بطاريه النيسان باظت

[soma5252]

سوال بسيط يا نيساويه هيه البطاريه بتبقى فالضمان لحد امتى عشان انا عربيتى شريها 10/2010 والبطاريه باظت فهل ممكن استبدلها من الضمان ولا ايه وكام نسبه التحمل علشان انا على حد علمى ان كان مكتوب فالكتيب انه فحاله تلفها اول سنه يتم استبدالها بدون تحمل وتانى سنه بتحمل 25% وثالث سنه تحمل 50% فهل ده صحيح ولا انا غلطان ولو صح يبقى اغيرها منين ولو غلط ايه افضل انواع البطاريات الموجوده فالسوق
وشكرا

[miceg]

متابع

[HaNo_ELBeh]

ضمان البطارية لمدة سنه وحضرتك شارى العربية فى 10/2010 تنتهى فى 10/2011 يعنى حضرتك دخلت فى تالت سنة فممكن تسال فى التوكيل هو هيفيدك او لو حد من الاعضاء المحترمين حصل معاة نفس الموضوع هيقول لحضرتك
بالتوفيق انشاء الله

[soma5252]

تسلم يا باشا بس انا فاكر ان كان مكتوب فالكتيب اللى معاه العربيه نسب تحمل مختلفه على حسب سنوات الاستعمال بس الكتيب مش معايه حاليا وشكرا للاهتمام

[Land_Cruiser]

اعتقد التوكيل هيتحمل الربع كحد أدنى او الثلث كحد اقصى يعنى فى الحدود دى و كده كده الفرق ما بينهم مش هيبقى جامد. فى بس كام نقطه تاخد بالك منهم يعنى مثلا تشوف ايه النوع اللى هو بيركبه و هل هيعجبك و لا لأ و كمان الامبير اللى انت عايزه لان التوكيل بيركب نفس الامبير بتاع القديمه اللى هو ٤٤ امبير فلو عايز تركب ٥٥ امبير او اعلى يبقى لازم تغيرها بره التوكيل و ده اكيد بالاضافه للسعر بتاع التوكيل فهو بيبقى اغلى من بره فحضرتك محتاج تكلم التوكيل و تخليهم يحولوك على مبيعات قطع الغيار و تعرف سعر البطاريه كام بالضريبه و بعد كده تسأل بره على السعر بتاع البطاريه اللى عاجباك و تشوف يا ترى الفرق بعد نسبه تحمل التوكيل سواء كانت التلت او الربع حتى هتبقى ارخص و لا لو اشتريت من بره ماركه تانيه و امبير اعلى ممكن تلاقى على فكره الفرق كلام فارغ لان التوكيل بيبيع بسعر اعلى اصلا و احتمال تلاقى بره ارخص و امبير اعلى و لو هتجيب من بره ارشحلك ايه سى ديلكو ٥٥ امبير

[Sehsss]

سوال بسيط يا نيساويه هيه البطاريه بتبقى فالضمان لحد امتى عشان انا عربيتى شريها 10/2010 والبطاريه باظت فهل ممكن استبدلها من الضمان ولا ايه وكام نسبه التحمل علشان انا على حد علمى ان كان مكتوب فالكتيب انه فحاله تلفها اول سنه يتم استبدالها بدون تحمل وتانى سنه بتحمل 25% وثالث سنه تحمل 50% فهل ده صحيح ولا انا غلطان ولو صح يبقى اغيرها منين ولو غلط ايه افضل انواع البطاريات الموجوده فالسوق
وشكرا

أيوه صح.. حضرتك غالبا هاتتحمل نسبة 50 %

[soma5252]

شكرا ليكم يا رجاله

[Bishoy.Girgis]

الموضوع ده فيه كل المعلومات المطلوبة :

http://www.nilemotors.net/Nile/177196-a.html

@@@@@@@@@@@@@@@@@@@@