ممكن مساعدة للتوضيح ؟؟؟؟؟؟؟؟؟؟

[amr ibrahim]

السلام عليكم ورحمة الله وبركاته

انا والدى كان حجز نيسان صنى سوبر صالون بتاريخ 13/11/2012
وحجزنا فى معرض مودرن موتورز وقيمة الحجز 10000
المهم اما حجزنا قالنا الاستلام فى مدة شهرين لتلاته شهور
المهم العربية جت واستاذ كريم اسامة كلم والدى وقاله العربية موجودا كان تقريبا يوم 23 /12
المهم والدى الفلوس مكنتش جاهزة معاه وهو كان عامل حسابه على اول السنة
المهم هو اجل الاستلام لاول الشهر
واما كلمنا استاذ اسامة قالنا فى خلال اسبوعين وطبعا العربية غليت فى المدة ديه
وعدى الاسبوعين واتصلنا بيه تانى كل شوية يقول كمان تلات ايام هتصل ابلغك بالمعاد ومش بيدينى معاد دلوقتى اتصلنا بيه وقالنا كمان عشرة ايام دلوقتى بقا فى كلام ان السعر هيعلى تانى
انا اعمل ايه دلوقتى والمفروض استلم بانهى سعر وهو المفروض اما العربية تيجى واجل الاستلام
هو يتصرف فى العربية عادى علشان انا مبقتش فاهم حاجة بصراحة
حتى الايصال اللى معايا مش مكتوب فيه غير ال قيمة بس بتاعت الحجز ومش مكتوب السعر ولا مكتوب الاستلام حسب السعر المعلن دلوقتى ايه الحل:b4_611:

[canner]

هو لما كان ح يسلمكوا يوم 23/12 كان ح يسلمهالكوا بكام؟

[amr ibrahim]

هو لما كان ح يسلمكوا يوم 23/12 كان ح يسلمهالكوا بكام؟

كانت لسه ب 112 مش غليت

[hamadakotb]

هيسلمك بالسعر المعلن وقت التسليم ، لان الوصل مش مكتوب فيه سعر السيارة . انا كنت حاحز لما كانت ب 112 فى 12-11-2012 و استلمت ب 114 فى 12-1-2013 .

[canner]

كانت لسه ب 112 مش غليت

للاسف اللى انا اعرفه انك لازم تدفع على الاقل 25% فى الحجز علشان تثبت السعر و خصوصا كمان انهم كلموكوا علشان تستلموا العربية بدرى و ساعتها كان ربنا مش مسهل

على العموم شكل الراجل اللى حجزتوا معاه محترم و كلمكوا تيجوا تستلموا العربية بالسعر القديم و هو عارف انها ح تغلى

نصيحتى انك تتكلم معاه بالذوق و من غير افلام عليه و ربنا ان شاء الله يكرمكوا و يباركلكوا فيها سواء بالسعر القديم او بالجديد

تحياتى

[amr ibrahim]

هيسلمك بالسعر المعلن وقت التسليم ، لان الوصل مش مكتوب فيه سعر السيارة . انا كنت حاحز لما كانت ب 112 فى 12-11-2012 و استلمت ب 114 فى 12-1-2013 .

ربنا يباركلك فيها ان شاء الله والعربية عاملة معاك ايه وغيرت الكوتش ولا زى ماهو وبعدين
يعنى لو السعر زاد تانى هستلم بالاعلى يعنى ولا ايه فاهم

[amr ibrahim]

للاسف اللى انا اعرفه انك لازم تدفع على الاقل 25% فى الحجز علشان تثبت السعر و خصوصا كمان انهم كلموكوا علشان تستلموا العربية بدرى و ساعتها كان ربنا مش مسهل

على العموم شكل الراجل اللى حجزتوا معاه محترم و كلمكوا تيجوا تستلموا العربية بالسعر القديم و هو عارف انها ح تغلى

نصيحتى انك تتكلم معاه بالذوق و من غير افلام عليه و ربنا ان شاء الله يكرمكوا و يباركلكوا فيها سواء بالسعر القديم او بالجديد

تحياتى

شكرا ليك بس انا سمعت انها غليت تانى وبقت ب 117 بس هو قالى هستلم ب 114

[hamadakotb]

العربية الحمد لله كويسه ، و بالنسبة للكاوتش هو طبعا مش قد كده و كمان صوته عالى ، بس شايفه ان كويس مع الفرامل و كمان انا مش باجرى جامد يا دوب 100 كم او 120 يوم ما الواحد يجرى ، ان شاء الله اغيره بعدين .
ان شاء الله تستلم على خير.