تغيير كاوتش النيسان صني 2013

[karemshen]

محدش يعرف محل كاوتش مضمون يشتري كاوتش الماكسس بتاع الصني الجديدة
واخد منه كاوتش بريدجستون يابانى مكانه
وياريت لو حد يعرف يقولي ممكن ياخده على كام ومكان المحل ورقم تليفونه
لان انا ناوي اشتري صني 2013 كمان كام يوم وعايز اروح اغير الكاوتش بتاعها كله والاستبن كمان
فياريت لو فيه حد في مدينة نصر او في مكان مضمون ياخدهم تقولولي عليه
لان انا هاجي من الاسماعيلية فيفضل اقرب حاجه
بس اهم حاجه انه يكون مضمون والبريدجستون بتاعة اصلي
ارجو الرد
وشكرا

[karemshen]

وانهى نوع افضل الميشلان ولا البريدجستون والاسعار ياريت
وهو الميشلان صناعة ايه

[khaabas]

الميشلان والبريدج كويسين وان كنت شخصيا افضل الميشلان
الميشلان فرنساوى اما الاسعار فلازم لفه منك لان الاسعار فى زمانا الجميل ده بقت يومى

[karemshen]

طاب وبالنسبة لمين بيشتري الكاوتش الماكسس بسعر كويس حد يعرف حد يدلنى عليه !!!!!!!!!!!!!!!!

[miceg]

بص ياباشا
عندك مصطفى النحاس الحي السادس بجوار المدينة الجامعية لجامعة الازهر
هتلاقي العديد من المحلات
واسال على سعر الكاوتش اولا قبل الخوض في عملية الاستبدال
ولو إني عارف انهم هيخسفو بسعر الكاوتش الارض
لو معاك فلوس بنصحك تخلي الكاوتشات القديمة وتبيعهم عالمنتدى
وبنصحك كمان مرة تعرض المقاسات بتاعت الكاوتشات
وتخليك فالمقاس ده 15-60-195
اكثر ثباتا للصني عموما
وبالنسبة للكاوتش برشحلك البريدجيستون تورانزا er300
او تورانزا جي ار 90 دول انضف كاوتشات ممكن تقتنيها بس السعر في علم الغيب نظرا لارتفاع الاسعار
يعني الاول كان ب 660 والثاني كان ب 750
لو عاوز تقلل التكلفة علي وعلى الكونتنتال هتلاقيه ف رينج 600 او اكثر
وهتلاقيه عند بركات فمصطفى النحاس بعد تقاطع عباس في الناحية الشمال
ولو الدنيا مخسعة اوووي دور عالكومهو
بس في النهاية ربنا يوفقك في بيع الماكسس
تحياتي

[abdulmoniem]

أنا جربت الماكسس إلى الآن ومشيت 1200 كيلو مثلاً .. ومش حاسس بمشكلة كبيرة الحقيقة

موضوع الظلط وإنه بيلم ظلط كل الكاوتشات بتعمل كدة .. بس ده زيادة شوية مقدرش أنكر

أنا أول مستلمت العربية كنت هعمل زيك .. بس قررت أجرب الأول ولقيت مفيش مشاكل

وفرت الفلوس دي وجبت بيها فرش للعربية وحساس ركن .. وعملت شوية حاجات كدة ..

وفر فلوسك أحسن :) ده رأيي الشخصي

[karemshen]

بص ياباشا
عندك مصطفى النحاس الحي السادس بجوار المدينة الجامعية لجامعة الازهر
هتلاقي العديد من المحلات
واسال على سعر الكاوتش اولا قبل الخوض في عملية الاستبدال
ولو إني عارف انهم هيخسفو بسعر الكاوتش الارض
لو معاك فلوس بنصحك تخلي الكاوتشات القديمة وتبيعهم عالمنتدى
وبنصحك كمان مرة تعرض المقاسات بتاعت الكاوتشات
وتخليك فالمقاس ده 15-60-195
اكثر ثباتا للصني عموما
وبالنسبة للكاوتش برشحلك البريدجيستون تورانزا er300
او تورانزا جي ار 90 دول انضف كاوتشات ممكن تقتنيها بس السعر في علم الغيب نظرا لارتفاع الاسعار
يعني الاول كان ب 660 والثاني كان ب 750
لو عاوز تقلل التكلفة علي وعلى الكونتنتال هتلاقيه ف رينج 600 او اكثر
وهتلاقيه عند بركات فمصطفى النحاس بعد تقاطع عباس في الناحية الشمال
ولو الدنيا مخسعة اوووي دور عالكومهو
بس في النهاية ربنا يوفقك في بيع الماكسس
تحياتي

