العمر الإفتراضي للاجزاء الإستهلاكيه

[gomana85]

السلام عليكم و رحمة الله بركاته
انا قريت كتالوج الضمان و مش موضح خالص ايه القطع الإستهلاكيه و عمرها قد ايه ؟
يعني مثلا : التيل ، الطنابير، البوجيهات و اي جزء استهلاكي اخر بيتغير كل قد ايه ؟
و بالنسبه للسوائل بتتغير كل قد ايه ؟ يعني ماء تبريد ، زيت فتيس و اي حاجة تانيه

ارجو الإفاده مع العلم ان معايا صني الجديده
شكرا جزيلا

[Dr'AhmZZong]

أهوه حضرتك جاوبتي على سؤالك ..

اسمها قطع استهلاكية ملهاش وقت محدد ..

ممكن اللي يقعد مع حضرتك 40 ألف يقعد مع واحد تاني 20 ألف و هكذا ..

يعني مثلا الطنابير في ناس ممكن تغيرها و العربية عاملة 100 ألف و ناس تانية على 30 و 40 ألف و أكتر حاجة بتبوظها إن حضرتك مثلا مشوار طويل و حضرتك عمالة تدوسي فرامل كل شوية ده طبعا بيسخن الطنابير جداااااااااا و تيجي تنزلي في حفرة مية تروح الطنابير مفرقعة هههههههههه بهزر طبعا .. هتبوظ ساعتها ..

تيل الفرامل ناس تقعد بيييييه 60 أو 70 ألف و ناس تانية 30 ألف ..

البوجيهات يستحسن كل 20 ألف طبعا أو ممكن تقعد أكتر من كده بس زيادة أمان ..

طبعا بقى مياه الردياتير و زيت الفرامل و زيت الفتيس و البور كل سنتين بس احنا هنا مابنمشيش بالوقت بنمشي بـ الكيلوهات و ده غلط بس مش مشكلة الحاجات ديه كل 40 ألف لااااااااااااااازم !

اتمنى إني اكون أفدت حضرتك ..

تحياتي ..

[kliken]

ما ينفعش يبقى ليها مدد محدده لانها بتفرق حسب طبيعه و اسلوب القياده
لكن الزيوت بتتغير حسب المسافات المقطوعه زى ما تفضل دكتور احمد و جاوب حضرتك

[canner]

فى كتاب الصيانات اللى بتختميه فى التوكيل موجود فيه كل صيانة بيتعمل فيها ايه و ايه اللى بيتغير و امتى

و غير كده انتى لما بتعملى صيانة اطلبى منهم يشيكوا على العربية و ح يقولولك على ايه اللى محتاج يتغير

تحياتى