لبه السبع بيعمل كده؟!!

[zambarota]

السلام عليكم ورحمه الله

كل سنه وانتم طيبين

انا بكتب الموضوع وانا حزين وفى قمه الاستياء من مركز السبع
برغم حبى واحترامي لسيارتى نيسان صنى 2013

فى البدايه انا استلمت السياره شهر 8 -2012

ظهرت صوت الاحتكاك والصفاره بعد 3 ايام فقط من استعمال السياره والصوت من الامام والخلف

فى صيانه الاف رحت عملتها فى مودرن موتورز وكتبت الملاحظات دي
بس للاسف مودرن موتورز من غير ميكشف عليها مهندس الاستقبال اكدلى ان ده تطبيع
وطبعا مودرن موتورز مركز صيانه اشبه بورشه الميكانيكا ضعيفه المستوي
اكبر اهتمامتهم بالاكسسوارات فقط
يعنى ممكن تسميتهم مركز اكسسوارات وليس مركز صيانه

فى صيانه ال5 الاف طبعا رحت السبع لما الناس شكرت ومدحت فيه لوما عرفت ان فى مشكله فى صاجه التيل الخلفى
كلمت مهندسه الصيانه فى موضوع الفرامل فردت عليا برد مطبوع ومكرر ان دي صاجه التيل الخلفى وهى الى عامله الصوت ده وتابعنا ولما تيجى تعالى غيرها

فى صيانه ال 10 الاف ايضا فى مركز السبع
اشتكيت لمهندس الصيانه على صوت الفرامل وان الصوت صادر من الامام والخلف
فأكدلى انها صاجه تيل خلفى وهو هايكتبلى فى التقرير انها محتاجه صاجه تيل خلفى عند توافرها
وانهم هايتصلو بيا فور توافرها لتغيرها

وانا فى الصيانه المجانيه(عرض نيسان) العداد عامل 14500 كم
قلتلهم فى مركز السبع ان الفرامل صوتها بقى غير طبيعى والصفاره عاليه وفى ساعات رجه فى الفرامل
طبعا قالولى ان اليوم ده فقط للصيانه المجانيه الاعتياديه وليس لفحص الفرامل
وسالت ايضا على توافر صاجه التيل الخلفى لعلها تكون موجوده واركبها والصوت يختفى
قالى لسه متوافرتش

المهم عرفت الن الصاجه وصلت اوتو ايجيبت

اتصلت بخدمه عملاء السبع قالولى شويه وهانكلمك اتصلو بيا اكدولى تواجد الصاجه وحجز ميعاد للصيانه (كان الامس طبعا)

رحت مركز الصيانه وفوجئت ان مهندس الصيانه بيقولى هو مين قالك ان الصاجه موجوده اصلا

قلتله خدمه العملاء قالتلى انها موجوده وتعالى غيرها

قالى هاشوف هى موجوده ولا لأ \

المهم المهندس جه وقالى انها موجوده بس مهندس الصيانه عايز يعرف العداد عامل كام
قلتله عامل 15 الف كم
المهم قالى هاتنتظر معانا حتى الساعه 5 مساء يعنى انا سلمت العربيه الساعه واحده ونص ظهرا

استلمت العربيه الساعه 5 ونص برغم انهم ابتدو شغل فيها الساعه 3 ونص وكمان قعدت فى انتظار غسيل السياره حوالى ساعه

يعنى استغرقت عمل حوالى ساعه

استلمت السياره ومشيت بيها اول 3 كيلو مفيش صوت خالص

وبعدها دخلت الزهراء الطريق كان زحمه جدا
اتصدمت لاقيت الوضع كما هو عليه

الصفاره موجوده....اتنرفزت جدا ومعرفتش ارجع تانى بسبب الزحمه

برغم تكرار شكواي كل مره بأن الصوت صادر من الامام والخلف

برغم استيائى المتكرر منذ استلام السياره ب 3 ايام من صوت الصفير والاحتكاك

وانتظارى 4 ساعات بمركز الصيانه

اوجه التحيه والتقدير لمركز صيانه السبع لانه رفعلى الضغط وجابلى اكتئاب نفسى وصدمه

[AlGazar2]

يا باشا روح اوتو ايجيبت و ريح نفسك

من كلام الاعضاء هنا ان مودرن مش قد كده و السبع اخره يغير زيت و فلتر لانه عمل حركه مش تمام مع واحد صاحبى معاه جوك

[kliken]

حضرتك لازم تجرب مركز تانى و تعرف السبب ايه

[m_love4me]

يادي النيله على السبع
قولنا يا جماعه السبع دا ......
ولا يستحق اى كلام فاضي
الناس ال بتشكر
بيشكروا انهم راحوا وعملوا حلول لمشاكل اصلا وهميه
واحد غير زيت
وواحد الفلتر مش عارف ماله
وواحد الكاوتش كان فيه مشكله ف عملوا ترصيص واتبسط
وخد كوبون الخصم وعجبوا الوضع

