مشاكل المطر!

[abdulmoniem]

السلام عليكم ورحمة الله وبركاته

كل مطرة وإنتوا طيبين ..

دلوقتي أنا عربيتي نيسان صني سوبر صالون الشكل الجديد

ومغيرتش الكاوتش ولا حاجة ولسة بالماكسس .. أنا متعايش معاه ومش حاسه مضايقني أوي

دلوقتي بقا والنهاردة يوم مطرة عظيم من أيام مصر المحروسة :d

وأنا ماشي .. دلوقتي بحس إني سامع علاطول (تشششششششششششششش) من تحت العجل .. ودايماً ده بيحصل لو مشيت على مية .. وبعديها مشيت على تراب .. او لو مشيت على مكان مطين.

هو إللي بيحصل وإللي أنا فاهمه إن الكاوتش بيرمش التراب والطينة والمية دي لورا .. فبتضرب في العربية وبتعمل صوت

أنا بقا طول منا ماشي ببقى حاسس إن الطينة دي بتضرب في الكراسي إللي ورا من تحت .. أو في البيبان على الجنب كدة

اعمل إيه في حاجة زي كدة؟ ده طبيعي ولا لأ؟

جزاكم الله خيراً

[elmoski]

طبيعي يا كبير

[saint2011]

ده طبيعى مادام حضرتك متعايش مع الكاوتش الماكسيس وربنا يكرمك وتغيرة

[limo81]

خلاص ... نصبر شويه كمان

[A.Saad]

انا مش عارف عندك دلايات ولا لا
لو مفيش ركبها

[abdulmoniem]

يعني المشكلة في الكاوتش؟ ولا المشكلة في إن مفيش دلايات؟

يعني الكاوتشات التانية مبتعملش عند الناس كدة؟

خاصة إني بشوف عربيات كتير جداً وماركات مختلفة وبتعمل نفس المشكلة؟!

[jojojojo]

طبيعي جدا وخصوصا ان مقاس الكاوتشات صغير فبيضرت الطينه والمياه في الفجاوي من جوه فبيعمل كده تعايش وعيش

[abdulmoniem]

ممكن أعرف إيه هي الفجاوي؟

أنا لسة مبتديء :)

[miceg]

ده طبيعي لو مافيش دلايات
لو في دلايات يبق الموضوع معاك بزيادة طالما مع الماكسس لنشفانه الشديد

[BassamHafez]

الموضوع مالوش دعوة بنوع الكاوتش ولا عرضه

اي عربيه في الدنيا كده

الموضوع ممكن يقل شويه بسيطه لو في دلايات لكن ما بيتمنعش

[abdulmoniem]

الموضوع مالوش دعوة بنوع الكاوتش ولا عرضه

اي عربيه في الدنيا كده

الموضوع ممكن يقل شويه بسيطه لو في دلايات لكن ما بيتمنعش

يعني الموضوع ده طبيعي!

طيب الحمد لله أنا كنت بدأت أتخنق .. وأخاف إن المية دي تبوظ حاجة

[Land_Cruiser]

طبيعى ان اى عربيه مع دوران العجل فى الطين ده بيخللى الطين يخبط فى بطن العربيه و على الجانبين و تحت الرفارف بالذات و الطين ده ممكن يبقى معاه زلط صغير بيخبط تحت العجل و يعمل الصوت اللى حضرتك بتقول عليه و طبعا العربيات اللى حواليك بتطرطش عليك طين بيوسخ الابواب و الشبكه الاماميه و الزجاج كمان و لو عربيه نقل مثلا كانت بتجرى جنبك هتغرقلك العربيه لحد السقف. لو ما عندكش دلايات ممكن تركبها و دى الطين المفروض جزء كبير مع دوران العجل هيتجمع جزء كبير من الطين عليها بدل ما يلزق على العربيه و كمان بتحمى من الزلط الصغير اللى بيبقى مع الطين. ما اعتقدش الكاوتش الماكسيس له دخل فى موضوع الطين ده مع المطر فالموضوع بيتأثر بحاجات تانيه زى سرعه العربيه و هى بتعدى على الطين و مدى ارتفاع العربيه عن الارض و الطرطشه الخارجيه بتبقى الجزء الأكبر منها من العربيات اللى حواليك فحاول دائما لتقليل الخسائر ان حضرتك لو ماشى ببطء تبقى ماشى أقصى اليمين علشان كميه الطين تبقى قليله لانك ماشى بالراحه و كمان العربيات تعدى من شمالك فقط فالطرطشه تبقى من ناحيه واحده لانك لو ماشى فى النص هتتغرق من الناحيتين و كمان المشى بالراحه علشان يسهلك التحكم فى العربيه فى حاله الاحتياج الفرمله و طبعا بتبقى مشغل الانتظار للتنبيه

[abdulmoniem]

طبيعى ان اى عربيه مع دوران العجل فى الطين ده بيخللى الطين يخبط فى بطن العربيه و على الجانبين و تحت الرفارف بالذات و الطين ده ممكن يبقى معاه زلط صغير بيخبط تحت العجل و يعمل الصوت اللى حضرتك بتقول عليه و طبعا العربيات اللى حواليك بتطرطش عليك طين بيوسخ الابواب و الشبكه الاماميه و الزجاج كمان و لو عربيه نقل مثلا كانت بتجرى جنبك هتغرقلك العربيه لحد السقف. لو ما عندكش دلايات ممكن تركبها و دى الطين المفروض جزء كبير مع دوران العجل هيتجمع جزء كبير من الطين عليها بدل ما يلزق على العربيه و كمان بتحمى من الزلط الصغير اللى بيبقى مع الطين. ما اعتقدش الكاوتش الماكسيس له دخل فى موضوع الطين ده مع المطر فالموضوع بيتأثر بحاجات تانيه زى سرعه العربيه و هى بتعدى على الطين و مدى ارتفاع العربيه عن الارض و الطرطشه الخارجيه بتبقى الجزء الأكبر منها من العربيات اللى حواليك فحاول دائما لتقليل الخسائر ان حضرتك لو ماشى ببطء تبقى ماشى أقصى اليمين علشان كميه الطين تبقى قليله لانك ماشى بالراحه و كمان العربيات تعدى من شمالك فقط فالطرطشه تبقى من ناحيه واحده لانك لو ماشى فى النص هتتغرق من الناحيتين و كمان المشى بالراحه علشان يسهلك التحكم فى العربيه فى حاله الاحتياج الفرمله و طبعا بتبقى مشغل الانتظار للتنبيه

جزاك الله خيراً

[Dr/ P.K.Sh]

طبيعي يا باشا

[kliken]

طبيعى يا باشا ما تشغلش بالك