صوت تكة عند الركن ولف الدركسيون

[essamcne]

السلام عليكم:
لاحظت النهارده عندما أحاول أركن و ألف الدركسيون شمال و أدوس فرامل أسمع صوت تكة أو خبطة واضح. و هذا لا يحدث لو الدركسيون عدل. عربيتي تيدا 2012.
ملحوظة تانية بس مش عارف صح و لا تهيوئات صوت النقلة من ال p , r, d بحس انه بأه واضح قوي لو فاتح الشباك, يعنى لو قافل الشباك صوت النقل عادي بس لو فاتح بسمعه من خارج العربية.
جزاكم الله خيرا

[aldesha989]

تكه واحده او خبطه واحده ؟

انا اللى اعرفه لو تكته كتير تبقى كبالن على طول بس حاول تروح التوكيل انتا لسه فى الضمان

[miceg]

إتاكد ان مافييش حاجة فالشنطة بتحك فالعربية
واتاكد من الكوريك
عشان لو مهوي شوية هتتعرض لنفس الاعراض وخاصة عند كل فرامل
تحياتي

[Abdm]

أعمل فحص فى أى مكان لو أنت مش فى الضمان وأبقى طمنا وقولنا أية المشكلة وأتحلت ولا لسة .

وربنا يسترها معانا جميعا

[Sehsss]

لو كسرت الدركسيون على الأخر واتحركت بالعربية وسمعت صوت طقطقة تبقى الكبالن، لكن لو طقة وانت واقف يبقى الصوت من علبة الدركسيون

[toty_305]

-حضرتك الصوت بيطلع و انت دايس فرامل و بتلف في نفس الوقت وده طبيعي
-المشكله لو انت واقف تماما و ال Brakes كلها OFF و تلف الدريكسيون تسمع الطقطقه
-لو عندك صوت فعلا يبقى من القطمه وليس علبه الدريكسيون
- الصوت عندك طبيعي و كبر دماغك انت 2012 و التيدا مفيهاش عيب صناعه في الجزء ده و عندك ضمان لسه فتره و متديش دماغك أحسن من الفتي الكتير
-هقوللك كلمه في ناس كتير هنا مش بتعرف تقولها بالنسبه للفتيس I DONT KNOW

[Bishoy.Girgis]

انا رأيي تطلع علي التوكيل و تطمنا و مش عايزك تقلق لأن معاك توكيل محترم و عربية دهب بجد

[Dr'AhmZZong]

حضرتك ده صوت قطمة الدركسيون هي اللي بتعمل الصوت ده ..

الصوت ده موجود في معظم التيدا و مفيهوش أي مشاكل لو حضرتك سبته ..

ممكن تروح التوكيل تقول عليه هيغيروها .. و الصوت هيرجع تاني لأن القطمة ديه فيها خلوص مسئول عن انضغاط ال airbag عشان لا يؤذي السائق لما يفتح لا قدر الله ..

و الحل التاني إن في توكيل ممكن يلحمهالك فعمرها ماهتفك و ده حل غلط لأن القطمة مسئولة عن airbag زي موضحة فوق .. هيا عملة زي مساعد كدا رفيع متكونة من قطعتين بيحكوا في بعض و الصوت ناتج من الاحتكاك بتاع الخلوص ده ..

تحياتي ..

[ahmed_hanafi]

السلام عليكم:
لاحظت النهارده عندما أحاول أركن و ألف الدركسيون شمال و أدوس فرامل أسمع صوت تكة أو خبطة واضح. و هذا لا يحدث لو الدركسيون عدل. عربيتي تيدا 2012.
ملحوظة تانية بس مش عارف صح و لا تهيوئات صوت النقلة من ال p , r, d بحس انه بأه واضح قوي لو فاتح الشباك, يعنى لو قافل الشباك صوت النقل عادي بس لو فاتح بسمعه من خارج العربية.
جزاكم الله خيرا

عندي نفس المشكلة في رينو فلوانس بس بتحصل لما برجع لورا وادوس فرامل حتي لو الدركسيون عدل

[essamcne]

ما شاء الله :) جزاكم الله خيرا على الردود المفيده.
هى الطقة فعلا بتحصل و أنا بتحرك و كاسر الدركسيون.
و طالما الموضوع مفهيوش خطورة فأنا هقولهم عليه في التوكيل في الصيانه اللي جايه بعد أسبوعين إن شاء الله .

بس بصراحة مش عارف أقولكم إيه. حقيقي ربنا يجعله في ميزان حسانتكم