إعـــــــلان

Collapse

.

,
See more
See less

تقرير بالتفاصيل عن تغيير التيل وعلاج التصفير...وشكر للسبع..صنى 2013

Collapse
X
 
  • Filter
  • الوقت
  • Show
Clear All
new posts

  • تقرير بالتفاصيل عن تغيير التيل وعلاج التصفير...وشكر للسبع..صنى 2013

    السلام عليكم ورحمه الله

    بدايه المشكله قمت بسردها فى موضوع سابق عن صوت الصفاره ومعاناتى مع توكيل السبع

    -استلمت السياره شهر 8- 2012 ومنذ هذا التاريخ اسمع صوت صفير وصوت احتكاك مكتوم

    -طبعا اتصلت بنيسان فورا بخدمه العملاء ابلغونى ان ده تطبيع فرامل واكشف عليها فى صيانه الالف

    - رحت صيانه الالف فى مودرن موتورز طبعا التوكيل لايرقى الى انه ورشه متواضعه واكرر كلامي باهتمامهم بالاكسسوارات فقط

    - مهندس الصيانه بالاستقبال اكدلى (بدون الكشف على السياره) انه الصوت مجرد تطبيع

    - بعد اكتشاف ملاك نيسان المتكرر للصوت ووجود عيب بصاجه التيل الخلفى اصبح الصوت هو عيب صناعه وليس تطبيع

    - فى صيانه 5 الالف قمت بالذهاب الى توكيل السبع وتوجهت بالمشكله لمهندسه الاستقبال وايضا بدون الكشف عليها قامت بالرد التلقائى الصوت ده عيب لعدم وجود صاجه تييل خلفى وعند توافرها سنتوجه بمخاطبتكم لتغيرها

    - انتهيت من الصيانه وانا على ثقه من كلام المهندسه نظرا لاجماع اراء ليست بالقليله فى توكيل السبع

    - فى صيانه ال 10 الالف(السبع) اكدت شكواي المستمره من صوت الصفاره ولكن مهندس الاستقبال ايضا اكد لى انها صدور هذا الصوت مصدره هو عدم تركييب صاجه تيل خلفى (ايضا بدون الكشف عليها)

    - مهندس الاستقبال كتب فى تقريره (محتاجه تغيير صاجه تييل خلفى وهي عير متوفره الان)

    - فى حمله الصيانه المجانيه (عدادالسياره 14 الف )ذهبت الى توكيل السبع وقمت بالاستفسار عن الصاجه والكشف على الفرامل فاكد لي مسئول الاستقبال ان اليوم هو صيانه عامه فقط

    - عند مشاركه احد الاعضاء هنا بتوافر الصاجه باوتو ايجيبت منذ اسبوع تعجبت لعدم اتصال السبع بى لتغيرها
    - فقمت فورا بالاتصال بخدمه عملاء السبع وبعد فتره قامت بالرد على بتوافر الصاجه وتحديد ميعاد لتغيرها

    - توجهت فورا للتوكيل(عداد15 الف) واستقبلنى مهندس اسلام وقام بتغيير صاجه التيل الخلفى وايضا (بدون الكشف المسبق على السياره او الكشف الاحق عليها)وكانه تغيير الصاجه اجراء احترازي فقط

    - بعد الخروج من التوكيل فوجئت بان صوت الصفير كما هو وقمت بالتحدث مره اخرى مع خدمه العملاء
    -
    - قمت الاتصال بخدمه العملاء السبع مره اخرى لتسجيل استيائى

    -وقمت باتخاذ اجراءات احترازيه لحفظ حقوقى لعدم اكتشاف مشكله اكبر من المتوقع فى منظومه الفرامل يقوم على اثرها التوكيل بتحميلى ما الا اقدر عليه

    - قمت بتحديد موعد اخر برغم نصيحه اخوه كثيره هنا فى القسم بتوجهي لاوتو ايجيبت ولكن عدم توجهي هنالتحمل مسئوليه توكيل السبع عن عدم الكشف المتكرر عن المشكله

