سعر اكصدام الصني الجديده

[mmohamed15]

ااخواني الكرام النهارده كنت ماشي في طريق بوظلي الاكصدامات علي الاخلا و الاكصدام الامامي طلع من ثبيته المهم شكلي كده يا هضطر اغير الاكصدامات لو حصل فيها كسر او علي الاقل هضطر ارشها حد يعرف رشها في التوكيل يتكلف كام و لو اشتريت اثنين جداد يتكلفوا كام شكار للمساعده

[engahmedsamy]

قدر الله و ماشاء فعل حضرتك ممكن تلحمهم فيبر احسن من شراهم

[mmohamed15]

'شكرت لردك يا باشا و يا تري يتكلفوا كام و تلكفه رشهم كام

[zenda]

سعر الاكصدام الامامى 700 والخلفى 650 ورش الاكصدام الواحد يتكلف 250
لحام الفيبر يتوقف على حاله الاكصدام كسر ولا شرخ وحجم الشغل
الاسعار دى من مركز خدمة احمد مرعى اللى على الطريق الزراعى

[kliken]

شغل الفيبر عملى جدا و مش بيبان ده لو لا قدر الله مكسور نصفين بيتلحم فيبر و مش بيبان و تكلفته بتبقى معقوله جدا كنت من فتره عامل كسر فى اكصدام والدى و انكلف 60 جنيه و طلع كأنه جديد

[dodyam]

أنا رأيى برضه يا باشا تلحم الفيبر أحسنلك

لانك لو اشتريت من التوكيل جديد و رشيت هتدفع كتير

الاكصدام يتلحم أفضل و ياخدوا وقتهم ويحلها الحلال بعد كده

فى واحد مكانه بالأزاريطة اسمه خالد بتاع تصليح فيبر هو معروف هناك وعمل شغل حلو لصحابى

عنوانه مسشتفى السلامة الجديدة خليها على يمينك و امشى فى اتجاه الترام و عند أول تقاطع ادخل فيه شمال خالد فى الشارع ده اللى هو الاتجاه اللى جاى من شارع سوتر رايح شارع شامبليون

وفى واحد عند جامع سلطان اسمه التوتو ( أو النونو مش فاكر أوى ) بتاع لحام باغات فوانيس و لحام فيبر وأنا لحمت عنده باغة الفانوس بتاعى وشوفته كان بيلحم اكصدام خلفى للسيراتو بيخدم شغله صح بصراحة

روح شوف عند الاتنين و مين هيخلصك أسرع و بتكلفة أقل وشغله عاجبك أكتر

وشوف سعر اللحام هتلاقيه حاجة بسيطة ان شاء الله

.

[engahmedsamy]

اللحام اغلي حاجة 100 جنيه لو الاكصدام طالع عينو وممكن ترشهم ف التوكيل

[mmohamed15]

و الله يا جماعه مش عارف اقولكم ايه كتر خيركم علي الردود بتاعتكم و المساعده انا انشاء الله اروح للراجل اللي في الازاريطه اللي الاستاذ عادل قال عليه و اشوف بعدها موضوع الرش ده يبقي نظامه ايه