انا جبت رقم برديجستون من على الموقع بتاعهم على النت هنا
والتوكيل واحد في الدقي
قالي اللي عندها حاليا بريدجستون اندونيسي نوعين
comfort ...... ب 547 جنيه
standard ...... ب 454 جنيه
ولو عايز الياباني قالي ب 686 جنيه

والكومفورت الاندونيسي ده قالي اسمه AR10
والياباني GR90

Turanza | Tyres | Bridgestone Middle East & Africa FZE

بس طبعا الياباني غالي جدا فانا بفكر في الاندونيسي يعني معقول شوية

[karemshen]

أنا جربت الماكسس إلى الآن ومشيت 1200 كيلو مثلاً .. ومش حاسس بمشكلة كبيرة الحقيقة

موضوع الظلط وإنه بيلم ظلط كل الكاوتشات بتعمل كدة .. بس ده زيادة شوية مقدرش أنكر

أنا أول مستلمت العربية كنت هعمل زيك .. بس قررت أجرب الأول ولقيت مفيش مشاكل

وفرت الفلوس دي وجبت بيها فرش للعربية وحساس ركن .. وعملت شوية حاجات كدة ..

وفر فلوسك أحسن :) ده رأيي الشخصي

هو طبعا انا شاكر للنصيحه بردوا جدا
بس انا اللي اعرفه ان نوع الكاوتش يفرق معايا في العفشه وحركة العربية
يعني لو الكاوتش نوعه حلو هيريح العفشه جدا ويحافظ عليها
وفي نفس الوقت قوة الفرامل هتبقى احسن واداء السيارة حسن
هذا والله اعلم وياريت الخبراء يفيدونا

[Land_Cruiser]

انا بصراحه لا أثق فى الكاوتش الماكسيس ده و لو كنت مكان حضرتك هاغيره بأسرع ما يمكن و تغييره بماركه احسن هيزيد من امان العربيه لان الكاوتش عامل امان مهم و هو اللى شايل العربيه كلها ده غير انه هيخف الحمل عن العفشه و هيخللى حضرتك تنبسط اكتر من العربيه من حيث الأداء و الفرامل . طبعا الماكسيس دلوقتى هتلاقيه مقبول لكن علشان لسه جديد إنما العبره بعد المشى به فتره هتلاقيه ابتدى تظهر فيه المشاكل و ساعتها مش هتعرف تبيعه اصلا و لذلك الحل معاه هو التغيير من اولها لو فى امكانيه او المشى به كام الف كيلو و بعد كده تغيره فى اقرب فرصه. بالنسبه لعمليه البدل فى الاغلب مش هتلاقى حد يبدل لك العجل و ياخده منك بسعره الفعلى العادل و يعطي لك الماركه اللى انت عايزها بسعرها العادى و فى الاغلب هيخفس لك بثمنه الارض و يعلى لك سعر الكاوتش الجديد التانى و لذلك أفضل حاجه ان حضرتك تعمل الموضوع على خطوتين : يعنى تبيع القديم الى حد ثم تشترى الجديد من حد تانىو ده ممكن يتم بانك تعمل اعلان عن بيعه هنا فى قسم الاطارات فى المنتدى و توصفه وصف دقيق و ماشى كام الف كيلومتر و ممكن كمان تعمل اعلان فى باقى مواقع اللى بتبيع و تشترى منها على الانترنت و لما يجيلك سعر حلو اتفق مع المشترى انه يجيلك عند بتاع الكاوتش اللى هتشترى منه الاطارات الجديده بعد ما تكون سألت عن الاسعار و حددت هتشترى من مين و المشترى بتاع العجل الماكسيس بتاعك يقابلك عند بتاع الكاوتش ياخده و يدفع لك الفلوس و حضرتك تكمل عليهم و تركب اللى انت عايزه فى نفس الوقت و تخلص الموضوع فى مشوار واحد و بالتوفيق لما فيه الخير

[Bishoy.Girgis]

انا مركب من فترة الميشلان الانجليزي و بجد تحفة

[ahmed_hanafi]

هات البريدج ستون اليباني التورانزا ...دة بجد تحفة

[karemshen]

طاب كده تمام نغير باذن الله طاب بالنسبة لمحل حد يعرف محل يشتري مستعمل بسعر حلو او اي حد
عايز كاوتش ماكسس !!!!!!!!!!!!!!

[jankiez]

طاب كده تمام نغير باذن الله طاب بالنسبة لمحل حد يعرف محل يشتري مستعمل بسعر حلو او اي حد
عايز كاوتش ماكسس !!!!!!!!!!!!!!

انا ممكن يا باشا اشتريه منك يا ريت لو تبعت لي على الخاص