الطريق لاوتو ايجيبت من جامعة القاهرة

[m2018]

السلام عليكم
انا جبت العربيةالقاهرة النهاردة وحجزت صيانة في اوتو ايجيبت بكرة الساعة ١١و نص بس مش عارف الطريق من الجامعة
طلب تاني معليش في حد يعرف محل عنده زيت ليكوي كولي هاي تك ضروري لاني ملقيتش في المنصورة والموزع اللي جنبي معندوش و اتصلت على خدمة العملاء عندهم اجازة النهاردة

[m2018]

يا ريت بردو مكان المركز على خرائط جوجل يبقى كتر خيركم
هو مش كان في موضوع هنا لخدمة عملاء ليكوي مولي هو اتشال ولا ايه انا بدور عليه مش لاقيه

[a_bahaa14]

انا اعرف واحد فى شارع دمشق و تانى عند قسم ثانى مدينه نصر ثانى
اما الطريق فسهل هو اول نزله من المحور انت رايح على سفارى او كارفور الصحراوى هتمشى جبة قيل بوابة الرسوم هتلاقى علامه كبيرة توجهك لفتحة يمين

[m2018]

انا اعرف واحد فى شارع دمشق و تانى عند قسم ثانى مدينه نصر ثانى
اما الطريق فسهل هو اول نزله من المحور انت رايح على سفارى او كارفور الصحراوى هتمشى جبة قيل بوابة الرسوم هتلاقى علامه كبيرة توجهك لفتحة يمين

شارع دمشق ده فين واسمه ايه المحل وياريت رقم التليفون
طيب والطريق انا ش فاهم محور ايه وانا مش عارف انا فهمتك صح ولا لا انت تقصد امشي كاني داخل الصحراوي وهلاقيه قبل بوابات الرسم مظبوط كدة
والف الف شكر على الرد

[miceg]

بما إنك هتبقا جاي من جامعة القاهرة
في مركز إسمه توب جير ده ماسك توكيل ليكوي مولي فالجيزة
وأدي لينك بالموضوع عن عنوان وتليفونات المركز

http://www.nilemotors.net/Nile/251299-a.html

بالنسبة للمشوار بتاعك
هتسأل من عندك على طريق إسكندرية الصحراوي من 6 أكتوبر
ألف واحد هيدلك عليه
هتلاقي قبل أوتو إيجيبت كارفور وبعديه يافطة كبيرة مكتوب عليها أبو رواش
إسال بها هناك
بالتوفيق

[Hamdy alaswiny]

فى موزع فى الدقى خلف مركز البحوث لو بحثت فى الجوجل عن موزعى زيت لكوى مولى هتعرف العنوان والتليفون بالنسبة للطريق من الجامعة لاوتو ايجبت اقصر طريق بتاخد كوبرى ثروت محور صفط اللبن ثم اتجاه محور 26 يوليو ثم طريق اسكندرية الصحراوى ثم ابو رواش وتوصل بالسلامة

[Ahmed_Rahem]

الطريق ممكن كالتالى:
1- من الجامعة تطلع كوبرى صفت وتكمل فية للاخر وتاخد الطريق اليمين فى اخرة، كدة انت طلعت الدائرى ناحية الاسكندرية الزراعى (خلى بالك الزراعى) وبعدين تشمى حوالى 3 كيلو لحد منزل المحور اتجاة ميدان لبنان تعدية وتاخد المنزل الى بعدة اتجاة اكتوبر، تشمى فية لحد منزل الاسكندرية الصحرواى (هتقولى مهو محور صفت فية اتجاة للصحرواى ماخدة من الاول، ممكن فعلاً بس انت اول مرة تمشى فبلاش منة) تنزل المنزل مسافة 500 متر بالظبط وتدخل يمين - وهتلاقى يافطة كبيرة. والكلام دة قبل البوابات بحوالى 2-3 كيلو. تكمل كيلو واحد هتلاقى اتو ايجيب على اليمين.
2- من ميدان لبنان تطلع محور 26 يوليو وتكمل زى النقطة واحد.

والسلام ختام

[Bishoy.Girgis]

الله ينور يا ابوحميد

[theislamic]

http://goo.gl/maps/tp2tW

http://goo.gl/maps/jFpOC

ده روابط لطريق حضرتك على خرائط جوجل على حسب ما فهمت من كلام الاعضاء الكرام الاول من ميدان لبنان و التاني من كوبري صفط

[m2018]

الطريق ممكن كالتالى:
1- من الجامعة تطلع كوبرى صفت وتكمل فية للاخر وتاخد الطريق اليمين فى اخرة، كدة انت طلعت الدائرى ناحية الاسكندرية الزراعى (خلى بالك الزراعى) وبعدين تشمى حوالى 3 كيلو لحد منزل المحور اتجاة ميدان لبنان تعدية وتاخد المنزل الى بعدة اتجاة اكتوبر، تشمى فية لحد منزل الاسكندرية الصحرواى (هتقولى مهو محور صفت فية اتجاة للصحرواى ماخدة من الاول، ممكن فعلاً بس انت اول مرة تمشى فبلاش منة) تنزل المنزل مسافة 500 متر بالظبط وتدخل يمين - وهتلاقى يافطة كبيرة. والكلام دة قبل البوابات بحوالى 2-3 كيلو. تكمل كيلو واحد هتلاقى اتو ايجيب على اليمين.
2- من ميدان لبنان تطلع محور 26 يوليو وتكمل زى النقطة واحد.

والسلام ختام

الف الف شكر الحمد لله انا وصلت

[m2018]

[QUOTE=theislamic;3874800832][url=http://goo.gl/maps/tp2tW]

[essa144]

الله ينور يا شباب