حد يعرف حاجة عن Auto Spa؟

[abdulmoniem]

شباب سلام عليكم ..
حد يعرف حاجة عن Car Care Center اسمه Auto Spa؟

بيعمل حاجات غريبة أوي للعربية .. زي مثلاً حماية الإزاز من النقر والخدش .. وكذلك الفوانيس .. وتقليل درجة حرارة الشمس داخل العربية .. وزيادة العمر الافتراضي للدهان .. وحاجات من النوع ده؟

حد يعرفه؟ وإيه أخباره؟ وسمعته عاملة إزاي؟

[youssef_u]

في ريحة شعوذه في الموضوع :d

[Amr.Fathy]

https://www.facebook.com/AutoSpaEgypt

[Land_Cruiser]

بص حضرتك كل الحاجات اللى حضرتك قولتها دى بقت بتتعمل عادى وان كان سعرها غالى طبعا بس اطاله عمر الدهان دى اللى جديده . بالنسبه للأفلام بتاعه تقليل درجه حراره الشمس موجوده و كان اتعمل عليها مواضيع فى المنتدى و آخرها لو ما عجبتكش تبقى تشيلها و لو انها بصراحه غاليه إنما موضوع الحفاظ على الدهان دى اللى قلق شويه بصراحه يعنى لو طلعت مش قد كده هتضرب دهان الفابريكه لاقدر الله . ممكن حد يجربها مثلا لو عربيته قديمه حبتين او فيها مشاكل فى الطلاء مثلا فهو كان ناوى يرش العربيه الحل بتاعهم ده ممكن يعمله ساعتها و احتمال يجيب نتيجه ساعتها و ما يضطرش لرش العربيه لان ده هيقلل قيمتها إنما لو العربيه زيرو او ليه جديده الواحد ميجيلوش قلب يجرب فيها اى اختراعات على بويه الفابريكه :

[أحمد كمال]

المكان يملكه شباب اعرفهم شخصيا منذ زمن بعيد و هما مهندسين برمجيات اساسا يعني مش عيال سرسجية فاضيين و لا صنايعية هيشتغلوا الناس

ناس ثقة تماما و اسيب لهم مفتاح بيتي كمان


و الخامات بيستوردوها من الخارج بنفسهم على الرغم من انها بتبقى غالية جدا غليهم بالشكل ده ....... بس بيجيبوا حاجات عالفرازة مش اي حاجة و السلام

[Amr2004IBM]

دي اضافات جديده بتحط على السياره بتعمل زي عزل ﻷعوامل الخارجيه زي المياه ظ التراب و الخدوش السطحيه
التكنولوجيا دى معتمده على خواص النانو تكنولوجى و موجوده فى مصر من فتره بس غاليا
لو عربيتك لسه جديده يفضل تعملها و تريح دماغ من موضوعالنظافه الصاج و اللمعه دى و الفوطه الزفره و القصص دى لمده ثﻻث سنوات او اكثر حسب استخدامك.

[abdulmoniem]

يعني يا شباب تنصحوني أروح أعمل الحاجات دي عنده؟

[أحمد كمال]

يعني يا شباب تنصحوني أروح أعمل الحاجات دي عنده؟

أيوة .... و زي ما قلت لك مهندسين يعني بيدوروا و بيختاروا الخامات و بينقوا مش اي حاجة في رغيف

[abdulmoniem]

والله أنا متحمس .. وفي نفس الوقت خايف أروح أعمل أي حاجة خاصة إن العربية زيرو..

فالواحد دايماً بيقلق من أي حاجة

[أحمد كمال]

والله أنا متحمس .. وفي نفس الوقت خايف أروح أعمل أي حاجة خاصة إن العربية زيرو..

فالواحد دايماً بيقلق من أي حاجة

روح و على ضمانتي

و خش على البوم صورهم في الفيسبوك هتلاقي كمية عربيات ما شاء الله الواحد ما بيشوفهاش في الشارع بتروح تعمل عندهم شغل

لا تقلق

[Mohamed said]

و المركز ده مكانه فين يا جماعه

[أحمد كمال]

و المركز ده مكانه فين يا جماعه

المعادي

[Karim_Monir]

كانو عاملين عندنا اعلان من فترة
ناس غاية في الاحترام
ومش هاتلاقي ناس ثقة زيهم
ادب واحترام للعميل ولشغلهم
وانا شخصيا اول ما جبت عربيتي كانت ريحتها سجاير
روحتلهم وعملوها من جوة واختفت ريحة السجاير تماما لاني مابطيقهاش
وعندهم حمايات للدهان توصل لارقام خزعبلية وعندهم حاجات في متناول الايد كمان
وافلام الحماية كتير وعندهم سعرها كويس
وكانو عاملين عرض قريب عليه وبلغوني بيه
ولما تروح قول لمهنس محمد الدهبي كريم منير باعتلك السلام
وبيقولك اعمل خصم :-)
هايعملك خصم ان شاء الله

[Land_Cruiser]

كانو عاملين عندنا اعلان من فترة
ناس غاية في الاحترام
ومش هاتلاقي ناس ثقة زيهم
ادب واحترام للعميل ولشغلهم
وانا شخصيا اول ما جبت عربيتي كانت ريحتها سجاير
روحتلهم وعملوها من جوة واختفت ريحة السجاير تماما لاني مابطيقهاش
وعندهم حمايات للدهان توصل لارقام خزعبلية وعندهم حاجات في متناول الايد كمان
وافلام الحماية كتير وعندهم سعرها كويس
وكانو عاملين عرض قريب عليه وبلغوني بيه
ولما تروح قول لمهنس محمد الدهبي كريم منير باعتلك السلام
وبيقولك اعمل خصم :-)
هايعملك خصم ان شاء الله

فعلا الاسعار غاليه حبتين . انا سألت على حمايه الدهان قاللولى ب ٦٠٠ جنيه و المشكله كمان غير السعر ان قياس فعاليه الكلام ده صعب جدا بالاعتماد على التخيل فقط

[abdulmoniem]

جزاكم الله خيراً .. والله شجعتوني أنا هكلمهم وأشوف وأحاول أظبط معاهم معاد وهقولكم على إللي شفته بإذن الله

وجزاك الله خيراً يا أستاذ كريم .. الحقيقة أنا أول مرة أتشرف برد حضرتك على موضوع من الموضوعات .. :)

جزاك الله خيراً على الاهتمام وهقوله أكيد :)