صيانة 5000

[hany79]

السلام عليكم جميعا
يا جماعة انا ناوي باذن الله اعمل صيانة 5000 عند السبع
حد عنده فكرة بيعملوا فيها ايه؟؟
يا ريت تقولولي لاني مش عارف حيبقى فيها حياخدوا عليه 75 جنيه
شكرا مقدما

[atlas_u]

السلام عليكم جميعا
يا جماعة انا ناوي باذن الله اعمل صيانة 5000 عند السبع
حد عنده فكرة بيعملوا فيها ايه؟؟
يا ريت تقولولي لاني مش عارف حيبقى فيها حياخدوا عليه 75 جنيه
شكرا مقدما

السلام عليكم
بص يا معلم لما تروح صيانة ال 5000 كم:

- اول حاجة ها تلاقيهم دخلو عليم بتغير الزيت و الفلتر ف شوف لو مش عايز قولهم بلاش لان انا لما روحت كنت حاطت موبيل وان ف صيانة الالف ف قولت بلاش.
- بعد كدة ف صيانة و مراجعة ع المبات بتاعة العربية ( مش عارف طلعولي ان لمة مش عارف اية كانت محروقة و بدلوها) و خدو عليها 2 جنية.
-طبعا تربيط العفشة بتاعة العربية.

دول ال حجات ال انا عرفهم بصراحة.

نصيحة ليك ف اي صيانة مع الوكيل:
- لو قالولك مش عارف اية بايظ و احنا غيرناه غلس عليهم و قولهم مش دافع لان العربية ف الضمان.
-اعرف ها تدفع كام بالظبط قبل ما يخدو منك العربية و خليهم يكتبولك التكلفة ع نسخة و رقة الصيانة عشان لما تيجي تدفع ها تلاقي زيادة ف الفلوس (يعني 10 ولا20 جنية) انت احق بيهم.
-لو غيرت زيت و فلتر ف الوكيل ( انا انصحك بكدة لانها ارخص من برة) لما تستلم العربية افتح الكبوت و اتأكد من نضافة زيت الموتور و اتأكد ان الموتور مش مكبوب علية اي زيت من برة و الا ما تستلمش العربية لما يغسيلولك الموتور بالفوم ع حسابهم.....لانها حصلت معايا ف ال 1000 كم و لما رحت ف 5000 دفعوني 29 جنية عشان غسلولي الموتور ال هما كانو نزلو علية زيت بس انا كنت مستعجل ف مخدتش بالي من التكلفة غير لما روحت.

[hany79]

الف الف شكر يا باشا انا رايح باذن الله بكرة و ربنا يكرم

[MTAK]

صيانه موفقه باذن الله
و نرجو كتابة ما سيحدث معك

[hany79]

السلام عليكم جميعا
انا روحت امبارح عملت صيانة ال5000 عند السبع زهراء المعادي
كنت اتصلت الصبح حجزت و روحت الساعة 5 تقريبا كانت الدنيا هادية قابلت المهندس محمد عمر شاب صغير و خدوم اول ما قولتله عن العفشة طلع معايا جربنا العربية و كان في حد ابن حلال مريحلي على وش العربية فالاكصدام كان مفارق عن الفوانيس قاللي حنظبطهالك كويس و الفانوس اللي كان واحد كسرلي في حتة قولتله يوروني ازاي يتفك و يتركب عشان الصقه قاللي هات ورقة من التامين و تعالى غيره احسن فقولت خليه شوية
المهم العربية دخلت الصيانة و انا طلعت الشو روم اتفرج عليها من فوق كشفوا على الزيوت و المياه و ربطوا العفشة كويس و بعد كده ظبطوا الرجلاش بتاع الهاند بريك بقت تلات تكات بس كانت سبعة!!!
بعد كده نزلت للمهندس محمد افكره بالاكصدام قاللي ده حيتعمل في السمكرة بتوع السمكرة ما كانوش عايزين يعملوها الا لو طلعلها امر تصليح لكن المهندس محمد اصر ان هي حتتعمل كده و الحمد لله ظبطوها كادوه بصراحة ارتحت اوي لما اتعملت كانت خانقاني كل ما اركز فيها بس يا جماعة بس بصراحة مهندس محمد ده رجل محترم و خدوم قوي ربنا يستر عليه كان بيخدم الناس كلها مبيخليش حد متضايق من اي حاجة و ربنا يبارك له
بس و اتغسلت كل الحوار ده خلص على الساعة 7 بس بصراحة كنت حاسس ان العربية متظبطة و نضيفة و روحت مبسوط بعد كده
بس فالمركز تمام و الخدمات تمام