كلام فاضي
السبع فاااااااااااااااااااااااااااااااااشل

لا يستحق فيه الاحترام سوا الاستاذ احمد ناجي
ناس من المحترمين القله ف البلد بصراحه


انا روحت بالعربيه 4 مرات على مشكله واحده وهي صوت تزييق ف التابلوه مع الطرق غير الممهده

واخر مره قالولى انها اتحلت مليون ف الميه
وقبل ما اوصل بيتنا كان الصوت رجع تاني

ف كبرت دماغي خلاص

[_hema]

كل واحد بيدخل يعبر عن مشكلته وطريقه حلها فى المركز كلام جميل

لاكن مش من حق اى حد يدخل يشتم فى مركز او يقول الفاظ مش مناسبه وملهاش مكان هنا

انا معترض على مركز بعينه ومش عاجبنى انا حر بس انا مش حر فى ان ألبخ فى المركز عشان محلش مشكلتى

ادور على غيرو عايزين نغير نمط الرد العنييف والهجوم لو مشكلتنا متحلتش ندور على حد تانى يحلها بدون الهجوم والتلبيخ فى حد او نشتم فيه


ارجو تدخل المسئولين فى المنتدى والقسم والاداره فى هذا


انا داخل اقراء موضوع او مشكله مش داخل عشان اشوف واقراء سباب وشتائم والفاظ مش مناسبه للمكان

ف واحد ممكن يقول لو مش عاجبنى ان اقراء الكلام ده مدخلش المنتدى اصلاَ ---- ماشى

ونا بقول اللى مش قادر يختار الفاظه فى كتابه المواضيع ملوش مكان فى الحياه مع الناس

[Land_Cruiser]

يادي النيله على السبع
قولنا يا جماعه السبع دا زباله
ولا يستحق اى كلام فاضي
الناس ال بتشكر
بيشكروا انهم راحوا وعملوا حلول لمشاكل اصلا وهميه
واحد غير زيت
وواحد الفلتر مش عارف ماله
وواحد الكاوتش كان فيه مشكله ف عملوا ترصيص واتبسط
وخد كوبون الخصم وعجبوا الوضع

كلام فاضي
السبع فاااااااااااااااااااااااااااااااااشل

لا يستحق فيه الاحترام سوا الاستاذ احمد ناجي
ناس من المحترمين القله ف البلد بصراحه


انا روحت بالعربيه 4 مرات على مشكله واحده وهي صوت تزييق ف التابلوه مع الطرق غير الممهده

واخر مره قالولى انها اتحلت مليون ف الميه
وقبل ما اوصل بيتنا كان الصوت رجع تاني

ف كبرت دماغي خلاص

اسلوب مرفوض تماما فى الحوار لان حضرتك اتهكمت على آراء و تجارب الاعضاء اللى اتعاملوا معاه و شكروا فيه بناء على تجربه جيده وفيه تلميح انهم يتسموا بالسذاجه او بتضليل الآخرين وده غير مقبول ده بالاضافه الى سباب للمركز و استخدام لالفاظ غير ملائمه و مش متعودين عليها ما بيننا فى القسم. النقد طبعا مطلوب لمواجهه اى قصور و لكن فى إطار النقد البناء و دون التجريح فى عضو من أعضاء القسم او فى اى مركز من مراكز الصيانه . برجاء من الاداره مراجعه هذا التعليق و اتخاذ ما تراه مناسبا

[m_love4me]

معلش انا مش واخد بالى معاليك

فين السباب او الشتايم او الالفاظ الخارجه ال حضرتك بتقول عليها

؟؟؟؟؟

وفين ال اتسمت الاعضاء بالسذاجه ؟؟؟؟؟؟؟؟؟؟؟

علشان بقول الناس بتشكر ف المركز بناء على حاجات اصلا هايفه

هو دا مش حقيقي ولا ايه
ولا هو الناس ال بتدخل تشكر
انت حضرتك شوفت حد ,, دخل قال انه كان ف مشكله عويصه والمركز حلها مثلا ؟؟؟؟؟؟
ولا كل الحاجات الناس بتشكر ف اسلوب المعامله وساحه الانتظار
واستلام العربيه
والغسيل
على الرغم من ان ف ناس بتتكلم وبتعيب ف الحاجات دي
زي العربيه ال بتدخل تتغسل بالساعه

وانا بتكلم عن واقع تجارب مريره مع المركز مش بقول اى كلام
انا مش شايف ان كلامى فيه تجريح او اهانه لاي حد

ولا اذيت حد بالفاظي لانى ما قولتش الفاظ خارجه

ياريت حضرتك تاخد بالك من الكلام وتقراه كويس

[S O P H O S]

يا جماعة خلاص معلش
مش علي كلمة هختلف مع بعض
هو سئ نقول سئ بدون كلام اقوي من الوصف ده
ويبقي الموضوع محلول ..

