هو صني سعرها زاد ولا انا بيضحك عليا

[D.Tarek]

بسم الله الرحمن الرحيم
السلام عليكم ورحمة الله وبركاته
تحيه لكل أعضاء القسم المحترم
باختصار انا سألت امبارح في معرض سيارات على النيسان صني 2013 سوبر صالون
قالى ان سعرها هو 122 الف تسبيم فوري مع اني عارف ان سعرها 112 ألف هو سعرها زاد ولا أنا بينضحك عليا
أنا عندي استعداد أحجز العربيه بكره واستنى حتى 3 شهور بس مادفعش 10000 جنيه زياده
وبعدين هو سعرها زاد فعلا زي العربيات التانيه اللى زادت 10 و 11 الف وهي متسواش أصلا نصفهم
ياريت حد يفيدني عشان عايز أحجزها من فضلكم
لكم جزيل الشكر والاحترام

[Ramy Rateb]

العربية صنى زادت ٢٠٠٠ جنيه على كل الفئات
Ex ١٠٤ الف
سوبرصالون ١١٤ الف
و طبعا كله بحجز لمدة لا تقل عن شهر .. و لو تسليم فورى يبقى over price

[hossam_elwani]

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!

[Land_Cruiser]

الزياده الفين جنيه فقط و بيتم دفع عربون و الحجز و تحديد موعد الاستلام مع المعرض. الاستلام الفورى بيبقى فيه اوفربرايس و ده استغلال ملوش لزمه. الموضوع مختلف تماما عن باقى السيارات التانيه اللى التوكيل رفع سعرها من عنده و بالتالى السعر العالى بقى سعرها الرسمى خلاص. و مش اوفربرايس فحتى لو مكنش فيها استلام فورى برضه سيتم شراؤها بالسعر العالى لان ده سعر التوكيل و بالنسبه للصنى السعر ما زادش قوى لان السياره تجميع محلى وده بالاضافه الى ان التوكيل محترم كمان و ما بيحاولش يستغل الظروف

[S O P H O S]

الواحد كان بيروح يشتري عربية علشان يفرح
دلوقتي يروح يشوف الاسعار يحزن من قبل الشراء ..!

[D.Tarek]

شكرا جدا على ردودكم السريعة
بس أنا من سوهاج ومعندناش وكيل
ممكن أحجز في أي معرض ولا لازم أحجز من التوكيل مباشرة وخصوصا اني ناوي اشتريها بالتقسيط

[Land_Cruiser]

شكرا جدا على ردودكم السريعة
بس أنا من سوهاج ومعندناش وكيل
ممكن أحجز في أي معرض ولا لازم أحجز من التوكيل مباشرة وخصوصا اني ناوي اشتريها بالتقسيط

لو مفيش عند حضرتك توكيل ممكن موزع معتمد. اهم حاجه ان السعر يبقى زى ما قلت لحضرتك ١١٤ الف للسوبر صالون مش اكتر و هتحجز بمقدم و بعد كده تستلم و لو معرض اتفقت معاه على كده يبقى توكل على الله و لو ملقتش يبقى كلم اوتو ايجيبت او السبع اسأل على الشروط و ممكن حتى تبقى تيجى على نفسك و تروحلهم تدفع المقدم و تبقى تستلم بعد كده و ترجع بيها وده على اسوأ الظروف يعنى بس حضرتك دور عندك الاول علشان توفر وقت و بالتوفيق ان شاء الله

[D.Tarek]

لو مفيش عند حضرتك توكيل ممكن موزع معتمد. اهم حاجه ان السعر يبقى زى ما قلت لحضرتك ١١٤ الف للسوبر صالون مش اكتر و هتحجز بمقدم و بعد كده تستلم و لو معرض اتفقت معاه على كده يبقى توكل على الله و لو ملقتش يبقى كلم اوتو ايجيبت او السبع اسأل على الشروط و ممكن حتى تبقى تيجى على نفسك و تروحلهم تدفع المقدم و تبقى تستلم بعد كده و ترجع بيها وده على اسوأ الظروف يعنى بس حضرتك دور عندك الاول علشان توفر وقت و بالتوفيق ان شاء الله

أشكرك شكرا جزيلا على مساعدتك وذوقك

[kliken]

احجز و استنى حرام تدفع اوفر برايس دخل فى 8 جنيه حاجه مستفزه

[Land_Cruiser]

أشكرك شكرا جزيلا على مساعدتك وذوقك

العفو يا فندم و بالتوفيق ان شاء الله و تنور القسم معانا باذن الله قريبا

[D.Tarek]

احجز و استنى حرام تدفع اوفر برايس دخل فى 8 جنيه حاجه مستفزه

حاجه فعلا مستفزه أنا ناوي على كده فعلا ان شاء الله

[Dr_MaTrix]

شكرا جدا على ردودكم السريعة
بس أنا من سوهاج ومعندناش وكيل
ممكن أحجز في أي معرض ولا لازم أحجز من التوكيل مباشرة وخصوصا اني ناوي اشتريها بالتقسيط

نصيحة يا باشا وعن تجربة ما تدورش على اللى اقرب منك روح توكيل محترم وليه سمعة كويسة علشان يساعدك فى الاستلام وعن تجربة الاعضاء هنا اوتو ايجيبت فى القاهرة احسن توكيل وانا كنت هناك من اسبوع وسعر السوبر صالون 114 زالاستلام بعد 3 شهور بس هيقولك هتدفع بتمن اليوم اللى هتستلم فيه يعنى ممكن تزيد او ترخص على حسب الدولار بس الدفع على حسب يوم الاستلام السعر وصل لحد فين

[D.Tarek]

نصيحة يا باشا وعن تجربة ما تدورش على اللى اقرب منك روح توكيل محترم وليه سمعة كويسة علشان يساعدك فى الاستلام وعن تجربة الاعضاء هنا اوتو ايجيبت فى القاهرة احسن توكيل وانا كنت هناك من اسبوع وسعر السوبر صالون 114 زالاستلام بعد 3 شهور بس هيقولك هتدفع بتمن اليوم اللى هتستلم فيه يعنى ممكن تزيد او ترخص على حسب الدولار بس الدفع على حسب يوم الاستلام السعر وصل لحد فين

ولو ان الموضوع ده فيه خطوره شوية نظرا لحال البلد وعدم انضباط القطارات بس احتمال يكون ده هو قراري النهائي لأن أنا لفيت النهارده تاني على المعارض وكله بيديني سعر عالى مبالغ فيه يعني لو زياده ألفين أنا كنت وافقت لكن زياده من 6 - 8 آلاف كتير جدا بصراحه وهيفرقوا معايا جامد وأنا عندي استعداد أستنى شويه مش فارق معايا الوقت

[saint2011]

يا باشا سيبك من المعارض خليك مع أتو أيجيبت ناس محترمة جدا وبالسعر الرسمى 114000 جنية وأنتظر حبتين مفيش مشكلة وكل شىء بميعاد

[youssef_u]

بس يا باشا خليك مع اوتوايجبت مدينة نصر اسرع شويه في التسليم لاني حاجز مع فرع المهندسين من تلات شهور و كام يوم و لسه مستلمتش