    - قمت مره اخرى بالتوجه وقام مهندس الاستقبال (محمد غالي) بالتحدث مع حديث مطول وغريب مفاده الاتي

    -سألنى مشكلتى قلتله فى الصوت رد عليا قالى جاي منين الصوت قلتله اكشف وشوف مش انا الى اقول جاي منين الصوت انا الى بشتكى منه قولتهولك سألنى ركبت الصاجه قلتله ركبتها بس الصوت يابشمهندس جاي من قدام مش من ور ا

    -فقالى ان التيل خامته رديئه وبيعمل رايش قلتله خلاص اكتب فى تقريرك انه محتاج يتغير تيل وانا هاقوم امشى دلوقتى

    -طبعا ميقدرش يكتب الكلام ده فى تقريره فقلتله فى اوتو ايجيبت الناس غيرت تيل وطنابير
    قال لا طبعا مينفعش واصل لازم موافقات مش عارف منين وقصص غريبه

    -المهم كان فى مهندس محترم جدا اسمه (محمد حسين) قالى انا هاظبطلك العربيه وهاجربها معاك ومش هاتمشى الا وكله تمام

    -العربيه خلصت وخرجت انا والمهندس جربناها ومفيش صوت ( طبعا قاموا بصنفره التيل)

    -المهندس المحترم ( محمد حسين) ادانى رقمه وقالى لو فى اي حاجه كلمنى

    بعد لما خرجت ومشيت حلوالى ربع ساعه كدا ظهر الصوت كلمت المهندس قالى جربها يوم كامل

    -المهم فى استاذه كانت بتابع معايا فى خدمه العملاء كلمتنى وقلتلها المشكله لسه متحلتش

    -حددت معايا ميعاد يوم الخميس بالامس

    -رحت استقبلنى المهندس المحترم (محمد حسين) وكان مكتوب فى التقرير المرسل من خدمه العملاء تغيير تيل وطنابير فى الضمان

    -المهم المهندس اكدلى ان العربيه هاتطلع النهارده مفيهاش اى صوت ولو عايزه اي حاجه هانغيرها

    -بعد ساعتين العربيه خلصت ورحت استلم لاقتهم مغيريين التيل الامامي فى الضمان

    -طبعا المهندس قالى ان التيل مش بيتغير فى الضمان فى الكيلومتر العالي لانه استهلاكي

    ولكن تم تغييره مراضاه عميل

    - جربت العربيه بصراحه حاجه تانيه خالص بسم الله ماشاء الله الصوت اختفى نهائيا

    اخص بالشكر المهندس (محمد حسين) رجل ذو اخلاق عاليه جدا ومخلص فى عمله

    واخص بالشكر الاستاذه (ايمان) خدمه عملاء السبع

    وطبعا انا اصريت ان مشكلتى تتحل فى توكيل السبع لان المشكله كانت فى التوكيل نفسه وهو الى متابعها وسوء اداره للمشكله وليس مشكلته الفنيه فى اصلاحها

    ولو رحت اوتو ايجيبت كان التيل اتغير على حسابى لان الكيلومتر 16 الف واصبح التيل قطعه استهلاكيه

    ولكن اسجل اعتراضى وشجبى لشركه نيسان لتركيبها تيل رديئ جدا بسياره تمنها 104 الف جنيه
    [CENTER][SIZE=4]ان لدي الهندوس معابد تخشع لها القلوب وهي تقدس الهراء[/SIZE][/CENTER]

  • #2
    الف مبرووووك و الحمد لله ان المشكله اتحلت
    منفضلك انا ليه مجموعه استفسارات
    هو حضرتك لما بتعمل الصيانه الدوريه بيدوك تقرير ؟ و بالنسبه للصوت انا الحمد لله مش بسمع صفاره بس بسمع صوت احتكاك مكتوم مش علي طول و بسمعه لما برفع رجلي من الفرامل مش لما بدوس؟
    ارجو الإفاده شكرا جزيلا

    Comment


    • #3
      الف مبروك يا باشا ..

