غيرت تيل فرامل و طنابير للتيدا برة التوكيل

[Mohamed_Elwan]

السلام عليكم

انا النهاردة غيرت تيل الفراملو الطنابير للتيدا بتاعتى 2007 سيدان و جبت التيل ريمسا اسبانى ب 190 و الطنابير جبتها تايوانى ب 400 جنية و المصنعية كانت 80 جنية و الميكانيكى ذوق و شغله نضيف و سريع الحمد لله الطنابير باظت منى و انا فى شبرا و عشان كدة عملتها فى شبرا و و جبت كل حاجة من هناك ..من الخلفاوى ..المهم الحاجات شغالة تمام و مفيش تصفير حتى الآن و على الله بقى تكمل على كدة و لو حاجة حصلت قريب لا قدر الله هقول على طول عشان الناس تعرف بردوا

[canner]

ربنا يباركلك فى العربية و يديك خيرها و يكفيك شرها

تحياتى

[Sehsss]

مبروك.. وإن شاء الله ما يبقاش فيه مشاكل

[S O P H O S]

مبروك يا باشا ..

[Mohamed_Elwan]

الف شكر يا جماعة ..انا قلت كل مرة ادخل المنتدى من غير ما افيد الناس فقلت مرة احاول افيد بأى حاجة او اى معلومة يعنى

[EhabVet]

جزاك الله خيرا على الإفادة
وفي انتظار انطباعك عن قطع الغيار دي بعد الاستخدام لفترة طويلة

[Mohamed_Elwan]

جزاك الله خيرا على الإفادة
وفي انتظار انطباعك عن قطع الغيار دي بعد الاستخدام لفترة طويلة

اكيد هيحصل يا دكتور ايهاب ..و كل سنة وانت طيب

[saint2011]

مبرووووووووك وربنا يباركلك فيها

[Ahmed.TV]

لف مبروك وجزاك الله خيرا على الافادة

بس انت ليه غيرت الطنابير هى العربية عاملة كام الف .. كان ممكن تخرطهم بره او فى التوكيل خرط ليزر لو كانت حالتها تسمح .. ويبقا انت ماشى بالطنابير الاصلية

على العموم الف مبروك .. وياريت تقولنا رايك فى الطنابير بعد ما تمشى عليها 10 الاف كيلو

وربنا يعطيك خيرها ويكفيك شرها

[Mohamed_Elwan]

لف مبروك وجزاك الله خيرا على الافادة

بس انت ليه غيرت الطنابير هى العربية عاملة كام الف .. كان ممكن تخرطهم بره او فى التوكيل خرط ليزر لو كانت حالتها تسمح .. ويبقا انت ماشى بالطنابير الاصلية

على العموم الف مبروك .. وياريت تقولنا رايك فى الطنابير بعد ما تمشى عليها 10 الاف كيلو

وربنا يعطيك خيرها ويكفيك شرها

الله يخليك يا استاذ احمد
العربية عاملة 104 الف كيلو و الطنابير اتخرطت فى اوتو ايجيبت قبل كدة فى صيانة ال 80 الف كدة حلو اوى عليها
و اكيد هقول بعد ال عشر آلاف لانى عارف ان الموضوع فارق كتير بين برة التوكيل و جوة فى السعر
بالنسبة للتيل بردوا انا غيرته فى صيانة ال 80 و صفر بعدها ب 15 الف كيلو فقلت اجرب الاسبانى لو طلع زيه او اقل منه شوية يبقى احسن و بالنسبة للطنابير انا بصراحة مكنش معايا اوديها التوكيل اليومين دول لانى عارف ان فيها حاجات كتير عايزة تتغير (بوجيهات و تيل و طنابيرعلى الاقل)غير صيانة ال 100 الف العادية و كمان انا كنت عايز اجرب اعملها برة التوكيل و اشوف النتيجة

[Omar_4ever]

الف مبروك
بس انت جايب التيل غالي
انا لسا شاريه الإسبوع إلي فات ب 150 من عند محمد جابر

[kliken]

ان شاء الله تبقى تجربه ناجحه و ما تسمعش اى تصفير
و طبعا ما تنسناش فى انطباعك عن التيل و الطنابير

[Mohamed_Elwan]

الف مبروك
بس انت جايب التيل غالي
انا لسا شاريه الإسبوع إلي فات ب 150 من عند محمد جابر

يبقى انا جبته غالى ...معلش اول مرة اجيب برة التوكيل

[Mohamed_Elwan]

ان شاء الله تبقى تجربه ناجحه و ما تسمعش اى تصفير
و طبعا ما تنسناش فى انطباعك عن التيل و الطنابير

اكيد يا فندم :)

[Mohamed_Elwan]

فى صوت صفارة بسيط اوى بيظهر لما اكون فاتح الازاز ز فى مكان هادى جدا ...انا قلت عشان الناس تبقى عارفة بردوا و لو الموضوع اتطور هقول بردوا و ربنا يستر :d