الاكصدام وقع مني وانا ماشي

[رزق]

أنا عايز أعرف هو بيتسبت بكليبسات بلاستيك ولا إيه

كنت مروح و بنلف من ملف فـالعربية اللي قدامي فرملت وأنا فرملت بس اللي ورايا كان نص نقل و خبطني فيه

نزلنا و قال لي اللي تؤمر بيه و كده قولتله بتحصل و اتكل على الله (مكنتش أعمل كده؟)

المهم كان شكله سليم باستثناء الجزء اللي التخبط دخل لجوا جامد

مشيت و صوت دوشة جاي من ناحية الخبطة..ييجي 5 دقائق بعدها لقيت الناس بتلعبلي نور

فـنزلت ابص وبالمرة أعرف صوت الدوشة ده جاي منين

ألاقي..مفيش اكصدام أساسا..

و الصوت كان جاي من الحتة المطاط اللي فوق العجل قاعدة تخبط في العجلة
و من علوه غطى على صوت الاكصدام لما وقع

طب السؤال..هو بيربط بمسامير ولا كلها كليبسات بلاستيك

[Elsebily]

انا عندي في الصني بتاعتي مسامير وفي اللوجان كمان اما فكيته كان مسامير هي الفكره عامة اني لما الاكصدام اتخبط اماكن المسامير اتكسرت فوقع الاكصدام بس اهم حاجه لقيت الاكصدام بعدها ولا لا

[MARTINDALE]

حمدالله على السلامه .

اللي عملته في منتهى الذوق والاحترام والشهامه وربنا يعوضك خيرا اكتر بكتير .

الاكصدام بيكون راكب بكليبسات بس في الغالب بتكون منه فيه لكن برضوا ليها حل عند اي حد بتاع فيبر .
وبصراحه انت غلطان انك مشيت لما سمعت الصوت وكان لازم تقف تتاكد من مصدر الصوت .

السؤال اللي محيرني ..... لقيت الاكصدام :)

[Lifz_Good]

أغلب ومعظم الإكسدامات أمامي وخلفي
الجزء العرضي منها يكون مثبت بمسامير وتربيطات
والأجناب تثبت بكليبسات

أما من أسفل الإكسدامات فهي تثبت بمسامير سواء عرضي أو جانبي

ربنا يعوض عليك
بس لازم تبقى فاهم شوية في فك وتركيب أجزاء سيارتك المختلفة علشان موقف زي دا لو انت تعرف طريقة التثبيت كنت عرفت انه كدا مش متثبت كويس وكنت تشيله جوا على ما تحل المشكلة

في كل الحالات
ربنا يوفقك

[youssef_u]

سؤال لقيت الاكصدام ؟ و سؤال لقيته سليم ؟ :d

[رزق]

الله يسلمكم يا رجالة

لا واللهِ كنت حالف وارجع في حالة واحدة وهي إن النمر كانت محطوطة عليه بس طلع لأ.

عشان اللي عارف الدائري اللي جنب دريم لاند (مكان الحدث) عارف إن عشان تلف وترجع تاني قانوني طريق طوييل

بصراحة قلت إنه أكيد لو وقع في حوالي 10 كيلو من الطريق مش حعرف ادور عليه خصوصا إن يمكن اتاخد أو اتداس عليه

[_hema]

فداك ياباشا اى حاجه المهم سلامتك

[canner]

فداك اللى حصل يا باشا و جت سليمة و ما تندمش على خير انت عملته حتى لو كل الناس لموك عليه انت عملته لوجه الله و ده جزاه عند ربنا

على حد ما سمعت ان الاكصدام بيبقى فى حدود 500-600 من التوكيل و ممكن تجيبه استيراد انا لو منك الف شويه و اخد فكرة عن الاسعار و اقرر بعدها

تحياتى

[ahmed_hanafi]

سلامتك يا باشا .... انا راي تجيب اكصدام تايواني في حدود 300 جنيه مش اكتر ان شاء الله وربنا يعوض عليك

[moumen_hs]

الف سلامة ياباشا
سعر الاكصدام التيوانى حوالى 300 جم
سعر الفبر حامل الاكصدام الطقم الى تحت الفانوس 90 جم لسة جايبة من التوفقية
سعر الفبر الى فى الجناب على الرفرف 90- 100 جم

[رزق]

أنا سألت في الوكيل
عامل 900 جنيه تقريبا وال حتة النيكل عاملة 260 جنيه

فـ شكلي حجيب واحد تايواني فعلا

بس 300 جنيه كتير ولا إيه أنا جبت الامامي ب 230 جنيه تقريبا من شارع مجلس الأمة

[Sehsss]

فداك يا باشا