[zambarota]

السلام عليكم ورحمه الله

اولا انا بكرر معايدتى للناس بمناسبه المولد النبوي الشريف

ثانيا احنا هنا فى القسم عباره عن اسره واحده بعيدا عن التنازع والتراشق
وجودنا فى هذا القسم لتبادل الحلول والخبرات بيننا البعض

ثالثا انا اتبعت الخطوات المؤسسيه لعرض مشكلتى بفرض اننا نعيش بدوله مؤسسات

- قدمت شكوى باتصالى بخدمه عملاء السبع وموافتهم بالمشكله
- قمت بعرض وتوضيح المشكله طرفى بالمنتدي حتى يتسنى ما لنا وما علينا
- قمت بالاتصال والتوجه الى محامي متخصص لحفظ حقوقى واشار الى بالتوجه مره اخرى لمركز الخدمه وطلب تقرير بالفحص الفنى للسياره وان السياره تم فحصها وتركيب صاجه التيل الخلفى بناء على وجود عيب صناعه
وهو ما اشار اليه تقرير سابق صادر من السبع بضروره تركيب صاجه تيل خلفى وذلك لعدم توافرها فى حينه
- قمت بالاتصال بصديق مقرب يعمل فى جهاز حمايه المستهلك وأكد لي حفظ حقوقى تجاه مركز الصيانه وشركه نيسان

رابعا توضيح برغم معاناتى مع منظومه الفرامل لفتره دامت منذ استلامى للسياره بتاريخ 12-8-2012 الى البارحه 23-1-2013 لم اقم بالتجريح فى اى مركز صيانه بخصوص المشكله او الافاده والاشاره بان السياره صفقه خاسره
ولكن اصابتنى الصدمه لوجود اهمال بمنظومه الفرامل برغم كونها عامل امان يمكن ان يؤدي الى فقدان الحياه بسببها

[Land_Cruiser]

معلش انا مش واخد بالى معاليك

فين السباب او الشتايم او الالفاظ الخارجه ال حضرتك بتقول عليها

؟؟؟؟؟

وفين ال اتسمت الاعضاء بالسذاجه ؟؟؟؟؟؟؟؟؟؟؟

علشان بقول الناس بتشكر ف المركز بناء على حاجات اصلا هايفه

هو دا مش حقيقي ولا ايه
ولا هو الناس ال بتدخل تشكر
انت حضرتك شوفت حد ,, دخل قال انه كان ف مشكله عويصه والمركز حلها مثلا ؟؟؟؟؟؟
ولا كل الحاجات الناس بتشكر ف اسلوب المعامله وساحه الانتظار
واستلام العربيه
والغسيل
على الرغم من ان ف ناس بتتكلم وبتعيب ف الحاجات دي
زي العربيه ال بتدخل تتغسل بالساعه

وانا بتكلم عن واقع تجارب مريره مع المركز مش بقول اى كلام
انا مش شايف ان كلامى فيه تجريح او اهانه لاي حد

ولا اذيت حد بالفاظي لانى ما قولتش الفاظ خارجه

ياريت حضرتك تاخد بالك من الكلام وتقراه كويس

اللفظ اللى حضرتك كتبته الاداره حذفته ووضعت مكانه نقاط. لو حضرتك متابع الموضوعات كلها كنت عرفت انه حل مشاكل و تقدر تبقى تدور فى فهرس موضوعات القسم وتشاهد فكره قبل ما تطلق أحكام . و للمره التانيه بوضح لحضرتك ان النقد له أصول و الهدف منه تحسين الخدمه و بيكون مع ذكر الواقعه بالتفاصيل علشان ما بيبقاش كلام مرسل و هدفه مجهول و اسلوب عرضه يبقى بطريقه مناسبه و فى كثير من الأحيان الكلام بيصل لهم . حضرتك تسرعت فى الحكم على آراء الغير و تحديد انهم بيخدعوا بحاجات بسيطه بيعملها زى غسيل العربيه و ده مش صحيح و لو تلاحظ ان الموضوع اللى احنا بنتكلم فيه الاعضاء اللى بيخدعوا بالمظاهر الخارجيه بيحاولوا يساعدوا فى الحل

[youssef_u]

عليك و على اوتوايجيبت ابو رواش

[Sehsss]

طبعا الأفضل إنك تروح أوتوإيجبت لمحاولة حل المشكلة وإن شاء الله هاتتحل... وأسجل اعتراضي على أسلوب أحد الأعضاء في انتقاد السبع.. تحياتي

[zambarota]

ان شاء الله هاتتحل
بس هو مركز اوتو ايجيبت هو المركز الوحيد الذى يصلح ان يكون مركز معتمد لنيسان ايجيبت
يبقى السبع ومودرن لازم يتقفلو

[toty_305]

-بسيطه أن شاء الله التوكيلات كلها متعبه و مقرفه لازم تحل المشكله على كذا مره كأنك عند بليه الميكانيكي العادي
-التوكيلات حلوه قوي ف زيت و فلتر و تربيط العفشه غير كده