سائل التبريد الموصى به من نيسان؟

[malta]

للاسف عشان مابخرجش بالعربية كتير مابشيكش على سائل التبريد النهاردة ببص فى القربة لقيتها تقريبا فاضية ياترى اشترى سائل ايه و المفروض و العربية جديدة اشيك عليه كل اد ايه و هل ممكن يكون حصل ضرر للعربية؟ انا مقلق من موضوع اللمبة دى لانى كنت بشتكى من حرارة الكبوت ساعه ما جبتها و فى التوكيل قالى طالما اللمبة ما نورتش خلاص بس فى اخ هنا كان عنده تيدا و الموتور سخن و معرفش لان اللمبة ما نورتش ربنا يستر. معلش هما فى دليل مالك السيارة بيقول فى max , min انا مش شايفهم فى القربة فين و انا تقريبا ساعه ماستلمتها مكانتش مليانة حتى للنص فاعرف الmax ازاى و كمان فى الفرامل معلش ياخوانا اصل انا اتكروت فى التسليم و ماحدش ورانى الحاجات دى

[youssef_u]

لا لا لا الحكاية دي غريبة ازاي مية الريدياتير تفضى و هي واقفه ؟ لازم تراجع التوكيييل ضروري

[Sehsss]

فعلا نقص المياه ده غلط، روح التوكيل ضروري، وبالنسبة للمياه لو عاوز تزود هات مياه موبيل الخضراء ممتازة ولازم القربة يكون عليها max وmin

[malta]

توكيل ايه بس انا روحت السبع ده 4 مرات اشتكى من صوت الصفير و الصوت اللى بيظهر فى الطرق المكسرة و كل مرة العربية بتخرج زى ماهى و اخر مرة كنت موجود للكشف المجانى العرض اللى كانت عملاه نيسان المفروض لو كان فى حاجة كانوا قالوا انما كلوا تمام و العربية محتاجة تركيب صاجة التيل الخلفى و المهندس المحترم قالى انا عامل طلب شراء و الكلام ده من شهرين او اكتر و محدش كلمنى لما وصلت و عرفت من المنتدى هنا ان الناس ركبتها فى اوتوا ايجيبت و لما كلمت السبع تانى افادت الموظفة هنكشف با فندم و لو محتاجة تركيب الصاجة هنركبها!!!! لا تعليق بجد انا ان شاء الله هحط الماية الخضرا بتاعت موبيل و اروح اوتوا ايجيبت و يارب ما يكونش حصل حاجة بسبب نقص المايه

[canner]

هو فيه سؤال الاول

انت عارف مستوى الميه كان فين قبل ما تكشف عليها و طلع مافيش ميه؟ مش ممكن يكون هم اللى ماحطوش ميه كفايه؟

تانى حاجة حط الميه الخضرا و اتأكد ان مافيش حاجة نزلت بره القربة و شوف مستوى الميه و سيبها ساعة من غير ما تدور الموتور و ارجع شوف المستوى زى ما هو و لا قل

لو ما قلتش خش على الاختبار اللى بعده

دور العربية 5 دقايق و بعدين بطلها و شوف مستوى القربه

و بعدين اطلع بالعربية و انزل شوف مكانها فى ميه و لا لأ

(معلومة ممكت تكون اوفر منى خللى بالك فيه قربه ردياتير و قربه مساحات)

تحياتى

[Sehsss]

توكيل ايه بس انا روحت السبع ده 4 مرات اشتكى من صوت الصفير و الصوت اللى بيظهر فى الطرق المكسرة و كل مرة العربية بتخرج زى ماهى و اخر مرة كنت موجود للكشف المجانى العرض اللى كانت عملاه نيسان المفروض لو كان فى حاجة كانوا قالوا انما كلوا تمام و العربية محتاجة تركيب صاجة التيل الخلفى و المهندس المحترم قالى انا عامل طلب شراء و الكلام ده من شهرين او اكتر و محدش كلمنى لما وصلت و عرفت من المنتدى هنا ان الناس ركبتها فى اوتوا ايجيبت و لما كلمت السبع تانى افادت الموظفة هنكشف با فندم و لو محتاجة تركيب الصاجة هنركبها!!!! لا تعليق بجد انا ان شاء الله هحط الماية الخضرا بتاعت موبيل و اروح اوتوا ايجيبت و يارب ما يكونش حصل حاجة بسبب نقص المايه

هدي نفسك، نصيحة ما تروحش توكيل غير أوتو إيجبت

[malta]

شكرا لكل الردود و انا فعلا عارف المايه كانت لغاية فين و متاكد ان هما اللى محطوش بس ازاى اثبت ده وقربة الردياتير الطويلة البيضا اللى جنب الردياتير لزم عارفها و الله و التانية فيها مايه و مليانة و زى الفل بس الواحد كان حاطط بطيخة صيفى و سايق عربية جديدة