      Comment


      • #4
        المشاركة الأصلية كتبت بواسطة gomana85 مشاهدة المشاركة
        الف مبرووووك و الحمد لله ان المشكله اتحلت
        منفضلك انا ليه مجموعه استفسارات
        هو حضرتك لما بتعمل الصيانه الدوريه بيدوك تقرير ؟ و بالنسبه للصوت انا الحمد لله مش بسمع صفاره بس بسمع صوت احتكاك مكتوم مش علي طول و بسمعه لما برفع رجلي من الفرامل مش لما بدوس؟
        ارجو الإفاده شكرا جزيلا
        الله يبارك فيكى

        من حقك تقرير الصيانه بس احنا كمصريين بنحب نكبر دماغنا(المصلحه خلصت يعنى)

        انا لو طلبت تقرير المفروض انه يديهولى ويكتب فيه كل حاجه اتعملت ومطلوب تتعمل

        يعنى فى صيانه ال 10 الاف كتب محتاجه تركيب صاجه تيل خلفى

        وموضوع صوت الاحتكاك المكتوم ده ممكن يكون الصاجه
        بس من الافضل التوكيل يكشف عليها وتصرى على انها تتجرب وان الصوت يروح نهائيا

        احنا بنشترى عربيه+ضمان

        يعنى لو العربيه تمنها 100 الف
        سعرها الاساسى مثلا 95 الاف و 5 الاف ضمان تكافلى للسياره

        يعنى من المحتمل لو 100 اشترو العربيه نسبه كام واحد بيستفيد بالضمان

        يعنى نيسان بتكسب فى الضمان مش بتخسر

        ومفيش شركه بتعمل ضمان بتخسر بالعكس موضوع الضمان بيكسب
        [CENTER][SIZE=4]ان لدي الهندوس معابد تخشع لها القلوب وهي تقدس الهراء[/SIZE][/CENTER]

        Comment


        • #5
          المشاركة الأصلية كتبت بواسطة S O P H O S مشاهدة المشاركة
          الف مبروك يا باشا ..
          الله يباركلك ياباشا
          [CENTER][SIZE=4]ان لدي الهندوس معابد تخشع لها القلوب وهي تقدس الهراء[/SIZE][/CENTER]

          Comment


          • #6
            مبروك التغيير فى الضمان
            م / محمد سعد
            [img2]http://img846.imageshack.us/img846/197/63588414414249233311774.jpg[/img2]

            Comment


            • #7
              مبروك عليك حل المشكلة
              [OVERLINE][B]miceg =Khaled Fouly[/B][/OVERLINE]

              [mshosh4]http://imageshack.com/a/img812/1576/pujz.jpg[/mshosh4]

              Comment


              • #8
                مع ان مشكلتك اتحلت، بس حاجة تحرق الدم

                Comment


                • #9
                  المشاركة الأصلية كتبت بواسطة kliken مشاهدة المشاركة
                  مبروك التغيير فى الضمان

                  الله يبارك فيك
                  [CENTER][SIZE=4]ان لدي الهندوس معابد تخشع لها القلوب وهي تقدس الهراء[/SIZE][/CENTER]

                  Comment


                  • #10
                    ----
                    [CENTER][SIZE=4]ان لدي الهندوس معابد تخشع لها القلوب وهي تقدس الهراء[/SIZE][/CENTER]

                    Comment


                    • #11
                      المشاركة الأصلية كتبت بواسطة miceg مشاهدة المشاركة
                      مبروك عليك حل المشكلة
                      الله يبارك فيك
                      [CENTER][SIZE=4]ان لدي الهندوس معابد تخشع لها القلوب وهي تقدس الهراء[/SIZE][/CENTER]

                      Comment


                      • #12
                        المشاركة الأصلية كتبت بواسطة د.هشام مشاهدة المشاركة
                        مع ان مشكلتك اتحلت، بس حاجة تحرق الدم
                        الحمد لله طبعا على كل حاجه
                        انا اتضايقت جدا من انى رحت فى حوالى اسبوع 3 مرات التوكيل

