مندوب السبع أبلغنى زيادة فى الأسعار جديدة

[saidamer]

أنا حاجز السوبر صالون من 3/12/2012 عند السبع المعادى وأبلغنى المندوب منذ دقائق أن أذهب اليهم فى غداً لأسدد كامل المبلغ وسوف يكون الإستلام فى خلال 48 ساعة ولو تأخرت هناك زيادة من أول شهر فبراير قد تصل الى 3000 جنية .....فهل أدفع باقى المبلغ وأنتظر الإستلام ؟؟؟؟؟؟
أفيدونى أفادكم الله

[د.هشام]

انا سمعت ان الاسعار فعلا حتزيد، المعلومة دي مظبوطة، بس مش عارف كام وامتى
نصيحة روح ادفع الفلوس كلها، بالتوفيق ان شاء الله

[saidamer]

شكرا على النصيحة

[youssef_u]

طيب ايه انا حاجز من ٣ شهور و اسبوع بالظبط و كلموني يوم التلات اللي فات قالو العربيه وصلت و بنجهز ورقها و هتستلم الاسبوع ده و دلوقتي كل ما اكلمهم يقولولي الموظف في اجازه الموظف مش موجود .

و يوم ما حجزت ١٩ اكتوبر قالولي هتستلم بعد شهرين ونص و السعر زاد مره وقلنا ماشي بس لو يزيد تاني يبقا كده كتيير ( اوتوايجبت المهندسيين )

[saidamer]

طيب ايه انا حاجز من ٣ شهور و اسبوع بالظبط و كلموني يوم التلات اللي فات قالو العربيه وصلت و بنجهز ورقها و هتستلم الاسبوع ده و دلوقتي كل ما اكلمهم يقولولي الموظف في اجازه الموظف مش موجود .

و يوم ما حجزت ١٩ اكتوبر قالولي هتستلم بعد شهرين ونص و السعر زاد مره وقلنا ماشي بس لو يزيد تاني يبقا كده كتيير ( اوتوايجبت المهندسيين )

وانت دفعت الفلوس كلها ؟؟؟

[youssef_u]

وانت دفعت الفلوس كلها ؟؟؟

لا قيمة الحجز بس ١٠٠٠ جنيه انا مدفعش الفلوس الا لما اشوف العربيه قدامي

خلي بالك يا باشا اللون الاحمر للمداخلات الاداريه فقط :)

[saidamer]

لا قيمة الحجز بس ١٠٠٠ جنيه انا مدفعش الفلوس الا لما اشوف العربيه قدامي

خلي بالك يا باشا اللون الاحمر للمداخلات الاداريه فقط :)

يعنى انت أدفع الفلوس كلها ولا لأ

اسف يا مدير

[youssef_u]

يعنى انت أدفع الفلوس كلها ولا لأ

اسف يا مدير

انت ممكن تدفعها كلها بس تتاكد الاول انك لو حبيت تسحب الفلوس و تلغي الحجز تسحبهم كاملين

[gomana85]

بص علشان انا حصل معايا الي انت بتقوله بالظبط و العربيه غليت عليا و عملت مشاكل جامده في الفرع و الموضوع اتصعد جامد لحد ماستلمت بالسعر القديم، نصيحتي ليك كالاتي:
الي بيقولك تعالي ادفع قوله ماشي بس يخصصلي عربيه فورا و تاخد رقم الشاسيه بتاعها و انت واقف و تقولوا هاجي استلم بكره بادري و يكون ورقها جاهز اجي استلم و ارخص . لو وافق اوك . طول معاك في الكلام و بداء يفاصل يقولوا انا هاستفيد ايه اني ادفع و مستلمش لو قالك لو العربيه غليت مش هتغلي عليك قولوا اوك بس تكتب كده علي الوصل و يمضي و يتختم علي الكلام ده علشان تثبت حقك لو حصل اي تهريج
متدفعش جنيه الا لو يتعملك حاجه من الاتنين علشان تبقي فاهم الفيلم ده بيعملوه اخر كل شهر علشان يقفلوا ترجتس و حوارات

[Sehsss]

وآخرة ارتفاع الأسعار دي إيه ؟؟؟!!!

[A.Saad]

مكتوب فى الايصال السعر - ممكن تأدبهم
او مكتوب السعر قابل للزيادة - يبقى تخلص بدرى

[Land_Cruiser]

هو بعد ٤٨ ساعه يعنى يبقى آخر يوم فى شهر يناير ده بافتراض ان فى زياده فعلا فى فبراير فأيه المانع ان حضرتك تروحلهم بالفلوس يوم ٣١ و تستلم او لو مش هينفع كده يبقى على الاقل يتم تخصيص عربيه لحضرتك و ده برقم شاسيه و موتور و يتكتب ان التسليم بعد ٤٨ ساعه بحيث ما يبقاش كلام عايم

[hatahet]

نصيحة بلاش تدفع الفلوس كلها قبل ماتشوف العربية لان لو لا قدلا الله العربية اللى محجوزة برقم شاسية ليك كان فيها حاجة مش عجباك هيحاولوا معاك انك تاخدها و يقولك ابقى قول عليها فى صيانة ال 1000 و بعدين الزيادة الفروض ماتطبقشعلى حضرتك انت حاجز من فتر اكتر من السماح اللى قالولك عليه

[Land_Cruiser]

نصيحة بلاش تدفع الفلوس كلها قبل ماتشوف العربية لان لو لا قدلا الله العربية اللى محجوزة برقم شاسية ليك كان فيها حاجة مش عجباك هيحاولوا معاك انك تاخدها و يقولك ابقى قول عليها فى صيانة ال 1000 و بعدين الزيادة الفروض ماتطبقشعلى حضرتك انت حاجز من فتر اكتر من السماح اللى قالولك عليه

لا يا باشا ما تقلقش من الموضوع ده . لو العربيه فيها اى مشكله طبعا ما يستلمهاش و خاصه ان هو ما شافهاش قبل كده و لا يعرف اى حاجه عنها . هى بس بتبقى وسيله ضغط على المعرض علشان يلتزم بالتسليم فى الميعاد خاصه ان المبلغ تم دفعه بالكامل. هو بس يبقى افضل لو ظبط معاهم على انه على يوم ٣١ يروح بالفلوس يسلم و يستلم بدون اى مخاطره

[HaNo_ELBeh]

شوفتوا ياشباب ان السعر ممكن يزيد فى اول شهر فبراير ومحدش عارف السبب اية