منقووول( كيفيه التعامل مع المطبات )

[_hema]

كثيرا منا بيتعامل مع المطبات الصناعية كل يوم
ايه افضل طريقة نطلع بيها مطب من غير ما نحك العربية او ندمرها من تحت ؟

1- مطب مرأي ارتفاعه مناسب !

بنهدي لحد قبل المطب وندخل اللمطب واحنامش دايسين فرامل عشان في ناس بتطلع المطبات وهيا دايسة فرامل وده بيدمر المقصات والميزان والمساعدين ووبيض الدركسيون والعلبة ونخلي رجلينا مستعدة عشان تدي غيار لو العربية خسعت على المطب نديها زقة تعدي.


2- مطب ارتفاعه مجنون

واحدة واحدة تخش عليه وتزبط لوالعجل كله ها يطلع المطب يبقى كويس لكن لو عرضه قصير حاول تدي اشارة وتيجي يمين او شمال حسب الجنب اللي فاضي ناحيتك عجلة عجلة اطلع وادعي
انك ما تحكش بطن العربية

3- في حالة ان مطب قابلك فجاة !

لو سرعتك متوسطة دوس فرامل جامد اوي قبل المطب لحظة ما توصل المطب شيل رجلك من على الفرامل ده يقلل الاضرار اللي ممكن تحصل من المطب الزفت ده لو سرعتك شديدة كل المطب بسرعتك وربنا يستر .

4-لو في مطب عبارة عن حفرة

اديها بنزين والعربية ها تعديه ببساطة وكل ما كنت اسرع مش ها تحس بيه لان المساعدين مش ها تخلي العجل يقع في الحفرة

5- الحفرة عريضه

لازم تقف وتاخدها واحدة واحدة على اقل من مهلك


الموضوووع منقووول للافاده

[saint2011]

مشكووووووووووووووووورا جدا يا أستاذ حمدى وربنا يباركلك على النصائح الغالية

[_hema]

مشكووووووووووووووووورا جدا يا أستاذ حمدى وربنا يباركلك على النصائح الغالية

الشكر لك ياغالى

ربنا يبارك فيك ويحفظك ويحفظنا من كل مكرووه

[mado83]

كلام حضرتك سليم 100 100
ولكن المطبات بتاع بلدنا اتحدت العلم والعلماء والتعليم وكل البشر
المطبات بتاعتنا حاجه كده ولا فى الخيال اسطوريه

[esam_ayad]

أشكرك علي نقل الموضوع الهام جدا,
وفعلا معظم الناس بتاخد المطبات حتي لو بسيطه وهي دايسه علي الفرامل

[S O P H O S]

تسلم ايدك ..

[Sehsss]

ألف شكر على الموضوع الجميل ده

[_hema]

كلام حضرتك سليم 100 100
ولكن المطبات بتاع بلدنا اتحدت العلم والعلماء والتعليم وكل البشر
المطبات بتاعتنا حاجه كده ولا فى الخيال اسطوريه

طبعاً اسواء مطبات فى العالم هيه المطبات اللىى موجوده فى مصر

بي احنا اهو عمالين بنحاول ان احنا نستأنسها شويه ونتكيف معاها

عارف حضرتك وانا مسافر للبلد بعد ما سيب الزراعى فى طريق فرعى بمشى فيه طول الطريق ده 36 كم تخيل فيهم كام مطب ( مش هتصدق) 48 مطب وكل مطب يقطم اتخن عربيه

[miceg]

بارك الله فيك
وجزاك الله خيرا

[_hema]

أشكرك علي نقل الموضوع الهام جدا,
وفعلا معظم الناس بتاخد المطبات حتي لو بسيطه وهي دايسه علي الفرامل

الشكر ليك ياغاااالى

على فكره ان تعرضت لموقف المطب المفاجى وانا مسافر البلد وكنا فى الليل وكان الجو بيشتى جامد

اما فوجئت بيه عن بعُد قريب فرملت قبل منه وقبل المطب مباشره شلت رجلى من على الفرامل وعديت بالعربيه بعد ماقللت سرعتها شويه بالفرمله وكلتو على سرعه اقل ولاقيت العربيه اترفعت ونزلت كانك بتهبد حاجه على الارض

[_hema]

تسلم ايدك ..

ويسلم حضورك ياغالى

[_hema]

ألف شكر على الموضوع الجميل ده

الشكر لله ياسحس

نورت الموضوووع

[mem]

تسلم ايدك
وجزاك الله خيرا

[speed_magnum]

في مرة اخدت مطب بالكورولا على 120 واتلوح فيها مقص .....
.
.
بتهيألي لو كنت دست فرامل كانت العفشه كلها راحت

[_hema]

تسلم ايدك
وجزاك الله خيرا

ويسلم مرورك العطر