                        وكمان التيل الرديئ الى بتستخدمه نيسان

                        بس الحاجه الجميله ان لا يضيع حق وراءه مطالب
                        [CENTER][SIZE=4]ان لدي الهندوس معابد تخشع لها القلوب وهي تقدس الهراء[/SIZE][/CENTER]

                        Comment


                        • #13
                          ألف مبروك ياباشا ......
                          أنا كمان عربيتى عاملة حوالى 1700 كم و لاحظت صوت الفرامل اللى زى صوت التريلا لما أدوس فرامل مش للأخر و العربية ماشية على الهادى قبل صيانة الألف ، و قلت للسبع عليها قالوا نضفوا التيل و لو الصوت استمر يبق نشوفه فى الصيانات اللى جاية ..... انتهزت فرصة الصيانة المجانية و خصوصا ان بعض الزملاء قالوا انهم راحو و غيروا صاجة التيل الخلفى مجانا .... حجزت فى السبع يوم الأربعاء 23فبراير الساعة 3 عصرا ...بس للأسف بسب الزحمة و صلت 3:45 ...... و قالولى فى الاستقبال صعب تدخل النهارده علشان التأخير و الزحمة و لازم أحجز يوم تانى ، قلتلهم على مشكلة الفرامل و انهم ها يحلوهالى برضو ، قالولى دى صيانة دورية + زيت + فلتر هدية بس ،، قلتلهم أن عاوز أحل مشكلة صوت الفرامل دى بقى و ده السبب الرئيسى انى جيت ، راحوا مكلمين المهندس كريم مهندس الصيانة و قال ماشى يجى يوم الاثنين الساعة 9 صباحا و ادونى موبايله علشان ها يتصل هو يأكد معايا ان قطعة الغيار متوفرة ..... اتصلت بيه و انا لسه عندهم مارديش و بعدها بشوية صغيرة اتصل بي و قابلته و حاكيتله و هو أكد الميعاد و انهم ها يغيروا صاجة التي الخلفية ...... يون الاثنين رحت الساعة 9 بالدقيقية و سلمت العربية للمهندس اسلام و خدت كوبون الضيافة و طلعت الاستراحة ضرب اكسبرسو و اشتغلت شوية لغاية تقريبا الساعة 12 كانت العربية خلصت ، نزلت للمهندس اسلام و كتب لى فى كتيب الضمان انهم غيروا تيل الفرامل الخلفية و استلمت العربية مغسولة و متنضفة من جوه و فيها الزيت و الفلتر الهدية و ما دفعتش و لا مليم
                          الحمد لله بقالى كلم يوم اهوه الصوت راح يارب ديمها علينا نعمة
                          نعمة و فضل من ربنا فلك الشكر و الحمد يا رب
                          و كمان شكر و اجب للسبع على حسن الضيافة و الاستقبال و مستوى الخدمة المحترم.
                          شكرأ كمان لمهندسى الاستقبال أسلام و عمرو على تعاونهم و سرعة استجابتهم.
                          شكرا للمهندس كريم على تفاهمه و تعاونه.
                          و يارب نيسان تفضل مصحصحة كده على طول لعملاءها بالحملات المجانية و العروض و الهدايا و يارب اكفينا شر عيوب الصناعة و ابعدها عننا ، و يارب يفضل وكلاء نيسان محترمين و فايقين و بيحافظوا على رضا عملاءهم ، و تحية خاصة لكل رجالة قسم نيسان ومنتدانا المحترم
                          أسف للاطالة و شكرا للجميع

                          Comment


                          • #14
                            ألف مبروك على التغير ويارب ماتسمع اصوات تانى
                            [frame="7 80"][SIZE="3"]التقدم في العمر حتمي
                            ولكن ان تشيخ روحك فهو اختيارك[/SIZE]:Zb_sor1[1]:[/frame]

                            Comment


                            • #15
                              هى المشكلة دى فى الصنى 2013 العادية بس؟ و لا كمان السوبر صالون لانى سألت فالوا ان صاجة التيل اتعدلت فى السوبر صالون الجديده ومفيش فيها مشكله؟

                              جزاكم الله خيرا

                              Comment

                              Working...
                              X