نضافة العربية

[abdulmoniem]

أنا ببساطة معرفش أي حاجة في تنضيف العربية وإيه الطرق السليمة للتنضيف؟

إيه الأدوات المساعدة إللي المفروض أجيبها؟

نوع الفوطة؟ في شامبو معين للفرش لو كان جلد؟ طيب التابلوه؟

طيب الجنوط

بصراحة أنا عايز أعرف كل حاجة .. ممكن مساعدة؟

جزاكم الله خيراً

[youssef_u]

انا زيك والله ياباشا بس فوطة مبلولة و اخلص :d

[mrs-kadous]

أنا ببساطة معرفش أي حاجة في تنضيف العربية وإيه الطرق السليمة للتنضيف؟

إيه الأدوات المساعدة إللي المفروض أجيبها؟

نوع الفوطة؟ في شامبو معين للفرش لو كان جلد؟ طيب التابلوه؟

طيب الجنوط

بصراحة أنا عايز أعرف كل حاجة .. ممكن مساعدة؟

جزاكم الله خيراً

اهم حاجه اسبراي للتابلوه علشان الشمس .... لو عندك بواب بلاش تخليه يستعمل الصابون السايل ... في ماده شمعيه بتحافظ علي البويه وبتقلل الخرابيش ... بالنسبه للفرش الجلد ولو اني لا افضله لانه بيتقشر بيتلمع باي فوطه ناشفه ... الصيانه للجلد الطبيعي فقط بس طبعا سعره
الكاوتش كمان له سبراي والجنوط لو اسبور ليها برده بس طبعا موضوع عايز ميزانيه وتكون فاضي ... شكلك جايب عربيه جديده .

[aldesha989]

الكاوتش بتغسل كويس بمايه وبعدين تحط عليه صبون برغوه وتسيبه ينشف عليه

بالنسبه للتنضيف الخارجى مايه وبعدين تمسح بفوطه صفره
ولو تنضيف سريع اى فرشه شعر طرى

التبلوه برضه فوطه فيها شابمو او صبون وتصبنه كده وبعدين تمسحه بعديها بشويه ولو عندك معطر

كذلك الكراسى والكنبه لو جلد تصبين ومسح بفوطه مبلوله او تسيبه ينشف

عادى يعنى كأنك بتغسل اى حاجه مش محتاجه حاجه

[ahmed_hanafi]

اهم حاجه اسبراي للتابلوه علشان الشمس .... لو عندك بواب بلاش تخليه يستعمل الصابون السايل ... في ماده شمعيه بتحافظ علي البويه وبتقلل الخرابيش ... بالنسبه للفرش الجلد ولو اني لا افضله لانه بيتقشر بيتلمع باي فوطه ناشفه ... الصيانه للجلد الطبيعي فقط بس طبعا سعره
الكاوتش كمان له سبراي والجنوط لو اسبور ليها برده بس طبعا موضوع عايز ميزانيه وتكون فاضي ... شكلك جايب عربيه جديده .

+١١١١١١١١١١١١١١١١١١١١١١١١

[abdulmoniem]

لأ أنا سمعت إن في منتجات لشركة اسمها SONAX
ودول بيستخدموا في شركات ال Car Care
وأنا مش فاهم إيه إللي المفروض أجيبه

كمان سمعت إن في فوط اسمها ميكرو فايبر

حاجات كدة .. وأنا والله مش فاهم حاجة :D

[mrs-kadous]

لأ أنا سمعت إن في منتجات لشركة اسمها sonax
ودول بيستخدموا في شركات ال car care
وأنا مش فاهم إيه إللي المفروض أجيبه

كمان سمعت إن في فوط اسمها ميكرو فايبر

حاجات كدة .. وأنا والله مش فاهم حاجة :d

حضرتك الموضوع ابسط من كده مش باسماء المنتجات

[abdulmoniem]

يا شباب النظرية إن العربية جديدة .. وأنا بس عايز أحافظ عليها مش اكتر عشان كدة بدور على الحاجات الكويسة مش الطرق التقليدية في الغسيل وكدة. جزاكم الله خيراً

[mesaharaty]

1- الفوطة الفايبر بتبقى ناعمة ومناسبة للعربية علشان ماتعملش خدوش .
2- العناية بالسيارة من الداخل : معطر - ملمع تابلوه
العناية بالسيارة من الخارج : شامبو للغسيل - ملمع للإطارات - بوليش - واكس (شمع لتلميع بودى السيارة)- فوم لتنظيف الحوض بتاع العربية (وللأمان برضه كمان غطى الأجزاء الكهربائية بعازل)

ده اللى انا فاكره حاليا

وبالتوفيق

[hossam_elwani]

1- الفوطة الفايبر بتبقى ناعمة ومناسبة للعربية علشان ماتعملش خدوش .
2- العناية بالسيارة من الداخل : معطر - ملمع تابلوه
العناية بالسيارة من الخارج : شامبو للغسيل - ملمع للإطارات - بوليش - واكس (شمع لتلميع بودى السيارة)- فوم لتنظيف الحوض بتاع العربية (وللأمان برضه كمان غطى الأجزاء الكهربائية بعازل)

ده اللى انا فاكره حاليا

وبالتوفيق

+1111111111

كلام سليم جبت كل الادوات دى وبكره حيبقى يوم عالمى للنظافه :b4_611:

[abdulmoniem]

طيب سؤال .. لو أنا اشتركت في أي Car care .. وهيغسل العربية 4 مرات في الشهر

هل ده غلط على العربية؟