الونة دي بس انا عاوز حد من الملاك يطمني

[shomany]

متابع

[M.Al-Hefnawy]

لو قدرت تصورها فيديو يبقى أفضل ... عشان نقدر نفيدك

[د.هشام]

علشان تطمن وديها التوكيل، ان شاء الله تطلع حجة بسيطة

[zambarota]

الونه دي صوت صفاره خفيف خالص بيظهر بس وانت ماشى؟!!!!!!

[gomana85]

اتاكد ان الونه دي مش من الكاوتش، لانه بيلم زلط و بيعمل اصوات رخمه، و روح اطمن النهارده في التوكيل و خد عرض الزيت المجاني النهارده اخر يوم معرف مدو العرض و لا لا

[elmoski]

الحمد لله انا جربت عربية صاحبي وعنده نفس الصوت متشكر يا جماعة علي مشاركتكم

[Bishoy.Girgis]

انا اللي بشكرك انك طمنتنا عليك و علي العربية