مساعده فى شراء قطع غيار لصنى 2008

[kliken]

السلام عليكم و رحمه الله و بركاته
يارب دايما تكونوا بخير
انا نازل ان شاء الله بكره القاهره عندى مشوار مع والدى و كنت عاوز اجيب حبه قطع غيار للصنى بتاعه والدى
بس علشان بكره ممكن يبقى فى قلق فى وسط البلد و كده مش عاوز اخش القاهره نفسها و هروح اشترى حاجتى من الحرفيين
الحاجات اللى هشتريها :
تيل امامى
طنابير امامى
بارات دريكسيون
جلب مقصات
بلى عجل امامى

السؤال هنا مين اكتر واحد الاقى عنده قطع الغيار دى اصليه و او مش اصليه تكون حاجه نظيفه جدا بعد الاصلى على طول فى الجوده
انا كنت اتعاملت قبل كده مع اولاد جبر هناك هل فى حد غيره برضه ممكن اسأل عنده لان مش كل الحاجات اللى عنده اصليه فى كده و كده
هى الحاجه الوحيده اللى ممكن اجيبها استيراد هى الطنابير علشان ممكن احكم عليها بالشكل الخارجى فلو حد يعرف هى تعمل كام استيراد اكون شاكر جدا
و جزاكم الله خيرا

[Sehsss]

أعتقد في محل لمحمد جابر في الحرفيين

[kliken]

انا اشتريت بلى العجل من احمد جابر فى الحرفيين ب 280 جنيه
جلد مساعدين امامى و خلفى ال 4 ب 100 جنيه
و جبت طنابير و تيل امامى استيراد بس ما شاء الله كأنهام جداد ب 560 جنيه
ايه رأيكم فى اﻷسعار يا شباب

[Sehsss]

أسعار ممتازة

[mem]

اسعار فعلا ممتازه بس جبتهم من عند مين بقى؟؟؟؟؟؟؟؟

[Land_Cruiser]

اعتقد ان الاسعار دى كويسه قوى ما شاء الله

[kliken]

ربنا يباركلكم يا احلى صقور
أنا جبت قطع الغيار الجديده من أحمد جابر و الاستيراد من محل بعد أحمد جابر بحوالى 150 متر فى نزله شارع كبيره كلها محلات قطع غيار هو أول محل فى الشارع دى على الشمال و أنت نازل من النزلايه
العجيب انا كنت بسال على بعض قطع الغيار لقيت المقصين كاملين استيراد 500 جنيه و جديد برضه ب 500 جنيه يقولى صناعتهم ياباني بس كوبى مش فاهم ازاى سواء جديد أو استيراد المقص كامل بمشتملاته
و سألت على قاعده الفتيس الاماميه جديده عامله 325 جنيه و كانت فى التوكيل بحوالى 250 جنيه مش فاهمها خالص دى
بس بصراحه مبسوط جدا بالحاجة الاستيراد اللى جبتها سواء التيل أو الطنابير كأنهم جداد فعلا التيل محفور عليه نيسان و الطنابير ولا كأنهم اشتغلوا بس طبعا حبه صدا على الوش بتاعه محتاج يتصنفر بس و يبقى كأنه جديد و وفر عليا مبلغ لو كنت حبتهم من التوكيل كانوا دخلوا فى 1400 جنيه بالمستريح من غير تركيب طبعا 1050 جنيه لطنابير و 330 جنيه تيل