العفشه و زيت الباور

[zidane 10]

لو سمحتم ياشباب زيت الباور عندي ناقص شويه

ازوده منين وبيكون سعره كام وهل بزوده ولا يتغير كله

انا مش متابع مع التوكيل

وكمان لو سمحتم عاوز اربط العفشه اعملها فين وبتتكلف في حدود كام كده

والف شكر مقدما :))

العربيه نيسان صني 2009 اوتو عامله 75 الف كيلو

[AlGazar2]

زوده زيت موبيل او شيل
الزيت الاحمر نفس الى بيتحط فى الفتيس تجيبه من بنزينه او موزع معتمد - تربيط العفشه عند عفشجى او ظبط زوايا تكلفتها من 10:20 جنية و لو هاتظبط زوايا يبقى هايربطها لوحده بعد الظبط

[Lifz_Good]

زيت الباور هتلاقي نوعه مكتوب في كتالوج عربيتك وهتلاقي مكتوب كام لتر كمان
ولو مكانش أنصحك بالتوكيل
بس هو أصلاً بياخد زيت فتيس عادي بس شوف انت مواصفاته إيه وكام لتر

العفشة ربطها في أي فرع ل بريدجستون ب 10 جنيهات
وهيربط معاها قواعد موتور وقواعد فتيس

أي خدمة

[dr.hazem]

انت لو مغيرتش زيت الباور قبل كده فحضرتك محتاج تغيره بالكامل لان المفروض بيتغير كل 40 ألف كيلو او سنتين ايهما اقرب...
وطبعا هو نفس زيت الفتيس الاوتوماتيك مش الماتوال....
تحياتي

Sent from my SE Arc S using Forum Runner

[Amr2004IBM]

يا سيدى طالما مبتعملش صيانات ﻻزم تغير زيت الفتيس و البور و نوع الزيت بتاع الصنى atf
و نصيحه تابع الصيانات كل 10000 كيلو افضل
و لك تحياتى

[zidane 10]

الف شكر يا شباب عالردود

بس انا كنت غيرت الزيت قبل كده بس حاسس انه ناقص

فهل كده اغيره كله ولا ازوده بس

والموضوع ده بيتكلف اد ايه لأني معرفش اسعار خالص :))

[mem]

متابع

[zidane 10]

؟؟؟؟